2023-11-18 11:32
Информагентства
«Փաստ». ԻՆՉՈ՞Ւ ԵՆ ԿԱՌՈՒՑԱՊԱՏՈՂՆԵՐԸ ԴԱՏԻ ՏՎԵԼ ԵՐԵՎԱՆԻ ՔԱՂԱՔԱՊԵՏԱՐԱՆԻՆ
«Փաստ» օրաթերթը գրում է. «Օրերս Երևանի քաղաքապետարանի գործակարգավարական հերթական նիստում քաղաքապետ Տիգրան Ավինյանը, խոսելով կառուցապատողների հետ կապված դատական հայցի մասին, նշել էր, թե «ոչ մի լավություն անպատիժ չի մնում» և «եթե մեր նկատմամբ վերաբերմունքն այդպիսին է, քաղաքապետարանն էլ իր համապատասխան վերաբերմունքը կարտահայտի»: Մեր ունեցած տեղեկություններով, խոսքն այն մասին է, որ քաղաքապետարանին դատի է տվել կառուցապատողների ասոցիացիան:
Պատճառն այն է, որ այս տարի կառուցապատողների համար լրացուցիչ ֆինանսական պարտավորություններ են սահմանվել, այդ թվում՝ APZ-ի՝ նախագծման թույլտվության (ճարտարապետահատակագծային առաջադրանք) կազմելու վճարի և այլ վճարների գծով: Ընդ որում, մեր աղբյուրների փոխանցմամբ, խոսքն ընդհանուր վաճառքի, այսինքն՝ շրջանառության 1 տոկոսի մասին է: Ու չնայած կառուցապատողներին ներկայացվել է, որ այդ գումարներն ուղղվելու են մայրաքաղաքի ենթակառուցվածքներին, սոցիալական ու կոմունալ այլ խնդիրներին, բարեկարգմանը, այդուամենայնիվ, կառուցապատողների ասոցիացիան որոշել է դատական կարգով վիճարկել ֆինանսական նոր պարտավորությունները:
Մեր տեղեկություններով, Ավինյանը հանձնարարել է խոշորացույցի տակ վերցնել նրանց գործունեությունը և անհրաժեշտության դեպքում խիստ միջոցներ կիրառել՝ պնդելով, որ մայրաքաղաքի բնակիչներին այդքան անհարմարություններ պատճառող ընկերությունները պետք է որոշակի սոցիալական պատասխանատվություն կրեն»:
ПОСЛЕДНИЕ ОТ АВТОРА
-
New2025-03-19 05:59Комиссия по предотвращению коррупции возбудила производство в отношении главы общины Эчмиадзин Дианы Гаспарян. Соответствующее решение опубликовано на сайте комиссии.
-
New2025-03-19 05:56Подача российского газа в Армению через Грузию восстановлена, сообщает компания «Газпром-Армения».
-
New2025-03-19 05:53Гала-концерт к 100-летнему юбилею мировой легенды шансона, посла Армении в ЮНЕСКО Шарля Азнавура пройдет 25 марта в штаб-квартире ЮНЕСКО в Париже.
-
2025-03-18 19:40В возрасте 92 лет скончался Бедрос Киркоров – народный артист России, отец "короля" российской эстрады" Филиппа Киркорова. О смерти сообщил в соцсетях его сын Филипп Киркоров.