2023-07-19 12:13
Информагентства
Ո՞Վ Է ՀԱՅԱՍՏԱՆՈՒՄ ՄԱՐԴԱՏԱՐ ԱՎՏՈՄԵՔԵՆԱՆԵՐ «ԱՐՏԱԴՐՈՒՄ» (ՏԵՍԱՆՅՈՒԹ)
Հայկական «Սեպուհ 1» ընկերությունը կորեական «Ssang Yong» ընկերության պահեստամասերով մարդատար ավտոմեքենաներ է հավաքում: Արտադրության մասին շատ մանրամասներ հայտնի չեն, ընկերությունը խոստանում է հարցերին պատասխանել առաջիկայում, մինչ այդ «Ռադիոլուրը» որոշ պարզաբանումներ է ստացել էկոնոմիկայի նախարարությունից։
ՀՀ էկոնոմիկայի նախարար Վահան Քերոբյանը հուլիսի 15-ին «Ֆեյսբուք» սոցիալական ցանցում տեսանյութ էր հրապարակել և գրել, որ Հայաստանում արտադրվող ավտոմեքենաներն արդեն պետական հաշվառում են ստանում։
««Սեպուհ 1» ընկերությունը համապատասխանության գնահատման փաստաթղթեր է ստացել իր հավաքած 8 մեքենաների համար»,– «Ռադիոլուրին» ասել է «Ստանդարտացման և չափագիտության ազգային մարմին» ընկերության տնօրեն Ալբերտ Բաբայանը` նշելով, որ 2022 թվականին Մաքսային Միության տեխնիկական կանոնակարգով է այս բացառությունը նախատեսվել անդամ երկրների համար։
Մեքենաները, ըստ էության, ոչ թե արտադրվում, այլ հավաքվում են Հայաստանում։ Հայկական «Սեպուհ 1» ընկերությունը կորեական ընկերության պահեստամասերով հավաքում է թեթև մարդատար «Tivoli» քրոսովեր և «Rexton» ամենագնաց: Հետագայում նախատեսվում է պահեստամասերն արտադրել Հայաստանում։
«Տվյալ մեքենաներն իրենցից ենթադրում են խոշոր հանգուցավոր մասերի հավաքման արդյունքում ստացված ավտոմեքենաներ։ Դրանք արդեն ստացել են պետական հաշվառման համարանիշներ և պատրաստ են իրացման ՀՀ-ում»,– գրում է լրատվամիջոցը։
«Սեպուհը» հարավկորեական «Սանգիոնգ» ապրանքանիշի պաշտոնական ներկայացուցիչն է Հայաստանում։ Ընկերությունը գրանցվել է 2018 թվականին։ Սեփականատերը հայազգի Ջանեզ Ավետյանն է։
Մեքենաների արժեքը, նախնական հաշվարկներով, տատանվելու է 30-40 հազար ամերիկյան դոլարի սահմաններում։
ПОСЛЕДНИЕ ОТ АВТОРА
-
New2025-06-30 18:11Духовный пастырь Мармашена, священник отец Парен Петросян, отреагировал на публичное заявление премьер-министра Армении, касающееся женатых священников.
-
New2025-06-30 18:02Фигуранты дела об убийствах в Екатеринбурге занимаются незаконной деятельностью с конца 1990-х годов, сообщил РИА Новости источник в силовых структурах.
-
New2025-06-30 18:02Главы МИД стран Организации Договора о коллективной безопасности (ОДКБ) выразили беспокойство растущими угрозами терроризма и увеличением количества терактов на почве неонацизма. Об этом говорится в заявлении глав СМИД ОДКБ о коллективной безопасности о противодействии радикализации, ведущей к терроризму и экстремизму.
-
New2025-06-30 16:27Мэрия Еревана демонтировала баннер с надписью "Свободу Самвелу Карапетяну" и фотографией предпринимателя, размещенный на здании ТЦ "Ташир" в центре Еревана.