2023-09-20 12:13
Информагентства
ՑԵՂԱՍՊԱՆՈՒԹՅԱՆ ԿԱՆԽՄԱՆ ԼԵՄԿԻՆԻ ԻՆՍՏԻՏՈՒՏԸ SOS ԾԱՆՈՒՑՈՒՄ Է ԹՈՂԱՐԿԵԼ ԱՐՑԱԽԱՀԱՅՈՒԹՅԱՆ ՀԱՄԱՐ
Ցեղասպանության կանխման Լեմկինի ինստիտուտը SOS ծանուցում է թողարկել արցախահայության համար, որը ներկայում ենթարկվում է հարձակման Ադրբեջանի նախագահ Իլհամ Ալիևի ցեղասպանածին վարչակարգի կողմից։
«Արցախի բնակիչներն այժմ բախվում են ոչ միայն սովի ու արտակարգ բժկական իրավիճակների Ադրբեջանի կողմից 9-ամսյա շրջափակումից հետո, այլև քաղաքացիական շրջանների օդային հարվածներից, անօդաչուների հարվածներից և զանգվածային գնդակոծություններից զոհվելու սպառնալիքին։ Ադրբեջանի ռազմական հարձակումը տեղի է ունեցել այն բանից ընդամենը մեկ օր հետո, երբ երկիրը վերջապես ստիպված էր անկլավ թողնել 2023թ. հունիսի 15-ից ի վեր առաջին օգնության բեռը։
Ներկա պահին չափազանց կարևոր է, որպեսզի ազդեցիկ ղեկավարները և պետությունները հանդես գան Ադրբեջանի դեմ և հստակ ցուցադրեն, որ հետագա ցանկացած ագրեսիա հայերի դեմ անթույլատրելի է և կհանդիպի բոլոր հնարավոր տարբերակներին ցեղասպանության կանխման գործիքների շրջանակում։ Այս պահանջի չկատարումը կհանգեցնի այն բանին, որ այդ ղեկավարները և պետությունները պատասխանատվություն կկրեն ցեղասպանությանը հանցակցության համար։
Ադրբեջանին դիմակայելու անկարողությունը կարող է նաև հանգեցնել էսկալացիայի, որը կնշանակի ոչ միայն արցախահայության լիակատար ոչնչացում, այլև ավելի լայն պատերազմ տարածաշրջանում, քանի որ Ադրբեջանն ու նրա դաշնակից Թուրքիան հետապնդում են տարածքային հավակնություններ հարավային Հայաստանի և հյուսիսային Իրանի հանդեպ։
Լեմկինի ինստիտուտի, ինչպես նաև Genocide Watch-ի, Ցեղասպանության հետազոտողների միջազգային ասոցիացիայի ցեղասպանության կանխման և իրավական հարցերի գծով փորձագետները, ինչպիսին է ՄՔԴ նախկին գլխավոր դատախազ Լուիս Մորենո Օկամպոն, կասկածներ չունեն, որ հայերը բախվել են խնդրի Ադրբեջանի կողմից, և դա ցեղասպանությունն է։
Մենք մեր անկեղծ համերաշխությունն ենք հայտնում Արցախի ժողովրդին, որի ինքնությունն ու կյանքը նշանակություն ունեն և պետք է պաշտպանվեն»։
ПОСЛЕДНИЕ ОТ АВТОРА
-
2025-06-28 17:24Первопрестольный Эчмиадзин строго осуждает решение суда об аресте предстоятеля Ширакской епархии Армянской Апостольской церкви архиепископа Микаэла Аджапахяна. Об этом говорится в заявлении Первопрестольного Эчмиадзина.
-
2025-06-28 17:15Учитывая происходящее, можно четко заявить, что Армения – авторитарное государство. Об этом заявил бывший министр иностранных дел Армении Вардан Осканян. По его словам, власти игнорируют Конституцию и законы. Он выразил уверенность, что все это упирается в проблему Арцаха.
-
2025-06-28 17:14Если бы блицкриг против Ирана удался, очевидно, что была попытка Азербайджана и Турции прорвать так называемой Зангезурский коридор, поэтому они и проводили учения в Нахиджеване. Об этом в гостях у Новости Армении – NEWS.am на передаче «Фактор силы» заявила востоковед, специалист по Ирану Карине Геворкян.
-
2025-06-28 15:37Facebook заблокировал пост Никола Пашиняна некорректного содержания о Католикосе всех армян и других священнослужителях.