2023-07-20 16:06
Информагентства
Բրյուսելը Բաքվին կոչ է անում ապահովել տեղաշարժը Լաչինի միջանցքով. ԵԱՀԿ Խորհրդի նիստում ԵՄ առաքելություն
ԵԱՀԿ-ում ԵՄ պատվիրակության մշտական ներկայացուցիչ Ռասա Օսրաուսկայտեն հերթական անգամ հնչեցրել է Բրյուսելի կոչն Ադրբեջանի իշխանություններին Լաչինի միջանցքով ազատ տեղաշարժն ապահովելու մասին։ Մասնավորապես, Հայաստանի արտաքին գործերի նախարար Արարատ Միրզոյանի դիմումին ի պատասխան՝ նա նշել է.
«Եվրամիությունը ջերմորեն ողջունում է արտաքին գործերի նախարար Միրզոյանին Մշտական խորհրդում։
2023թ. հունվարին Վիեննա կատարած ձեր վերջին ուղևորության ժամանակվանից հետո մենք դարձել ենք Հայաստանի և Ադրբեջանի միջև համապարփակ և արդյունավետ բանակցությունների վկաները՝ շնորհիվ Եվրամիության ակտիվ մասնակցության և Ամերիկայի Միացյալ Նահանգների լրացուցիչ ջանքերի, ինչպես նաև չնայած տեղերում լարվածության տագնապալի աճին վերջին մի քանի ամիսների ընթացքում։
Անցած շաբաթ Բրյուսելում վարչապետ Փաշինյանի և նախագահ Ալիևի հետ վերջին եռակողմ հանդիպումից հետո Եվրոպական խորհրդի նախագահ Միշելը երկու ղեկավարներին կոչ է արել ձեռնարկել հետագա համարձակ քայլերը՝ հարաբերությունների կարգավորման ճանապարհին վճռական և անշրջելի առաջընթացի հասնելու համար։ Մասնավորապես, ԵՄ-ն ակնկալում է, որ ադրբեջանական կողմը կձեռնարկի Լեռնային Ղարաբաղի հայ բնակչության իրավունքների և անվտանգության հստակ երաշխիքների տրամադրմանն ուղղված կոնկրետ քայլեր։ Բոլոր չլուծված հարցերը պետք է լուծվեն բանակցությունների միջոցով, առանց ուժի կամ ուժի սպառնալիքի կիրառման։
ԵՄ-ն քանիցս Ադրբեջանի իշխանություններին կոչ է արել լիովին ապահովել Լաչինի միջանցքով ապրանքների և մարդկանց տեղաշարժի վերականգնումը՝ Միջազգային դատարանի 2023թ. հուլիսի որոշմանը համապատասխան, ինչպես նաև էներգիայի անսահմանափակ մատակարարումները։ Տեղաշարժի ազատության այդ սահմանափակման խստացումն առաջ է բերում զգալի անհանգստություն տեղի բնակչության շրջանում։ ԵՄ-ն մտահոգ է պարենի, դեղորայքի և առաջին անհրաժեշտության այլ ապրանքների անբավարարության հումանիտար հետևանքներով՝ գործող սահմանափակումների պատճառով։ Ադրբեջանի իշխանությունների արգելքը ԿԽՄԿ-ի կողմից տարածաշրջան և այնտեղից բեռների փոխադրման հարցում անհանգստություն է առաջացնում։ Ներկա իրավիճակը լարվածություն է ստեղծում, որը հակասում է վստահության ամրապնդման այդքան անհրաժեշտ ջանքերին։
ԵՄ-ն նաև հիշեցնում է Հայաստանում ԵՄ առաքելության կարևորության մասին, որի նպատակն է այն պայմանների ստեղծմանն աջակցելը, որոնք կնպաստեն կարգավորման այն ջանքերին, որոնց աջակցում է ԵՄ-ն։
Մենք ցանկանում ենք մեկ անգամ ևս հայտարարել մեր վճռական աջակցությունը կայուն, դեմոկրատական, ինքնիշխան և բարգավաճ Հայաստանին։ Մենք ողջունում ենք Հայաստանի անփոփոխ հավատարմությունը բարեփոխումներին՝ մեր ընդհանուր արժեքներին համապատասխան, չնայած տարածաշրջանում անվտանգության բարդ պայմաններին։ Մենք կշարունակենք համատեղ աշխատանքը մարդու իրավունքների և հիմնական ազատությունների ամրապնդման ուղղությամբ, ներառյալ կարծիքների արտահայտման և ԶԼՄ-ների ազատությունը։ Այս առնչությամբ կցանկանայի հիշեցնել դատական իշխանության անկախության և արդյունավետության մշտական բարձրացման և կոռուպցիայի դեմ պայքարի կարևորությունը՝ պետական իսնտիտուտների հանդեպ քաղաքացիների վստահության բարձրացման նպատակով, ինչպես նաև խտրականության վերացումը։ ԵՄ-ն պատրաստ է շարունակել օգնություն ցուցաբերել Հայաստանին մեր Համապարփակ և ընդլայնված գործընկերության համաձայնագրի իրականացման և սոցիալ-տնտեսական խնդիրների լուծման հարցում։
Վերջում, նախարար Միրզոյան, թույլ տվեք մեկ անգամ ևս հայտարարել Հայաստանին, նրա քաղաքացիներին և Ադրբեջանի հետ հարաբերությունների կարգավորմանը ԵՄ անփոփոխ աջակցության մասին։ ԵՄ-ն պատրաստ է իր ավանդը ներդնել վստահության ամրապնդման և տարածաշրջանային անվտանգության ապահովման բոլոր ջանքերում»։
News.am
ПОСЛЕДНИЕ ОТ АВТОРА
-
New2025-05-12 15:01Генеральное консульство России в Кракове прекратит свою деятельность в течение 30 дней, дипломаты должны покинуть страну. Как сообщает Арменпресс, со ссылкой на ТАСС, об этом заявила заместитель министра иностранных дел Польши Хенрыка Мосьцицкая-Дендыс.
-
New2025-05-12 15:00Информация об исчезновении двухлетнего Тиграна, к сожалению, становится предметом спекуляций со стороны различных лиц. Более того, находятся люди, которые без каких-либо оснований создают имитацию похищения ребенка.
-
New2025-05-12 14:58В расследовании по делу о покушении на спикера парламента Армении Арарата Мирзояна (действующего министра иностранных дел – ред.), которое произошло в ночь на 10 ноября 2020 года, есть значительное продвижение. Об этом на заседании Национального Собрания во время обсуждения отчета об итогах деятельности Следственного комитета за 2024 год заявил 12 мая глава ведомства Артур Погосян, отвечая на вопросы депутатов.
-
New2025-05-12 14:57
Следственный комитет Армении пока не возбудил уголовное дело против полицейских по факту предполагаемого избиения юноши из Карабаха в отделении полиции города Ванадзор. Об этом сообщил председатель комитета Артур Погосян, представляя в парламенте годовой отчет ведомства и отвечая на вопрос депутата блока "Айастан" Гарника Даниеляна.