2023-09-07 19:14
Информагентства
Սերժ ՍՐԱՊԻՈՆՅԱՆ․ ՆՈՐ ԴԱՍԱԳՐՔԵՐԸ ՉԵՆ ԲԵՐՈՒՄ, ՎԱԽԵՆՈՒՄ ԵՆ, ՈՐ ԱՂՄՈՒԿ ԿԲԱՐՁՐԱՆԱ (ՏԵՍԱՆՅՈՒԹ)
Հատկապես այն գրողները, որոնց ստեղծագործություններում հայկականությունն առավելապես է արտահայտված, կրթական նոր չափորոշիչներով, դուրս են մղվել «Հայ գրականություն» առարկայի նորաստեղծ դասագրքից:
Alpha News-ի հետ զրույցում գրականագետ Սերժ Սրապիոնյանը խոսելով կրթական նոր չափորոշիչներից, նշել է, որ դրանց բովանդակությունը տեսնելով, այլևս ցանկություն չի ունեցել ծանոթանալու դասագրքին:
Գրականագետի խոսքով այն գրողները, որոնց ստեղծագործություններում գրեթե հրապարակախոսի ճշգրտությամբ ներկայացվում է երկիրը, ազգն ու ազգային խնդիրները, դասագրքում բացակայում են:
«Րաֆֆի, Շիրվանզադե՝ թողնված է ընդամենը մեկ ստեղծագործություն, անգամ «Քաոսը»-չկա: Թումանյանի առանձին ստեղծագործություններ, Չարենցի «Գիրք ճանապարհի» ժողովածուն… թվարկումը կարելի է շարունակել»,- արձանագրում է գրականագետը:
Նա նշում է, որ առանց ողջամիտ բացատրությունների՝ դասագրքում ներառված չէ նաև միջնադարի շրջանի գրականությունը, առանց որի, հայ գրականություն լինել չի կարող, մինչդեռ միջնադարում այդպիսի գրականություն ունեցող ցանկացած ազգ պարծանք կապրեր:
«Ասում են, թե երեխաները չեն ընկալում, Նարեկացի չեն հասկանա, Խորենացի չեն հասկանա, մոռանալով, որ Խորհրդային տարիների դպրոցներում յոթ տասնամյակ շարունակ, երեխաները դա լավ էլ հասկանում էին, անգիր հիշում էին Հայկի և Բելի առասպելը»,- նշում է գրականագետը և ընդգծում՝ այդ ամենը խորհրդային գաղափարախոսական պարտադրանքի պայմաններում:
Սերժ Սրապիոնյանը անգամ կասկածներ ունի, թե դասագրքերի մի մասը մինչ այսօր հրատարակված չեն և այդ պատճառով չեն հասել դպրոցներին: Համոզված է՝ նոր դասագրքերը չեն բերում, վախենալով, որ դրանց բովանդակության պատճառով մեծ աղմուկ է բարձրանալու:
«Հայ գրականություն» առարկայի նոր դասագրքի համահեղինակը Սերժ Սրապիոնյանի նախկին ուսանողն է: Գրականագետն ընդգծում է՝ իր ուսանողը ոչ մի անգամ չլինելով դպրոցում, որոշել է, թե կարող է դասագիրք հեղինակել:
«Ինքս երեք տարի դասավանդել եմ աշակերտներին, զուգահեռ զբաղվելով դասախոսությամբ, եթե ինձ ասեն՝ դասագիրք գրի, ես համարձակություն չեմ ունենա նման բան անել»,-ասում է Սրապիոնյանը:
Նա կոչ է անում ուսուցիչներին՝ ավելի համարձակ լինել: Հիշեցնում, որ նախկին իշխանությունների օրոք ոչ ոք չէր վախենում այս կամ այն մարդու հեղինակած դասագիրքը քննադատելուց, իսկ հիմա ակնհայտ վախենում են:
«Հիմա ցանկացած ուսուցիչ, եթե խոսեց այդ դասագրքերի անընդունելիության մասին, հաշվե՛ք՝ աշխատանքից զրկված է»,- արձանագրում է նա՝ շարունակելով.- «Այս դասագրքերը պետք է համարել խոտան և լցնել աղբարկղը, ստեղծել գիտակ մարդկանցից հանձնախմբեր՝ տարբեր առարկաների գծով, կազմել դասագրքեր, դրանք ներկայացնել ուսուցչական հանրությանը՝ գնահատանքի համար: Երբ կստացվի դրական գնահատական, նոր միայն այդ դասագրքերը պիտի տպագրիվեն և ներկայացվեն դպրոց»:
ПОСЛЕДНИЕ ОТ АВТОРА
-
New2025-06-30 05:56На фоне громкого уголовного дела межэтнической банды в Свердловской области, обвиняемой в заказных убийствах, азербайджанский корреспондент Афган Мюхтарлы призвал сжечь посольство России. Об этом он написал на странице в Facebook, пишет Лента.ру.
-
New2025-06-30 05:52В Первопрестольном Святом Эчмиадзине и епархиальных церквях Армении 29 июня при благословении Католикоса Всех армян Гарегина Второго прозвучал призыв к верующим вознести молитву за мир, всех незаконно лишенных свободы, в частности, архиепископа Микаэла Аджапаяна, архиепископа Баграта Галстаняна и национального мецената Самвела Карапетяна.
-
New2025-06-30 05:48В Воронежской области начались масштабные рейды и задержания азербайджанцев, пишут «Новые известия».
-
New2025-06-30 05:44Проживающие в Брюсселе армяне провели акцию протеста у посольства Армении в Бельгии.