2023-09-13 19:37
Информагентства
Եվրոպայի խորհրդի կոնգրեսը կհետևի Երևանի ավագանու ընտրություններին
Եվրոպայի խորհրդի տեղական և տարածքային իշխանությունների կոնգրեսը դիտորդական առաքելություն է իրականացնելու Երևանում կայանալիք ավագանու ընտրություններում։
«Արմենպրես»-ի փոխանցմամբ՝ կոնգրեսը հայտնել է, որ 9 հոգանոց պատվիրակությունը դիտորդական առաքելություն կիրականցվի սեպտեմբերի 15-ից 18-ը, Երևանի 12 ընտրատարածքներում։
Նախքան ընտրությունների օրը Կառլա Դեժոնգեի գլխավորած պատվիրակությունը կհանդիպի Կենտրոնական ընտրական հանձնաժողովի, Տարածքային կառավարման նախարարության և Արդարադատության նախարարության ներկայացուցիչների հետ։ Բացի այդ, նախատեսված են հանդիպումներ Կոնգրեսում Հայաստանի պատվիրակության, դիվանագիտական կորպուսի անդամների, ինչպես նաև տեղական և միջազգային հասարակական կազմակերպությունների և լրատվամիջոցների ներկայացուցիչների հետ։
«Պատվիրակությունը նաև մտքերի փոխանակում կանցկացնի այս ընտրություններին մասնակցող քաղաքական կուսակցությունների ներկայացուցիչների և թեկնածուների հետ», - նշված է հայտարարությունում։
Ընտրությունների օրը Կոնգրեսի յոթ թիմեր պատահականության սկզբունքով կտեղակայվեն Երևանի բոլոր 12 վարչական շրջաններում՝ ընտրատեղամասերում ընտրությունների ընթացքին հետևելու համար:
Պատվիրակությունը Կոնգրեսի կայքում նախնական եզրակացությունների շուրջ հայտարարություն կհրապարակի 2023 թ․ սեպտեմբերի 18-ին:
Պատվիրակության անդամները տարբեր երկրներից են, մասնավորապես՝ Բելգիայից, Դանիայից, Հունգարիայից, Վրաստանից, Շվեդիայից, Սերբիայից, Լատվիայից, Ֆրանսիայից, Պորտուգալիայից։
Երևանի ավագանու ընտրությունները կկայանան 2023 թվականի սեպտեմբերի 17-ին։
ПОСЛЕДНИЕ ОТ АВТОРА
-
2025-05-24 15:54Иран в субботу официально запустил первое в стране воздушное такси, открыв новую страницу в развитии национальной авиации, сообщает IRNA.
-
2025-05-24 15:52Крупное отключение электроэнергии произошло во французском департаменте Приморские Альпы, где в субботу завершается Каннский кинофестиваль, сообщает РИА Новости со ссылкой на зарубежные СМИ.
-
2025-05-24 15:49Административный суд в Ереване вновь признал недействительным кратное повышение платы за парковку в столице, но вердикт останется на бумаге.
-
2025-05-24 15:4520 мая 2025 года суд в Азербайджане приговорил Игбала Абилова к 18 годам лишения свободы по делу о госизмене. Ученого арестовали в 2024 году, когда он приехал в Азербайджан на свадьбу двоюродного брата.