2023-07-14 17:42
Информагентства
0
Տեղի է ունեցել գերիների և անհայտ կորած անձանց հարցերով զբաղվող հանձնաժողովի նիստը
2023 թ. հուլիսի 13-ին ՀՀ ազգային անվտանգության ծառայության տնօրեն, գեներալ-մայոր Ա. Աբազյանի գլխավորությամբ տեղի է ունեցել գերիների, պատանդների և անհայտ կորած (գտնվելու վայրն անհայտ) անձանց հարցերով զբաղվող միջգերատեսչական հանձնաժողովի հերթական նիստը, որին բացի հանձնաժողովի անդամներից ներկա են եղել Հայաստանում Կարմիր խաչի միջազգային կոմիտեի պատվիրակության ղեկավար Թիերի Ռիբոն, անհայտ կորած անձանց ընտանիքների շահերը ներկայացնող մի խումբ ծնողներ և հարազատներ:
Նիստի ընթացքում հանձնաժողովը հավանություն է տվել Անհայտ կորած (գտնվելու վայրն անհայտ) անձանց, գերիների վերաբերյալ հայեցակարգին, քննարկվել են անհայտ կորելու հանգամանքների շուրջ տարվող քննության արդյունքները, տուժողների, ինչպես նաև ԴՆԹ նույնականացում ունեցող անձանց հետ տարվող աշխատանքները:
Հանձնաժողովի անդամները ներկայացրել են իրենց կատարած աշխատանքները, ինչպես նաև պատասխանել ծնողների, հարազատների բարձրացրած հարցերին, որոնք վերաբերել են բռնի անհետացած անձանց ճակատագրին, միջազգային ատյաններում նրանց դեպքերը պատշաճ ներկայացնելու կարևորությանը, կատարվելիք աշխատանքներին, անհայտ կորելու հանգամանքների շուրջ ՀՀ քննչական կոմիտեի կողմից կատարվող քննությանը, ծնողների ներգրավվածությանը գործընթացին, ԴՆԹ նույնականացում ունեցող անձանց հետ կապված խնդիրներին:
Առանձին հարցեր հանգամանալից քննարկելու նպատակով նիստի ընթացքում ձեռք են բերվել պայմանավորվածություններ հանձնաժողովի առանձին անդամների և ծնողների խմբի միջև աշխատանքային կարգով հանդիպումներ անցկացնելու վերաբերյալ, որոնց արդյունքները պետք է ներկայացվեն հանձնաժողովին:
News.am
ПОСЛЕДНИЕ ОТ АВТОРА
-
New2024-11-19 13:44Азербайджан не примет участия в 37-м армейском чемпионате мира по борьбе, который состоится 20-24 ноября в ереванском Спортивно-концертном комплексе имени Карена Демирчяна.
-
New2024-11-19 13:41Конгрессмен США Фрэнк Паллоне, участвовавший в саммите ООН по изменению климата COP 29 В Баку, столкнулся с протестами, спонсируемыми правительством Азербайджана. Об этом Паллоне собщил на своей странице в соцсети.
-
New2024-11-19 13:40Из музея Ерванда Кочара исчезли семь работ художника стоимостью около 500 000 долларов. С таким заявлением выступил культурный фонд «Кочар».
-
New2024-11-19 13:37На заседании Совета старейшин Еревана член фракции «Мать Армения» Месроп Манукян поинтересовался у вице-мэра Сурена Григоряна, докладчика по вопросу установления льгот для определенных слоев населения на фоне подорожания проезда в транспорте, почему для наших соотечественников, насильственно перемещенных из Арцаха, не установлен специальный тариф.