2023-11-28 09:40
Информагентства
ՀՀ-ն ԼՂ բնակչության աջակցության համար 10 մլրդ դրամով չի բավարարվի
Լեռնային Ղարաբաղից բռնի տեղահանված անձանց սոցիալական խնդիրների լուծման ուղղությամբ 2024 թվականին իրականացվելիք միջոցառումները և դրանց համար անհրաժեշտ ֆինանսական կանխատեսումները այժմ քննարկման փուլում են, բայց 10 մլրդ դրամը չի բավականացնի աջակցության ծրագրերին: Այս մասին հայտնում է ՀՀ աշխատանքի և սոցիալական հարցերի նախարարությունը` պատասխանելով Sputnik Արմենիայի գրավոր հարցմանը։
Ավելի վաղ տեղեկացրել էինք, որ Լեռնային Ղարաբաղից բռնի տեղահանվածների աջակցության համար 2024 թվականի բյուջեում նախնական 10 մլրդ դրամ է նախատեսված։
«10 մլրդ դրամը 2024 թվականին ամբողջությամբ ուղղվելու է ԼՂ-ից բռնի տեղահանված անձանց սոցիալական աջակցության ծրագրերի իրականացմանը»,– հայտնում է նախարարությունը:
Միաժամանակ գերատեսչությունը վստահեցնում է, որ շարունակելու է իրականացնել սոցիալական աջակցության այլ ծրագրեր ևս, որոնք կպահանջեն հավելյալ ֆինանսական միջոցներ։
«2023-ին կիրականացվի և 2024-ին կշարունակվի նաև ԼՂ-ից բռնի տեղահանված անձանց կենսաթոշակների, նպաստների նշանակումն ու վճարումը։ Այս աշխատանքներում ԱՍՀ նախարարությունը համագործակցում է ՀՀ ֆինանսների նախարարության հետ»,– նշված է պատասխանում։
Բացի այդ, նոյեմբերի 17-ին, ի լրումն 2024թ. պետական բյուջեի պլանավորման համար ներկայացված բյուջետային հայտերի՝ ներկայացվել է լրացուցիչ հայտ, որը ևս նախատեսվում է ուղղել Լեռնային Ղարաբաղից բռնի տեղահանված բնակչության սոցիալական աջակցության ծրագրերին:
Թեմայի վերաբերյալ ՀՀ ֆինանսների նախարարությունը ևս գրավոր պարզաբանում է ներկայացրել Sputnik Արմենիային։
Ընդգծվում է, որ ՀՀ բյուջեով նախորդ տարիներին նախատեսված ֆինանսական միջոցները (130-140 մլրդ դրամը), որոնք այլևս չեն ուղղվելու Արցախի կառավարությանը որպես ֆինանսավորում, ուղղվելու են Լեռնային Ղարաբաղից բռնի տեղահանված բնակչության խնդիրների լուծմանը:
Հարցին, թե արդյոք բացի 10 մլրդ դրամից, տեղահանվածներին տրամադրվող բյուջեում կներառվեն դրսի դոնոր կազմակերպությունների կողմից նախատեսված գումարները և վարկերը, ՀՀ ֆինանսների նախարարությունը դրական պատասխան է տվել։
Գերատեսչությունը նշել է, որ միջազգային կառույցների կողմից ՀՀ կառավարությանը տրամադրվող ֆինանսական աջակցության գումարները, գործող օրենսդրության կարգավորումների համաձայն, կներառվեն 2024 թվականի պետական բյուջեի կատարման ընթացքում:
ПОСЛЕДНИЕ ОТ АВТОРА
-
New2025-06-28 13:32Антикоррупционный суд по требованию генпрокуратуры Армении 26 июня начал дело о конфискации незаконного имущества в отношении близких экс-главы Службы национальной безопасности Армении Карлоса Петросяна. Эту информацию Sputnik Армения подтвердили в суде.
-
New2025-06-28 13:30«В конце сентября, начале октября, премьер-министр Армении Пашинян будет присутствовать на сессии ПАСЕ, у него будет возможность выступить перед Ассамблеей и ответить на вопросы», — заявил на пресс-брифинге глава Парламентской ассамблеи Совета Европы (ПАСЕ) Теодорос Русопулос, отвечая на вопрос об арестах представителей духовенства и оппозиции и непосредственного вмешательства главы армянского государства в судебный процессы.
-
New2025-06-28 13:27МИД Азербайджана выступило с заявлением в связи с задержаниями азербайджанцев в Екатеринбурге.
-
New2025-06-28 13:26Премьер Армении Никол Пашинян назначил Андраника Симоняна директором Службы национальной безопасности. Соответствующее распоряжение опубликовано на официальном сайте армянского кабмина.