2023-10-11 10:10
Информагентства
Սյունիքի իշխանությունը մշակում է տեղահանված արցախցիներին սեփական տանիքով ապահովելու հարցը
Բռնի տեղահանված արցախցիների 99 տոկոսը նպատակ չունի վերադառնալու ԼՂ, քանի որ վախենում են. ադրբեջանցիներն իրենց համար վտանգ են ներկայացնում։ Այս մասին ՀՀ–ում ՌԴ դեսպան Սերգեյ Կոպիրկինի հետ հանդիպմանն ասել է Սյունիքի մարզպետ Ռոբերտ Ղուկասյանը։
Նա վստահեցրել է` Սյունիքի ղեկավարությունն ամեն ինչ անելու է, որ արցախցիները հաստատվեն մարզի բնակավարերում։ Ներկայում քննարկվում է բռնի տեղահանված քաղաքացիների համար Սյունիքում դատարկ մնացած, չբնակեցված տները գնելու տարբերակը։ Ղուկասյանի խոսքով` նման տների գինը տատանվում է 5000-ից մինչև մի քանի տասնյակ հազար դոլարի սահմաններում։
Մարզպետը կարևորել է այն հանգամանքը, որ պետությունը կգնի այդ բնակֆոնդը` որպես պետական սեփականություն, պայմանով, որ 5-10 տարի ապրելուց հետո այդ տները կդառնան Արցախից տեղահանված ընտանիքների սեփականությունը։
Այս տարբերակն առայժմ քննարկման փուլում է, այն դեռ պետք է ներկայացվի ՀՀ կառավարության հավանությանը։ Այս պահին Սյունիքի մարզում դեռ հաշվառում են նման տների, բնակարանների թիվը։ Ըստ Ղուկասյանի՝ տեղահանվածներին տներով ապահովելու դեպքում հնարավոր կլինի նրանց պահել մարզում։
Արցախից բռնի տեղահանված 15 քաղաքացի արդեն ապահովվել է աշխատանքով՝ կրթական և առողջապահության ոլորտներում։
Ռոբերտ Ղուկասյանը հայտնել է նաև, որ Սյունքիում ժամանակավոր բնակվող արցախցիներից շատերը երեխաներին դպրոց դեռ չեն ուղարկում, քանի որ հստակ պատկերացում չունեն, թե որտեղ են ապրելու ժամանակավոր կացարաններից, հյուրանոցներից դուրս գալուց հետո։
Սյունիքի մարզպետը ՌԴ դեսպանի հետ հանդիպմանը հայտնել է, որ քանի որ առջևում ձմեռ է, ամենաբարդը մնում է ժամանակավոր կացարանների ջեռուցման հարցը։ ՌԴ դեսպանն էլ մարզային ղեկավարության հետ զրույցի ընթացքում վերահաստատել է ռուսական կողմի պարտավորությունը տարածաշրջանում խաղաղության պահպանման համար։
Sputnik Արմենիա
ПОСЛЕДНИЕ ОТ АВТОРА
-
New2025-06-28 10:26Министр территориального управления и инфраструктур Армении Давид Худатян и министр энергетики и природных ресурсов Турции Алпарслан Байрактар провели встречу в Стамбуле. В ходе встречи обсуждались возможные направления сотрудничества Армении и Турции в сфере энергетики. Об этом пишет газета «Паст», развивая тему.
-
New2025-06-28 10:22Цель Никола Пашиняна — отстранить Гарегина II из Первопрестольного любой ценой. Об этом сообщает газета «Жоховурд».
-
New2025-06-28 10:19Оппозиция должна консолидировать усилия и выйти из позиции преследуемого, так как власти не остановятся ни перед чем и готовы на самые подлые поступки. Об этом секретарь фракции "Честь имею" Тигран Абрамян заявил в беседе с журналистами у здания суда.
-
New2025-06-28 09:31Россельхознадзор заявил о введении с 27 июня 2025 года нового порядка ввоза срезанных цветов и бутонов из Армении в Россию. С указанной даты доступ в страну цветочной продукции происхождением и отправлением из Республики будет осуществляться только из мест производства, обеспечивающих процедуру прослеживаемости.