2023-07-06 15:17
Информагентства
Զախարովան մեկնաբանել է Մակրոնի` ԼՂ-ի վերաբերյալ հայտարարությունները
Ռուսաստանի ԱԳՆ ներկայացուցիչը Ֆրանսիայի նախագահին մեղադրել է աշխատանքը սաբոտաժ անելու և ԵԱՀԿ Մինսկի խմբի փլուզմանը մասնակցելու համար։
Ֆրանսիայի նախագահ Էմանուել Մակրոնի հայտարարությունները` կապված ղարաբաղյան կարգավորման հարցում սեփական դերի հետ, ոչ մի արդյունքներով չեն ամրապնդվում: Այս հայտարարությունն արել է ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ:
Հունիսի 28-ին Մարսելում Մակրոնը հայտարարել էր, որ ճնշում է գործադրում Ադրբեջանի նախագահ Իլհամ Ալիևի վրա, և ինքը միակն է, ով հստակ դիրքորոշում ունի Լեռնային Ղարաբաղի հարցում ու գրեթե միայնակ է այդ թեման պահպանում միջազգային հանրության օրակարգում:
«Նման հայտարարություններից հետո տպավորություն է ստեղծվում, որ նախագահ Մակրոնի համեստությունը զիջում է միայն նրա տղամարդկությանը։ Մենք, իհարկե, չենք դադարում զարմանալ Ֆրանսիայի նախագահի այդ հատկանիշների վրա, թե ինչ պաթոսով է նա խոսում իր դերի, Լեռնային Ղարաբաղի հակամարտության կարգավորման մեջ արժանիքների մասին և այլ հարցերում նույնպես», - ասել Է Զախարովան։
Դիվանագետն ափսոսանք է հայտնել, որ Մակրոնը ոչինչ չի ասել նման արդյունավետ աշխատանքի գործնական արդյունքների մասին։
«Հնարավոր է՝ չի ասել, քանի որ այդ արդյունքները ոչ ոք երբևէ չի տեսել», - նշել է ՌԴ ԱԳՆ ներկայացուցիչը՝ մատնանշելով, որ դա վերաբերում է նաև շատ այլ գործերի, որոնք ստանձնել Է Մակրոնը:
Մոսկվան, նրա խոսքով, վաղուց պատրանքներ չունի, որ Ֆրանսիան կարող է ներդրում ունենալ Լեռնային Ղարաբաղի բարդ խնդիրների լուծման գործում։
«2022 թվականին աշխատանքը սաբոտաժ անելը, իսկ, ըստ էության, փլուզելը, այդ թվում՝ Փարիզի, ԵԱՀԿ Մինսկի խմբի ջանքերով, անցյալ տարվա աշնանը Ֆրանսիայի Ազգային ժողովի և Սենատի կողմից «Ադրբեջանի ագրեսիան» դատապարտող (ինչպես իրենք են գրել) բանաձևի ընդունումը և երկրի ու նրա պաշտոնատար անձանց դեմ պատժամիջոցներ սահմանելու պահանջը, կասկածելի մանդատով և առանց Ադրբեջանի կարծիքը հաշվի առնելու Հայաստանում քաղաքացիական առաքելություն ծավալելու մասին Փարիզի կողմից որոշում նախաձեռնելը, այս տարածաշրջանային հակամարտության մեջ, այս ամենը վառ օրինակն են այն բանի, թե Ֆրանսիան ինչ օրակարգ ունի այս տարածաշրջանային հակամարտությունում, որը պահանջում է գիտելիքներ, պրոֆեսիոնալիզմ և գործողությունների ճշտություն», - ընդգծել է Զախարովան։
Նրա խոսքով՝ այդ բոլոր գործողություններն ուղղված են ոչ թե կողմերին օգնելուն, այլ Ռուսաստանին դուրս մղելուն և սեփական քաղաքական, երբեմն նաև նախընտրական նպատակների իրականացմանը: Դրանք, Զախարովայի տեսանկյունից, ոչ միայն դրական արդյունք չտվեցին բանակցային գործընթացին, այլ հակառակը՝ վարկաբեկեցին Ֆրանսիայի միջնորդական դերը հայ-ադրբեջանական հարաբերությունների կարգավորման գործում։
«Բայց ինքնագովազդը նույնպես ոչ ոք չի չեղարկել։ Հնարավոր է՝ դա միակ բանն է, որ նրանց մոտ մնացել է»,– նշել է Զախարովան։
Ավելի վաղ ՀՅԴ-ն ներկայացրել էր Մարսելում Ֆրանսիայի նախագահ Էմանուել Մակրոնի և հայկական ազդեցիկ շրջանակների հանդիպման մանրամասները։ Ըստ հաղորդագրության` Ֆրանսիայի նախագահը հայտարարել է, որ ինքն Ալիևի վրա ավելի շատ ճնշում է գործադրել և գործադրելու, քան Նիկոլ Փաշինյանը։ Ավելի ուշ Ադրբեջանի ԱԳՆ-ն Ֆրանսիայի նախագահին մեղադրեց Բաքվի նկատմամբ կանխակալ վերաբերմունքի համար։
ПОСЛЕДНИЕ ОТ АВТОРА
-
New2025-07-05 14:30Самая большая опасность, которой следует опасаться, — это стремительная радикализация общественных настроений. В независимой Армении всегда были периоды обострения той или иной степени, и всегда это заканчивалось трагедией. Но это - беспрецедентная атмосфера: для всех мыслящих людей, во власти или вне ее, для тех, кто «не занимается политикой», постоянных наблюдателей и общественных активистов это должно настораживать. Ничего хорошего в этом нет. Ничего здорового. Бойтесь этого.
-
New2025-07-05 13:26Азербайджан объявил, что на его территории будет размещена турецкая военная база. Таким образом в постсоветской закавказской республике появится военная база НАТО — крупнейшая в регионе.
-
New2025-07-05 13:23Мэры двух крупных городов на юге Турции были арестованы в субботу, пополнив растущий список оппозиционных деятелей, задержанных с тех пор, как мэр Стамбула Экрем Имамоглу был заключен в тюрьму в марте.
-
New2025-07-05 13:21Совет Церквей Австрии (CIN) призвал международное сообщество внимательно следить за происходящими в Армении событиями и потребовать соблюдения прав человека, особенно свободы вероисповедания. Об этом говорится в заявлении правления Совета.