2023-08-30 14:51
Информагентства
Կոռնիձորում հումանիտար կայան կգործի
ԼՂ-ի ժողովրդին հումանիտար օգնություն հասցնելու հարցն այս պահին օրհասական է: Այդ մասին Կոռնիձորի սահմանային հատվածում ճեպազրույցի ժամանակ ասաց ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:
Նա նաև տեղեկացրեց, որ Կոռնիձորի սահմանային հատվածում այսօր բացվել է հումանիտար կայան, որը նախատեսված է հումանիտար օգնությանը միանալու ակցիաների շրջանակում օտարերկրյա լրատվամիջոցների, հյուրերի համար՝ որպես կայանման վայր:
«Որպես խորհրդանշական վայր դարձած Կոռնիձորի սահմանային հատվածը, որտեղ գտնվում են բեռնատարները, պարբերաբար տեղի են ունենում այցելություններ նաև միջազգային մեր գործընկերների, միջազգային լրատվամիջոցների կողմից, տարբեր հասարակական-քաղաքական շրջանակների կողմից, և սա կայանման, ժամանման վայր է, որտեղ մեր գործընկերները կարող են գալ»,- ասաց նա:
Վարդան Սարգսյանը նաև տեղեկացրեց, որ Ֆրանսիայից ուղարկված հումանիտար բեռը, որն ուղեկցում էր Փարիզի քաղաքապետի գլխավորած պատվիրակությունը, արդեն հասել է Կոռնիձորի սահմանային հատված: Ռուս խաղաղապահներն այդ մասին տեղյակ են: Իսկ թե ինչ տեսակի հումանիտար օգնություն է ուղարկվել, կներկայացվի ավելի ուշ՝ ֆրանսիական պատվիրակության ասուլիսի ժամանակ:
«Հույս ունենք, որ միջազգային իրազեկվածության բարձրացումը, որի շրջանակում կարող ենք դիտարկել նաև, իհարկե, բարեկամ Ֆրանսիայից ուղարկված այս հումանիտար ուղեբեռի միացումը Կառավարության հումանիտար նախաձեռնությանը, նոր ազդակ, նոր շունչ կհաղորդի այս գործընթացին, և հնարավոր կլինի որևէ կերպ մեղմել ԼՂ-ում առկա հումանիտար ճգնաժամը»,- ասաց նա:
Վարդան Սարգսյանը նաև ընդգծեց՝ ԼՂ-ում իրավիճակը վատթարանում է ժամ առ ժամ, ուստի աշխատանքները շարունակվում են, որպեսզի գոնե հումանիտար ճգնաժամը, որը միտում ունի վերաճելու հումանիտար աղետի, որևէ կերպ մեղմվի:
Aysor.am
ПОСЛЕДНИЕ ОТ АВТОРА
-
New2025-06-30 18:25Посол Азербайджана в России вызван в МИД. Это связано с недружественными действиями Баку, передает РБК со ссылкой на сообщение ведомства.
-
New2025-06-30 18:19Адвокаты Славик Погосян и Артак Навасардян распространили заявление по поводу начатого в отношении депутата Национального собрания Республики Арцах от фракции «Справедливость» Давида Галстяна публичного уголовного преследования.
-
New2025-06-30 18:17В пятницу около 17:30 в Службе национальной безопасности собралось около 40-50 родителей, чтобы встретиться с новоназначенным главой СНБ, но приняли только 15 человек. Об этом в интервью Новости Армении - NEWS.am заявил родитель одного из пропавших без вести военнослужащих, который также участвовал во встрече.
-
New2025-06-30 18:08Духовный пастырь Мармашена, священник отец Парен Петросян, отреагировал на публичное заявление премьер-министра Армении, касающееся женатых священников.