2023-08-25 12:31
Информагентства
ՌԴ էկոնոմիկայի նախարար. Բացի առևտրից, Հայաստանն ու Ռուսաստանը մեծացնում են կոոպերացիան
Հայաստանն ու Ռուսաստանը, բացի առևտրաշրջանառության ծավալներից, ակտիվորեն մեծացնում են նաև կոոպերացիոն կապերը։ Այդ մասին հայտարարել է ՌԴ էկոնոմիկայի նախարար Մաքսիմ Ռեշետնիկովը Երևանում Հայաստանի և Ռուսաստանի գործարար շրջանակների ներկայացուցիչների հետ հանդիպման ժամանակ։
Երկու երկրների տնտեսական գերատեսչությունների ղեկավարները Եվրասիական միջկառավարական խորհրդի նիստի շրջանակներում գործնական նախաճաշ են անցկացնում:
Ինչպես նշել է Ռեշենտնիկովը, ներկայումս համաշխարհային տնտեսական միտումներն այնպիսին են, որ տեղի է ունենում մեծ վերակազմավորում, և այս պայմաններում կարևոր է բիզնեսին առավելագույն ազատություն տալ:
«Շատ ուրախալի է, որ տնտեսական վերաձևավորումը հնարավորություններ է բացում մեր ընկերների, մեր հարևանների համար։ Եվ կարևոր է, որ Հայաստանի տնտեսությունն իսկապես օգտվում է այդ բոլոր հնարավորություններից, և մեր գործընկերներն այստեղ, վարելով իրենց տնտեսական քաղաքականությունը, դա շատ լավ հասկանում են։ Կարևոր է, որ բացի առևտրից, մեզ մոտ զարգանում են նաև կոոպերացիոն կապերը, փոխադարձ ներդրումները։ Աճում է փոխադարձ զբոսաշրջությունը, ինչը նշանակում է, որ աճում են մարդկանց միջև շփումները։ Այս ամենը ամրապնդում է մեր փոխըմբռնումն ու փոխադարձ վստահությունը»,– ասել է նախարարը։
Նա կարևորել է ռուսաստանաբնակ հայ գործարարների դերը ռուսական տնտեսության զարգացման և ամրապնդման գործում: Ռեշետնիկովի գնահատմամբ՝ շատ հայազգի գործարարներ աշխատում են չափազանց արդյունավետ, շատ ներդրումներ են անում, շատ բան են անում Ռուսաստանի և Հայաստանի համար:
Անդրադառնալով բուն ռուսական տնտեսության իրավիճակին՝ Ռեշետնիկովը նշել է, որ միտումները բավականին լավատեսական են՝ հաշվի առնելով այն մարտահրավերների ծավալը, որոնք կանգնած են երկրի առջև: Նա հույս ունի, որ Ամանորից առաջ տնտեսական ցուցանիշները բոլորին կուրախացնեն։
«Մենք բավականին վստահ ենք նայում ընթացիկ և հաջորդ տարվան ինչպես ներդրումների, այնպես էլ բնակչության եկամուտների, սպառողական պահանջարկի, բնակչության վարկավորման առումով։ Դրական միտումներ կան»,– հավելել է ՌԴ էկոնոմիկայի նախարարը։
Նա կարծում է, որ այդ միտումները ինքնուրույն չեն ձևավորվում. մշտական աշխատանք է պահանջվում։ Առաջին հերթին այդ արդյունքները պայմանավորված են ՌԴ տնտեսության շուկայական ակտիվությամբ, համաշխարհային տնտեսության մեջ ինտեգրմամբ։
Նշենք, որ Հայաստանի և Ռուսաստանի միջև ապրանքաշրջանառությունը 2023 թ. յոթ ամիսներին կազմել է 3,7 մլրդ դոլար, որից 2 մլրդ դոլարը Հայաստանից Ռուսաստան արտահանումն է, 1,7 մլրդ դոլարը ՝ Ռուսաստանից ներմուծումը։
Sputnik Արմենիա
ПОСЛЕДНИЕ ОТ АВТОРА
-
New2025-06-30 19:32Представители Католикоса Великого Дома Киликийского Арама I в Эчмиадзине встретились с Католикосом всех армян Гарегином II. Они передали Гарегину II обеспокоенность Арама I и его видение относительно выхода из сложившейся ситуации.
-
New2025-06-30 19:29Школьники из Армении завоевали 21 медаль на 5-й международной олимпиаде по прикладной биологии в провинции Бали в Индонезии. Об этом сообщает пресс-служба министерства образования, науки, культуры и спорта Армении.
-
New2025-06-30 19:20Баку выбрал путь обострения отношений с Москвой. Пока в Азербайджане наберутся мудрости, будет страдать азербайджанская диаспора, пишет обозреватель Pravda.Ru Любовь Степушова.
-
New2025-06-30 19:13«Предъявленное предстоятелю Ширакской епархии Армянской Апостольской церкви архиепископу Микаэлу Аджапахяну обвинение – полностью незаконное и необоснованное. И это не только наша позиция. Такой была также позиция прокуратуры и Следственного комитета – до того момента, как премьер-министр начал свои нападки на архиепископа. Хронология здесь абсолютно ясна», – заявил на встрече с журналистами 30 июня представитель группы адвокатов архиепископа Ерем Саркисян.