2023-09-12 17:22
Информагентства
Էդուարդ ՇԱՐՄԱԶԱՆՈՎ․ ԵՌՆԱՅԻՆ ՂԱՐԱԲԱՂՈՒՄ ԱՌԿԱ ԻՐԱՎԻՃԱԿԸ ՓԱՇԻՆՅԱՆԻ ՔԱՂԱՔԱԿԱՆՈՒԹՅԱՆ ՈՒՂՂԱԿԻ ՀԵՏԵՎԱՆՔՆ Է (ՏԵՍԱՆՅՈՒԹ)
Ծանրագույն իրավիճակում ես դրական եմ գնահատում ռուսական բեռների մուտքը Լեռնային Ղարաբաղ՝ Ակնա-Ստեփանակերտ ճանապարհով։ Այս մասին այսօր՝ սեպտեմբերի 12-ին, լրագրողների հետ հանդիպմանն ասաց ՀՀԿ մամուլի խոսնակ Էդուարդ Շարմազանովը։
Նրա համոզմամբ՝ սա լուրջ քաղաքական նշանակություն ունի, քանի որ Ադրբեջանը ձգտում էր ճանապարհ բացել, բայց դա, Արցախի նոր իշխանությունների հստակ կամքի և Ռուսաստանի դերի շնորհիվ, տեղի չունեցավ:
«Ռուսաստանը ցույց տվեց իր համար Լեռնային Ղարաբաղի 120 հազար հայերի ճակատագրի կարևորությունը։ Բացի այդ, Լեռնային Ղարաբաղում կան քաղաքական ուժեր և գործիչներ, որոնք ծանրագույն իրավիճակում առաջնորդվում են ոչ թե Լեռնային Ղարաբաղը Ադրբեջանի կազմում գտնվելու հակահայկական գաղափարով, այլ Լեռնային Ղարաբաղը փրկելու առաքելությամբ»,-նշեց նա։
Շարմազանովը Հայաստանի ներկայիս իշխանություններին մեղադրեց ղարաբաղյան խնդիրը զուտ մարդասիրական հարց դարձնելու մեջ։ Նրա գնահատմամբ՝ Լեռնային Ղարաբաղում առկա իրավիճակը Փաշինյանի քաղաքականության և Լեռնային Ղարաբաղը Ադրբեջանի մաս ճանաչելու ուղղակի հետևանքն է:
«Փաշինյանը նույնիսկ չի կարող աջակցություն հայտնել Ստեփանակերտին, քանի որ կատարում է Ալիևի վերջնագրերը։ Եվ՛ Եվրամիությունը՝ ի դեմ եվրոպական դիվանագիտության ղեկավար Բորելի, և՛ Ռուսաստանը՝ ի դեմս նախագահ Պուտինի, հայտարարել են, որ հենց Նիկոլ Փաշինյանն է Հայաստանի ղեկավարների շարքում առաջինը ճանաչել Լեռնային Ղարաբաղը Ադրբեջանի կազմում։ Ուստի, Փաշինյանի հեքիաթներն այն մասին, թե Հայաստանը Ալմա Աթայի հռչակագրով, իբր, ճանաչել է Լեռնային Ղարաբաղը որպես Ադրբեջանի մաս, լկտի սուտ է։ Միջազգային խաղացողները հայտարարում են, որ Լաչինի միջանցքը փակ է նաև Փաշինյանի քաղաքականության պատճառով։ Հենց Փաշինյանի և Ալիևի գործունեության արդյունքում է, որ Լաչինի միջանցքը փակ է»,-հավելեց նա։
Նա հիշեցրեց, որ Հայաստանը նախագահ Լևոն Տեր-Պետրոսյանի ժամանակ Ալմա Աթայի հռչակագիրը վավերացրել է վերապահումով, որտեղ հստակ նշված է ինքնորոշման սկզբունքը։
«Հայաստանում ՀՀԿ-ի պաշտոնավարման 12 տարիների ընթացքում Ադրբեջանը ոչ մի անգամ չի վկայակոչել այդ հռչակագիրը»,-նշեց նա։
Շարմազանովը վստահ է, որ 2018-ին Հայաստանում տեղի ունեցած իրադարձությունները նպատակ ունեին հրաժարվել Լեռնային Ղարաբաղից և փոխել Երևանի ռուսամետ արտաքին քաղաքական վեկտորը։
ПОСЛЕДНИЕ ОТ АВТОРА
-
New2025-05-20 15:23По мере того, как режим Ильхама Алиева все глубже погружается в авторитаризм, репрессии против независимых СМИ достигают беспрецедентных масштабов. С ноября 2023 года волна арестов направлена на журналистов, которые отказываются подчиняться цензуре. Организация «Репортеры без границ» (RSF) создала галерею профилей новостных специалистов, которые были произвольно заключены в тюрьму за попытки информировать общественность.
-
New2025-05-20 15:20Представители Совета по защите прав граждан Арцаха 15 мая встретились с членом Национального совета Швейцарии Эрихом Фонтобеллем. Об этом сообщил Совет.
-
New2025-05-20 15:18Армения заключила оборонные контракты с Индией на $1,5 млрд и Францией на $250 млн, говорится в аналитическом материале, опубликованном Российским советом по международным делам.
-
New2025-05-20 15:06Адвокат Арсен Бабаян на своей странице в Facebook рассказал об «абсурдной ситуации», которая, по его мнению, демонстрирует избирательный подход властей к вопросам коррупции и ответственности.