2023-10-23 09:02
Информагентства
0
Տիգրան ԱԲՐԱՀԱՄՅԱՆ. ԱՐՑԱԽԻ ԻՇԽԱՆՈՒԹՅՈՒՆՆ ԱՅՍ ՊԱՀԻՆ ՈՒՆԻ ՄԻ ՔԱՆԻ ԱՌԱՆՑՔԱՅԻՆ ԽՆԴԻՐ
Արցախի իշխանությունն այս պահին ունի մի քանի առանցքային խնդիր` տարբեր խողովակներով անկեղծ խոսել հասարակության հետ և հստակ բացատրել Արցախի շուրջ ստեղծված իրավիճակը` իր պատճառահետևանքային կապով, ներկայացնի իր պատկերացումները Արցախի ապագայի և Հայաստանում գտնվող արցախցիների ճակատագրի վերաբերյալ: Այս մասին իր ֆեյսբուքյան էջում գրել է ՀՀ ԱԺ պատգամավոր Տիգրան Աբրահամյանը:
«Արցախի ներկայացուցչության դեմ տեղին ունեցած իրադարձությունները, որոնք ակնհայտորեն հրահրված էին հայաստանյան իշխանությունների և նրանց ծառայություն մատուցող քաղաքական դիակների կողմից, մասնակցային առումով, այնուամենայնիվ, միատարր չէին և բաժանվում էին 3 հիմնական խմբերի:
Առաջին խումբ, կազմակերպված` մի քանի տասնյակ կազմող անձինք էին, որոնք համախոհությամբ ասոցացվում էին Փաշինյան-Սամվել Բաբայան տխրահռչակ տանդեմին:
Ենթադրելի է, որ նպատակը «դեբոշ» սարքելն ու Ներկայացուցչության շենք գրավելն էր, որը պետք է ուղեկցվեր կոնկրետ անձանց նկատմամբ բռնության գործադրմամբ և դրանով ամբողջությամբ փակվեր Արցախի էջը:
Երկրորդ խումբ, կոնկրետ անձինք էին, ովքեր տեղեկություններ ունեին այն մասին, որ Արցախի նախկին նախագահ Արայիկ Հարությունյանն իր պաշտոնավարման և հատկապես դրա վերջին օրերին խիստ կասկածելի ֆինանսական գործարքներ է իրականացրել, հարստացել ու հարստացրել իր թիմակիցներին կամ իր կողմից տարբեր օպերացիաներ իրականացնող խմբերին:
Այս մարդիկ իրենց պատկերացրած ձևերով փորձում են հասնել Արայիկ Հարությունյանի, նրա տարբեր թիմակիցների և ըստ իրենց` ապօրինի հարստացների պատժվելուն:
Երրորդ խումբ, այստեղ մարդիկ էին, ովքեր պարզապես փորձում են հասկանալ, թե ո՞վ կամ ովքե՞ր են լուծելու իրենց սոցիալական հարցերը, ի՞նչ է ենթադրում նախագահի հայտնի հրամանագիրը և ի՞նչ է իրենց սպասվում:
Համոզված եմ, որ Արցախի ներկացուցչության դիմաց հավաքված և ակտիվություն/ագրեսիվություն դրսևորող անձանց ճնշող մեծամասնությունն իր քայլի վտանգավորությունը ողջ խորությամբ չէր էլ պատկերացնում:
Պատերազմը, շրջափակումը, չդադարող ճգնաժամները մարդկանց վրա ծանր հոգեբանական ազդեցություն են թողել և նրանց դարձրել խիստ էմոցիոնալ:
Արցախի իշխանությունն այս պահին ունի մի քանի առանցքային խնդիր` տարբեր խողովակներով անկեղծ խոսել հասարակության հետ և հստակ բացատրել Արցախի շուրջ ստեղծված իրավիճակը` իր պատճառահետևանքային կապով, ներկայացնի իր պատկերացումները Արցախի ապագայի և Հայաստանում գտնվող արցախցիների ճակատագրի վերաբերյալ»,- գրել է նա:
Հիշեցնենք, որ հոկտեմբերի 20-ին ՀՀ-ում Արցախի ներկայացուցչության մոտ հավաքված արցախցիները ներխուժել էին շենք, անկարգություններ հրահրել, քաշքշել Արցախի նախագահի աշխատակազմի ղեկավար Կարեն Շահրամանյանին: Նրանք Արցախի նախագահից բացատրություն էին պահանջում կատարվածի վերաբերյալ, ինչպես նաև սոցիալական տարբեր խնդիրների մասին էին բարձրաձայնում:
ПОСЛЕДНИЕ ОТ АВТОРА
-
New2025-01-11 13:38Среди погибших в результате лесных пожаров в Калифорнии граждан Армении нет. Об этом Sputnik Армения сообщила пресс-секретарь МИД Ани Бадалян.
-
New2025-01-11 13:36Премьер Никол Пашинян распорядился арестовать его оппонентов перед выборами 2026 года, пишет газета «Жоховурд» со ссылкой на источники. По данным газеты, премьер дал указания в ближайшее время найти, а если понадобиться «создать» основания для возбуждения дел и ареста всех тех, кто попытается критиковать власти.
-
New2025-01-11 13:35Более 1400 человек стали жертвами преступной группировки, занимавшейся кибермошенничеством и отмыванием денег. Об этом сообщает Генеральная прокуратура Армении.
-
New2025-01-11 12:41Официальная Анкара в минувшую пятницу выразила надежду, что Армения и Азербайджан подпишут мирный договор уже в этом году. Подобными ожиданиями, а также весьма лестными оценками в адрес армянского руководства поделился министр иностранных Хакан Фидан.