2023-07-11 14:00
Информагентства
0
Մի խումբ արցախցիներ պահանջում են հանդիպում ՀՀ-ում ԱՄՆ դեսպանի հետ՝ նրա վերջին հայտարարության առնչությամբ
ԱՄՆ դեսպանատան դիմաց մի խումբ արցախցիներ ակցիա անցկացրեցին․ նրանք Հայաստանում ԱՄՆ դեսպան Քրիստինա Կվինի հետ հանդիպում են պահանջում՝ նրա վերջին հայտարարության առնչությամբ։
«Արմենպրես»-ի հետ զրույցում «Հանուն Հադրութի» հասարակական կազմակերպության գործադիր մարմնի նախագահ, ակցիայի կազմակերպիչ Լևոն Հայրիյանը նշեց, որ Արցախը 200 օրից ավել շրջափակման մեջ է և հեռանկար էլ չի երևում, թե երբ կապաշրջափակվի, արհամարհված են արցախցիների մարդու ու միջազգային իրավունքները։
«Մեր նպատակն է նամակ փոխանցել ԱՄՆ դեսպանատանը և հանդիպում պահանջել դեսպանի հետ, որովհետև նրա վերջին հարցազրույցը մեզ մոտ հարցեր է առաջացրել։
Մասնավորապես, Արցախը Ադրբեջանի կազմում թողելու հարցը։ Սա մեզ համար շատ զարմանալի է, որովհետև մենք գիտենք, որ 1918 թվականից գոյություն ունի Վուդրո Վիլսոնի իրավարար վճիռը, որտեղ հստակ շեշտված է, որ աշխարհը պետք է հարգի ազգերի ինքնորոշման իրավունքը։ Արցախն Ադրբեջանի կազմ մտցրել է բռնապետ Ստալինը։ Ընդ որում, դա պարզ օկուպացիա էր՝ սկզբից ռուսական զորքը հարձակվել էր Արցախի վրա, գրավել և հետո հանձնել Ադրբեջանին։ Ստացվում է ԱՄՆ-ն, որը համաշխարհային ժողովրդավարության առաջնորդն է և դրոշակակիրն է, մարդու իրավունքների մեծագույն պաշտպանը և ազգերի ինքնորոշման իրավունքի ջատագովը, մի կողմ է թողնում ազգերի ինքնորոշման իրավունքը և գնում բռնապետ Ստալինի հետևից և պաշտպանում նրա որոշո՞ւմը։ Այս հարցերի պատասխանը կուզենայինք ԱՄՆ դեսպանի հետ հանդիպմանը լսել»,- ասաց Հայրիյանը ԱՄՆ դեսպանատան ներկայացուցչի հետ հանդիպման ժամանակ։
Հայրիյանը նշեց, որ Արցախի որոշ բնակավայրեր շարունակվում են Ադրբեջանի կողմից օկուպացված մնալ, և բռնի տեղահանված արցախցիները անորոշության մեջ են ու կցանկանային իմանալ ԱՄՆ-ի մոտեցումը բռնի տեղահանված արցախցիների ապագայի վերաբերյալ։
«Այս հարցի պատասխանը ևս կցանկանայինք լսել»,- ասաց Հայրիյանը և նամակ փոխանցեց ԱՄՆ դեսպանատան ներկայացուցչին։
ԱՐՄԵՆՊՐԵՍ
ПОСЛЕДНИЕ ОТ АВТОРА
-
New2024-11-19 15:56Мэрия Еревана утвердила проект решения о льготных тарифах на транспорт для разных социальных групп.
-
New2024-11-19 15:54Вступление в силу поправок к Налоговому кодексу с 1 июля 2025 г., то есть с середины налогового года, является проблемой для представителей микробизнеса и хозсубъектов, выплачивающих налог с оборота. Об этом заявил глава Республиканского союза работодателей Армении Ваагн Амбарцумян на парламентских слушаниях в комиссии по экономическим вопросам.
-
New2024-11-19 15:52Прошли сутки после массовых отставок в правительстве Армении. Что характерно – участники событий, включая Пашиняна, так и не смогли объяснить, что это было.
-
New2024-11-19 15:52Нефтегазовое лобби прислало на СОР29 в Баку представительную делегацию. Согласно отчету коалиции Kick Polluters Out, объединяющей 450 НПО, на конференцию ООН по климату приехали 1 773 лоббиста. На делегации Евросоюза приходится, по данным экоактивистов, 113 лоббистов, сообщает Euronews.