2023-08-30 13:11
Информагентства
0
Ռուսական համայնքի ղեկավար. Անհնար ենք համարում Արցախի` Ադրբեջանի կազմում գտնվելն
Օգոստոսի 29-ին Ստեփանակերտի մշակույթի և երիտասարդության պալատում տեղի է ունեցել Արցախի ռուսական համայնքի ներկայացուցիչների ժողովը։
«Արցախպրես»-ի հաղորդմամբ միջոցառումը մեկնարկել է Հայ Առաքելական և Ռուսական ուղղափառ եկեղեցու հոգևոր հայրերի օրհնությամբ ու գոտեպնդող խոսքով։
Արցախի ռուսական համայնքի ղեկավար Ալեքսանդր Բորդովն իր խոսքում նշել է, Լեռնային Ղարաբաղի Հանրապետությունն այսօր ծանր վիճակում է հայտնվել և միայն արցախցիներին բնորոշ ոգու ուժն ու տոկունությունը թույլ են տալիս պատվով հաղթահարել այս ամիսների փորձությունները։
«Բնականաբար, մենք հիշում ենք, որ մեր պապերի ու հայրերի համար նույնպես հեշտ չի եղել, քանի որ ղարաբաղյան սուրբ հողի ողջ պատմությունը ազատության, կյանքի, նախնիների հողում ապրելու իրավունքի պայքար է»։ Ռուսական համայնքի ղեկավարը պատմական անդրադարձ է կատարել հայ-ռուսական հարաբերություններին՝ այդ համատեքստում նաև Արցախում ռուսական ներկայության պատմությանը։ Ալ. Բորդովի խոսքով՝ հարյուրամյակների ընթացքում հայերն ու ռուսները ստեղծել են հոգևոր կապեր, ինչը հուշում է ամուր դաշնակցային հարաբերություններ կառուցելու անհրաժեշտության մասին՝ հանուն երկու ժողովուրդների, երկրների ու հավատի։
Ըստ բանախոսի` ներկայում բարդ, փաստացի ճգնաժամային իրավիճակում են հայտնվել ինչպես Արցախի ժողովուրդը, այնպես էլ ռուս խաղաղապահները։
«Միանշանակ է, որ այսօր մենք պետք է բարիկադների նույն կողմում լինենք»,- համոզմունք է հայտնել ռուսական համայնքի նախագահը։
«Մենք, միանշանակ, Ադրբեջանի բնակչության դեմ ոչինչ չունենք, սակայն դեմ ենք արդեն 206 օր շարունակվող շրջափակմանն ու ղարաբաղյան հողում Ադրբեջանի ռազմաքաղաքական ղեկավարության կողմից իրականացրածին, ընդ որում Եռակողմ հայտարարությանը հակառակ։ Այս ամենը, ինչպես նաև պատմական հիշողությունը Սումգայիթում, Բաքվում, Լեռնային Ղարաբաղում ողբերգական այն իրադարձությունների վերաբերյալ, երբ հայ բնակչության նկատմամբ իրականացվել են դաժան հանցագործություններ, թելադրում են Ադրբեջանի կազմում լինելու ու ստեղծված իրավիճակում համատեղ ապրելու անհնարինության մասին. չափազանց ծանր են կորուստների վերքերը»,-հավելել է Ալ. Բորդովը` հորդորելով ամբողջ ուժերով լծվել անվտանգ ու բարգավաճ Արցախ ունենալու գործին։
Այնուհետև ռուսական համայնքի ներկայացուցիչներն իրենց խոսքում կարևորել են հայ-ռուսական բարեկամությունը` անդրադառնալով նաև շրջափակման հետևանքով ստեղծված իրավիճակից ելքերին ու հնարավորություններին:
News.am
ПОСЛЕДНИЕ ОТ АВТОРА
-
2024-11-18 19:40Начатые премьер-министром Армении Николом Пашиняном изменения в правительстве напоминают зампреду Республиканской партии Армении сталинскую кадровую политику. Об этом Ашотян заявил после заседания суда в Ереване.
-
2024-11-18 19:37Посол Ирана в России Казем Джалали выразил надежду, что исламская республика станет членом-наблюдателем Евразийского экономического союза (ЕАЭС) уже в декабре, передает агентство ILNA.
-
2024-11-18 19:17Серию громких отставок в правительстве Армении следует рассматривать как часть предвыборной стратегии властей, направленной на обновление имиджа. Кроме того, отставки позволяют «назначить виновных» за провалы, считает депутат оппозиционного блока «Честь имею», член парламентской комиссии по обороне и безопасности Тигран Абрамян.
-
2024-11-18 18:06Американский конгрессмен Фрэнк Паллоне прервал свой визит в Азербайджан в воскресенье вечером и уехал. Об этом пишут азербайджанские СМИ, ссылаясь на свои источники. Согласно публикациям, отъезд обусловлен его негативным отношением к азербайджанской политике.