2023-10-11 10:11
Информагентства
0
ԵԽ գլխավոր քարտուղարը Հայաստան է ուղարկել իր ներկայացուցչին
ԵԽ գլխավոր քարտուղար Մարիա Պեյչինովիչ Բուրիչի փախստականների և միգրանտների հարցով հատուկ ներկայացուցիչը Հայաստան է եկել, որպեսզի գնահատի Լեռնային Ղարաբաղից բռնի տեղահանված մարդկանց կարիքները: Տեղեկությունը հայտնում է Առաջին լրատվական ալիքը` վկայակոչելով Մարիա Պեյչինովիչ Բուրիչի ելույթը Ստրասբուրգում ընթացող Եվրոպայի խորհրդի խորհրդարանական վեհաժողովի աշնանային նստաշրջանի հերթական նիստի ժամանակ։
Բուրիչը հայտնել է, որ երբ իր ներկայացուցիչը Հայաստանից վերադառնա, մարդկանց աջակցելու ծրագիր կմշակվի:
«Բայց, իհարկե, ավելի լուրջ հարց կա: Հարկավոր է հասկանալ՝ երբ և ինչպես այդ մարդիկ կարող են վերադառնալ իրենց տներ: Քանի որ, կարծում եմ, ոչ ոք չի ցանկանում փախստական լինել, ոչ ոք չի ցանկանում լքել այն վայրը, որտեղ ծնվել է, կամ որտեղ իր նախնիներն են ծնվել: Պետք է անենք հնարավորը, որ այդ մարդիկ հետ գնան»,–ասել է նա։
Բուրիչը հույս է հայտնել, որ շուտով հնարավոր կլինի քարտուղարության առաքելություն ուղարկել նաև Ադրբեջան՝ խոսելու ադրբեջանական իշխանությունների հետ և հասկանալու՝ ինչպիսին է ստեղծված իրավիճակի հետ կապված նրանց գնահատականը:
«Այսպիսով նաև կոչ եմ անում Ադրբեջանին լիովին հետևել Մարդու իրավունքների եվրոպական կոնվենցիային, քանի որ Եվրոպայի խորհրդի տարածքում բոլորն իրավունք ունեն օգտվելու բոլոր ազատություններից և իրավունքներից»,-նշել է Բուրիչը:
ԵԽԽՎ-ում ՀՀ պատվիրակության անդամ Արմեն Գևորգյանի հարցին, թե ինչպես է Եվրոպայի խորհուրդը վերաբերվում Բաքվի կողմից Լեռնային Ղարաբաղի նախկին առաջնորդների ձերբակալությանը, Բուրիչը պատասխանել է, որ այդ հարցը ևս կլինի քարտուղարության առաքելության ադրբեջանական այցի օրակարգում:
Sputnik Արմենիա
ПОСЛЕДНИЕ ОТ АВТОРА
-
New2024-11-18 07:11Президент США Джо Байден впервые санкционировал использование Украиной американских ракет дальнего поражения для ударов по территории России. Об этом пишет газета New York Times со ссылкой на неназванных представителей американской администрации.
-
New2024-11-18 07:03Министр инфраструктур и глава налоговой службы Армении подали заявления об отставке после жесткого разговора с премьер-министром Николом Пашиняном. Об этом пишет сайт криминальной хроники Shamshyan.com.
-
New2024-11-18 07:01Впервые с тех пор, как Израиль начал вторжение на территорию Ливана, силы артиллерийского корпуса израильской армии (ЦАХАЛ) пересекли границу и действуют на территории южного Ливана, передает Times of Israel.
-
New2024-11-18 06:58Движение через пункт пропуска "Агарак" на границе с Ираном вчера вечером было заблокировано армянскими дальнобойщиками.