2023-10-17 11:23
Информагентства
Բրյուսելում հրաձգության հետևանքով 2 շվեդ է սպանվել․ Բելգիա-Շվեդիա ֆուտբոլային խաղը դադարեցվել է
Բրյուսելի կենտրոնում հոկտեմբերի 16-ի ուշ երեկոյան տեղի ունեցած հրաձգության ժամանակ երկու մարդ է զոհվել, ևս մեկը՝ վիրավորվել։ Կասկածյալը միջադեպից հետո համացանցում տեսանյութ է հրապարակել՝ հայտարարելով, որ «Իսլամական պետություն» ահաբեկչական խմբավորման անդամ է։ Այս մասին հաղորդում է «Արմենպրես»-ը՝ վկայակոչելով Reuters-ի հրապարակումը։
Հրաձիգը փախուստի է դիմել, իսկ Բելգիայի և Շվեդիայի միջև ֆուտբոլային խաղն առաջին խաղակեսից հետո դադարեցվել է։ Բելգիան բարձրացրել է երկրում ահաբեկչության սպառնալիքը ամենաբարձր մակարդակի։
Երկու սպանվածները Շվեդիայի քաղաքացիներ են, որոնք կրում էին Շվեդիայի ֆուտբոլային թիմի շապիկներ, իսկ վիրավորը՝ տաքսու վարորդ։ Ըստ Բելգիայի դաշնային դատախազի՝ հարձակման հնարավոր շարժառիթը կարող է լինել այն, որ զոհերն ազգությամբ շվեդ են։
Ավելի քան 35 000 մարզասերներ, որոնք գտնվում էին մարզադաշտում՝ դիտելու Բելգիա-Շվեդիա ֆուտբոլային խաղը, մնացել են մարզադաշտում, մինչև կեսգիշերից առաջ սկսվել է նրանց տարհանումը։ Ըստ The Guardian պարբերականի՝ ոստիկանությունը անվտանգության հատուկ միջոցառումներ է ձեռնարկել շվեդների համար՝ ուղեկցելով նրանց մինչև օդանավակայան։
Կասկածյալը սոցիալական ցանցերում հրապարակած տեսանյութում հայտարարել է, որ «Ալլահի մարտիկ է»։
Բելգիայի վարչապետ Ալեքսանդր դե Կրոն ցավակցություն է հայտնել Շվեդիայի վարչապետին Բրյուսելում այդ երկրի քաղաքացիների սպանության կապակցությամբ։
Ֆրանսիայի նախագահ Էմանուել Մակրոնը, որը հարձակման պահին այցով գտնվում էր Ալբանիայում, հայտարարել է․ «Եվրոպան ցնցված է»։
Իրավապահները միջադեպը դիտարկում են որպես ահաբեկչություն։
ПОСЛЕДНИЕ ОТ АВТОРА
-
2025-06-27 22:41Сторонники архиепископа Микаэла Аджапахяна решили провести шествие к зданию резиденции Ереванского суда общей юрисдикции Еревана в Нор Норке и Аване, где будет рассмотрен вопрос о мере пресечения священнослужителя.
-
2025-06-27 22:26Архиепископ Микаэл Аджапахян, возглавляющий Ширакскую епархию Армянской Апостольской церкви, отказался от выдвижения свеой кандидатуры на пост премьер-министра Армении. Заявление Аджапахяна опубликовал его адвокат.
-
2025-06-27 22:26Глава Ширакской епархии Армянской Апостольской церкви, архиепископ Микаэл Аджапахян, задержан. Об этом сообщил его адвокат Ара Зограбян в беседе с журналистами.
-
2025-06-27 22:00Фракция блока «Честь имею» готова подписаться под процессом выражения недоверия премьер-министру при кандидатуре на эту должность архиепископа Микаэла Аджапаяна, выдвинутой независимыми депутатами Овиком Агазаряном и Акопом Асланяном, в случае согласия Католикоса всех армян и самого кандидата. Об этом говорится в заявлении политической силы.