2023-10-12 10:19
Информагентства
Գառնիկ ՊԵՏՐՈՍՅԱՆ. ՀԱՅԱՍՏԱՆԻ ԳՅՈՒՂԱՏՆՏԵՍՈՒԹՅԱՆ ՈԼՈՐՏՈՒՄ ԱՄԵՆԱԼՈՒՐՋ ԽՆԴԻՐՆԵՐԸ ՉԵՆ ԼՈՒԾՎՈՒՄ
Ոռոգման համակարգի խնդիրը, ապրանքների իրացման հարցը, արտահանման հետ կապված դժվարությունները, փոխարժեքի տատանումները, վարկերի բարձր տոկոսադրույքները՝ այս ամենը գյուղատնտեսության ոլորտում լուրջ մարտահրավերներ են, որոնց լուծման համար պետությունը քայլեր չի ձեռնարկում, գործնականում ոչ ոք չի զբաղվում ոլորտի խնդիրներով։ Այս մասին News.am-ի թղթակցի հետ զրույցում ասել է Հայաստանի գյուղատնտեսության նախկին փոխնախարար Գառնիկ Պետրոսյանը։
Նա պարզաբանել է, որ չկա համապատասխան պետական մարմին, որ զբաղվի դրանով։
«Գյուղատնտեսության ոլորտում իրավիճակը միշտ էլ ծանր է եղել, մասամբ լուծվել է, մասամբ՝ ոչ։ Տարեցտարի խնդիրներ են կուտակվում, նոր մարտահրավերներ են հայտնվում։
Այսօր ֆերմերները շատ ծանր վիճակում են։ Նախկինում երբեք ֆերմերները գյուղատնտեսական կարևոր ապրանքները չեն վաճառել այդքան ցածր գներով, ինչպես հիմա: Չեմ հիշում, որ Հայաստանում 1 կգ բարձրորակ ցորենը երբևէ վաճառվեր 80-90 դրամով»,- հավելել է Պետրոսյանը։
Նշենք, որ 1 կգ ցորենի ինքնարժեքը նույնիսկ 2011-ին եղել է 90-120 դրամ, իսկ 2012-ին՝ 160-170 դրամ։
Այս ոլորտն առանց այդ էլ ցածր եկամտաբեր էր, և հիմա դժվար թե որևէ մեկը ցանկանա լրջորեն զբաղվել ցորենի մշակությամբ, կարծում է փորձագետը։
«Խնդիրը ստեղծում է ներկրվող էժան ցորենը, որը հարվածում է տեղական արտադրությանը։
Իշխանությունները խոսում են գյուղատնտեսական նշանակության հողատարածքների ավելացման մասին, սակայն իրականում տեղի է ունենում հակառակը։ Նույն գինեգործներն անընդհատ իրացման հետ կապված անորոշության են բախվում, քանի որ ձեռնարկությունները զավեշտալի գներ են առաջարկում։ Սա դանդաղեցնում է արդյունաբերության զարգացումը և կարող է հանգեցնել խաղողի այգիների կորստի։
Խնդիրը վերաբերում է նաև ծիրանի գներին, որոնք արձանագրվել են այս տարի։
Մթերման ցածր գներ են գրանցվել նաև կարտոֆիլի համար՝ գրեթե 10 անգամ ավելի պակաս, քան մի քանի տարի առաջ։ Վարկերի տոկոսները հասնում են 18-20%-ի։ Ի՞նչ զարգացման մասին կարող ենք խոսել»,- ընդգծել է նախկին փոխնախարարը։
Ըստ նրա, լուրջ խնդիրներ կան նաև ջրային ռեսուրսների կառավարման ոլորտում, այդ թվում՝ մասնագետների բացակայության պատճառով։
«Պետության կողմից հատկացված միջոցներն անարդյունավետ են օգտագործվում, և տարեցտարի որևէ արդյունք չապահովող ծրագրերը, չգիտես ինչու, շարունակվում են իրականացվել»,- եզրափակել է Պետրոսյանը։
ПОСЛЕДНИЕ ОТ АВТОРА
-
2025-04-30 21:41Исполнительный орган Республиканской партии Армении выражает глубокое возмущение и сожаление в связи с принятой на съезде Европейской народной партии резолюцией по Армении, которая не имеет никакого отношения к истинным национальным интересам армянского народа.
-
2025-04-30 19:40Артур Чахоян освобожден. Он находится в МЦ «Сурб Григор Лусаворич». Об этом написал на своей странице в Facebook адвокат последнего Ваге Еприкян.
-
2025-04-30 19:37Пожарная служба Израиля сообщает, что бригады борются с пожарами в пяти горячих точках: поселке Неве-Шалом, на развязке местности Латрун, в самом Латруне, поселении Месилат-Цион и Канада-парке, передает Times of Israel.
-
2025-04-30 19:33Уголовное производство инициировано по факту сегодняшнего инцидента в администрации ереванского района Нор Норк. Производство начато по признакам пп. 1 и 5 ч. 2 ст. 195 (физическое воздействие, совершенное группой лиц). Об этом сообщили ФактИнфо в Следственном комитете (СК) Армении.