2023-09-27 09:14
Информагентства
0
ՉՊԵ՛ՏՔ Է ԿՐԿՆԵՆՔ ՀԱՅՈՑ ՑԵՂԱՍՊԱՆՈՒԹՅԱՆ ՍԽԱԼԸ. Սուրեն ՄԱՆՈՒԿՅԱՆ
Արցախում տեղի ունեցող գործողությունները շատ նման են ցեղասպանության: Alpha News-ի հետ զրույցում նման համոզմունք հայտնեց ցեղասպանագետ Սուրեն Մանուկյանը:
«Այս բնորոշումը մենք չէ, որ տալիս ենք: Շատ հայտնի ցեղասպանագետներ սրա մասին խոսում էին՝ որպես պրոֆեսիոնալներ, որոնք կողքից հետեւում էին իրադարձություններին:
2023թ. փետրվարի 1-ին, Ցեղասպանագետների միջազգային ընկերակցությունը զեկույց հրապարակեց՝ ասելով, որ Լաչինի միջանցքի փակումը եւ սովահարությունը կարող են ցեղասպանության պատճառ դառնալ: Նրանք ընդգծում էին ցեղասպանության մտադրության մասին:
Ցեղասպանության կոնվենցիայում նշվում է, որ եթե նույնիսկ պետական իշխանությունը մտադրություն ունի ոչնչացնել ինչ-որ խմբի ու, նույնիսկ, եթե այն չի հաջողվում, ապա դա եւս կարող է համարվել ցեղասպանություն:
Երեք օր առաջ էլ Ցեղասպանագետների միջազգային ընկերակցության նախագահը հարցազրույց էր տվել գերմանական պարբերականներից մեկին ու շեշտել, որ սա դասական ցեղասպանություն է»,- ասաց Սուրեն Մանուկյանը:
Նրա խոսքով՝ ցեղասպանությունը մարդկանց խմբի ոչնչացմանն ուղղված քայլերն են, մինչդեռ սխալ կարծիք կա, թե ցեղասպանությունը ֆիզիկական սպանությունն ու ոչնչացումն է:
«Պարտադիր չէ, որ բոլորը սպանվեն մեկ օրում, մեկ գործողության հետեւանքով, որպեսզի այն համարվի ցեղասպանություն: Ցեղասպանությունը մտադրված գործողություն է, որը կարող է բերել խմբի ամբողջական կամ մասնակի ոչնչացման: Ինչո՞ւ մասնակի, որովհետեւ արցախահայությունը հայ ժողովրդի մի մասն է՝ իր սովորույթներով, իր մշակույթով, նույնիսկ իր բարբառով, որը կանգնած է ոչնչացման առաջ»,- նշեց Սուրեն Մանուկյանը:
Արցախը վերջնականապես չկորցնելու եւ այնտեղ ինչ-որ մի օր վերադառնալու համար՝ Սուրեն Մանուկյանը անհրաժեշտ է համարում փաստագրել բռնությունների մասին հրապարակումներն ու այն ամենը, ինչն այնտեղ է մնում: Դրանք պետք է ներկայացնել միջազգային դատական ատյաններ:
«Պետք է Ադրբեջանին օր ու արեւ չտանք, միջազգային կազմակերպություններից պահանջենք, որ հանցագործները դատվեն:
Մենք չպետք է կրկնենք Հայոց ցեղասպանության սխալը, մենք 50 տարի լռեցինք, իսկ երբ սկսեցինք խոսել դրա մասին, այն մարդիկ, որոնք իրականացրել էին ցեղասպանություն, մահացել էին, իսկ հիմա ոճրագործները կան: Մենք պետք է նրանց քարշ տանք միջազգային դատարաններ»,- շեշտեց ցեղասպանագետը:
ПОСЛЕДНИЕ ОТ АВТОРА
-
New2025-01-11 16:04Самописцы полетных данных и речевые бортовые самописцы кабины пилотов самолета компании Jeju Air, разбившегося 29 декабря, прекратили запись примерно за четыре минуты до того, как лайнер врезался в бетонную конструкцию в южнокорейском аэропорту Муан, сообщает Reuters со ссылкой на Министерство транспорта Южной Кореи.
-
New2025-01-11 16:02Заруи Постанджян сообщила, что она будет лишена свободы.
-
New2025-01-11 16:00Еврокомиссия проанализирует одобренный правительством Армении законопроект о начале процесса вступления в организацию и обсудит этот вопрос с властями Армении.
-
New2025-01-11 15:55Мы будем на улицах, площадях, мы будем перед дверями городов, мы будем на стенах, мы будем везде, потому что невиновные, которые хотят торжества справедливости, не отступят. Об этом сегодня, 11 января, заявил в своем обращении к народу лидер Священного движения, архиепископ Баграт Галстанян.