Последние новости
2023-07-19 11:11

«ԷԼԵԿՏՐԱԿԱՆ ՀՈՎԻՎՆԵՐ»՝ ԽՐՏՎԻԼԱԿՆԵՐԻ ՓՈԽԱՐԵՆ. ՆՈՐ ՏԵԽՆՈԼՈԳԻԱՆԵՐ ԳՅՈՒՂԵՐՈՒՄ

0
Telegram

Վայք խոշորացված համայնքում գյուղական 15 բնակավայր կա: Դրանցից ոչ մեկն ապահովագրված չէ արջերի անակնկալ հայտնվելուց: Ֆերմերային տնտեսությունները ծուռթաթ բրդոտներից պաշտպանելու ավանդական մեթոդն արդեն հնացել է. պտղատու այգիների, ընտանի կենդանիների և մեղվափեթակների մոտ տեղադրված խրտվիլակները զրոյական ազդեցություն ունեն: Արջերն անտեսում են դրանց համեստ տեղակայումն ու գործի անցնում: Դրանում շատերի նման համոզվել է նաև խնձորուտցի Նատալյա Պողոսյանը, ով ամուսնու հետ ավելի քան 2 տասնամյակ մեղվաբուծությամբ է զբաղվում:

«Չուչելա էի կարել, հագցրել էի, որ մարդու տեղ դնի, բայց էլի չէր օգնում. գալիս էր, ջարդում էր… չէր վախենում: Էս տարի առաջին անգամ մեզ «էլեկտրական հովիվ» են նվիրել: Ասել են՝ սրանով արջը մոտ չի գա: Այսքան ժամանակ անընդհատ հետևում ենք. արջը դեռ չի եկել, վնաս չի տվել»,-ասել է Նատալյա Պողոսյանը:

Վայք խոշորացված համայնքը հրաշալի պայմաններ ունի մեղվաբուծության զարգացման համար: Մեղվափեթակների թիվն այստեղ հասնում է 1500-2000-ի: Ծուռթաթ բրդոտները կարողանում են արագ կողմնորոշվել՝ ուր գնալ մթնշաղից հետո: Եթե նրանց համար գիշերային մեկ հարձակման արդյունքն ընդամենը 3-4 մեղվափեթակ է, ապա ֆերմերի համար՝ ֆինանսական զգալի կորուստ: Մեկ մեղվափեթակի արժեքը կազմում է 60-80 հազար դրամ: Վերջին օրերին 9 մեղվափեթակ է վնասվել 3 գյուղում:

Մարդ-վայրի կենդանի հակասությունը մեղմելու համար երեք տարի առաջ Վիվա-ՄՏՍ-ն ու Վայրի բնության և մշակութային արժեքների պահպանման հիմնադրամը(FPWC) անհրաժեշտ տարածքը պաշտպանելու ժամանակակից լուծում են առաջարկել ֆերմերներին: Վայոց ձորի մարզի 5 համայնքում կենդանիների հարձակմանը ենթարկվող տարածքներն սկսել են հսկվել «էլեկտրական հովիվներով»: «Էկո գյուղերի ցանց» ծրագրի շրջանակում երկու համակարգ էլ ստացել է Վայք համայնքը. ընթացիկ տարում դրանց թիվն ավելացել է չորսով: Դրանցից օգտվողներն արդեն նկատելի տարբերություն են արձանագրել:

«Այս տարի 4 համակարգ ենք ստացել և տվել ենք մեղվապահներին, որովհետև անցած տարի արջը շատ է վնասել մեղվափեթակները: Այս «էլեկտրական հովիվների» առավելությունը այն է, որ շատ հեշտ հավաքվում են, և երբ ցանկանան, ընդամենը 15-20 րոպեում կարող են տեղափոխել և ուրիշ տեղ հավաքել: Դրանք կենդանուն վնաս չեն տալիս, բնությանը վնաս չեն տալիս, իսկ մեղվապահներն էլ գիշերը հանգիստ քնում են, որովհետև գիտեն, որ արջը մոտ չի գա»,-ասել է Վայք խոշորացված համայնքի ղեկավար Մխիթար Մաթևոսյանը:

«Էլեկտրական հովիվների» համակարգերից մեկն էլ ստացել է Սանասար Մովսիսյանի ընտանիքը: Գարնանը սար բարձրացած ամուսինները գյուղ կիջնեն աշնանը: Գիշերում են սարում տեղակայված տնակում՝ չանհանգստանալով արջերի հայտնվելուց: Հույս ունեն, որ «էլեկտրական հովվի» մասին իրենց պատկերացումներն արդարացված կլինեն:

Էլեկտրական ցանկապատն աշխատում է բարձր լարմամբ, սակայն հոսանքի ցածր ուժով (ամպերաժով): Դրա արդյունքում կենդանիները ֆիզիկապես չեն տուժում, այլ տհաճություն զգալով՝ այլևս չեն մոտենում ցանկապատված տարածքներին:

Галерея (7 фото)

Основная тема:
Վիվա-ՄՏՍ

Теги:
Վիվա-ՄՏՍ

ПОСЛЕДНИЕ ОТ АВТОРА

  • КНИГА О «КОДЕ ЛИЧНОСТИ» ХАКАНА ФИДАНА
    2025-04-01 10:26

    В Москве в рамках Книжной серии ДИАЛОГ вышла в свет книга Геворга Минасяна и Анжелы Симонян «Хакан Фидан – штрихи к портрету возможного будущего президента Турции».

  • ЧЕТЫРЕ ПОКОЛЕНИЯ ВАГАРШЯНОВ В ИСКУССТВЕ
    2025-03-31 10:14

    Марина Вагаршян – яркая представительница талантливой армянской династии. Дочь Лаэрта Вагаршяна и внучка Вагарша Вагаршяна, она не выбрала по их примеру кино или театр, а стала художницей.

  • В ЕРЕВАНЕ ОБСУДИЛИ ВОЗМОЖНОСТИ РАЗВИТИЯ РЕАБИЛИТАЦИОННОГО ЦЕНТРА ДЛЯ АРЦАХСКИХ ДЕТЕЙ
    2025-03-29 10:42

    25 марта 2025 года председатель Организации ДИАЛОГ Юрий Навоян в сопровождении Предводителя Арцахской епархии ААЦ епископа Вртанеса Абраамяна в Ереване посетил Детский реабилитационный центр, где встретился с руководством центра и ознакомился с условиями и деятельностью учреждения.

  • Татев АЙРАПЕТЯН: ПОСЛЕ 2020 ГОДА НЕ ЗНАТЬ И НЕ ПОНИМАТЬ НЕВОЗМОЖНО
    2025-03-29 10:06

    Если до 2020 года Пашинян позиционировал себя иначе, то после 2020 года уже было ясно, по какому пути он поведет Армению, и все те, кто остался рядом с ним, не помог его сместить, когда была такая возможность, и предотвратить надвигающуюся катастрофу, вольно или невольно, являются соучастниками, потому что они не могут сказать, что не знали, написала в своем ТГ-канале эксперт по вопросам Азербайджана, бывший депутат фракции «Мой шаг» Татев Айрапетян, коснувшись вопроса лишения неприкосновенности бывшего гэдэшника Овика Агазаряна. Она отметила, что после 2020 года тексты звучали весьма ясно и прямолинейно, чтобы не знать и не понимать. Публикацию полностью приводим ниже.

ПОСЛЕДНЕЕ ПО ТЕМЕ