2023-12-01 12:22
Информагентства
0
Նոր մանրամասներ Ագրարային համալսարանի հարակից այգում խմբակային ծեծկռտուքից
Նոյեմբերի 27-ին խմբակային վիճաբանություն, ծեծկռտուք է տեղի ունեցել Երևանում. այդ օրը ժամը 13:50-ի սահմաններում ՀՀ ՆԳՆ ոստիկանության Կենտրոնական բաժնում օպերատիվ տեղեկություններ են ստացվել, որ Տերյան փողոցում՝ Հայաստանի ազգային ագրարային համալսարանի մոտ, մի խումբ անձանց միջև վիճաբանություն և ծեծկռտուք է տեղի ունեցել և կա վիրավոր, հաղորդում է Shamshyan.com-ը:
Մինչ օպերատիվ խումբը կհասներ դեպքի վայր՝ Երևանի Հերացու անվան Թիվ 1 համալսարանական հիվանդանոցից ահազանգ է ստացվել ոստիկանության Կենտրոնական բաժին, որ մարմնական վնասվածքներով իրենց մոտ է տեղափոխվել 2 քաղաքացի:
Բժիշկները ոստիկաններին հայտնել են, որ վիրավորները գտնվում են վիրահատարանում, իսկ մինչ այդ հայտնել են, որ վնասվածքները ստացել են Տերյան փողոցում՝ վայր ընկնելու հետևանքով:
Իրավապահները պարզել են, որ վիրավորները Երևանի բնակիչներ 21-ամյա Հենրիկ Մ.-ն է և 16-ամյա Նորիկ Վ.-ն է:
Նույն օրը ոստիկանության ծառայողները օպերատիվ տեղեկություններով պարզել են, որ ժամը 13:20-ի սահմաններում Գեղարքունիքի մարզի բնակիչ Հենրիկ Մ.-ն իր համակուրսեցիներ՝ Արարատի մարզի բնակիչ 26-ամյա Գոռ Գ.-ի, Երևանի բնակիչներ 19-ամյա Հովհաննես Զ.-ի, 20-ամյա Էդգար Թ.-ի, Արարատի մարզի բնակիչ 18-ամյա Ռաֆիկ Ս.-ի, Արմավիրի մարզի բնակիչ 18-ամյա Մնացական Հ.-ի, Երևանի բնակիչներ 19-ամյա Սարգիս Ս.-ի, 21-ամյա Արտյոմ Մ.-ի, 19-ամյա Ռաֆայել Պ.-ի հետ Տերյան փողոցի 5 հասցեի դիմացի այգում հանդիպել են Երևանի բնակիչ 16-ամյա Նորիկ Վ.-ի և վերջինիս ընկերներ՝ Երևանի բնակիչներ՝ 15-ամյա Անդրանիկ Ա.-ի, 15-ամյա Սամվել Հ.-ի, 15-ամյա Մելիք Հ.-ի, 15-ամյա Հայկ Մ.-ի , 15-ամյա Գառնիկ Հ.-ի , 15-ամյա Ռաֆիկ Բ.-ի, 15-ամյա Վահե Դ.-ի , 15-ամյա Գագիկ Ե.-ի հետ, որի ժամանակ վիճաբանություն է առաջացել ու Հենրիկ Մ.-ն իր մոտ եղած սուր կտրող, ծակող առարկայով հարվածել է Նորիկ Վ.-ին, իսկ վերջինիս ընկերները քարերով հարվածել են Հենրիկ Մ.-ին և վերջինիս ընկերներին, այնուհետև փոխադարձ հարվածներ են հասցրել միմյանց՝ ընթացքում հնչեցնելով հայհոյանքներ, բացահայտ անհարգալից վերաբերմունք դրսևորելով հասարակության նկատմամբ, ապա տեսնելով դեպքի վայրին մոտեցող ոստիկանական ավտոմեքենաները՝ դիմել են փախուստի:
Վիճաբանության մասնակիցիներից մի քանիսին ժամերի ընթացքում ոստիկանության ծառայողները հայտնաբերել են և տեղափոխել ոստիկանության Կենտրոնական բաժին, որտեղ դեպքի փաստով փաստաթղթեր են ձևակերպվել որոնք փոխանցվել են Հայաստանի Քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին, որտեղ դեպքի փաստով նախաձեռնվել է քրեական վարույթ:
Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ՝ կռվի մյուս մասնակիցների ինքնությունը պարզելու, նրանց հայտնաբերելու և քննչական բաժին ներկայացնելու ուղղությամբ:
News.am
ПОСЛЕДНИЕ ОТ АВТОРА
-
2024-11-16 15:33Проведение 29-й сессии Конференции сторон Рамочной конвенции Организации Объединенных Наций об изменении климата (COP29) в Баку – фиаско мировой политики, заявила во время акции с лозунгом «Stop Greenwashing Genocide!» у представительства ООН в Армении глава общественной организации «Возвращение в Дизак» Маргарита Карамян.
-
2024-11-16 15:32«Да хранят старые, новые, забытые боги большие и малые народы, ибо созданные человечеством международные структуры, к сожалению, провалили свою миссию», – сказала во время акции протеста у представительства ООН в Армении правозащитник Нина Карапетянц.
-
2024-11-16 15:27The Guardian опубликовал статью с ранее невиданными кадрами сцен из фильма «Цвет граната» 1969 года армянского режиссера Сергея Параджанова и заявил о приверженности Параджанова сохранению через фильм традиционной культуры Армении и региона в целом. Многие сцены фильма по требованию советских властей не вошли в окончательный монтаж, однако именно они были истинными плодами воображения режиссера, говорится в публикации.
-
2024-11-16 15:25Президент Абхазии Аслан Бжания заявил, что когда оппозиционные силы покинут правительственные здания, он подаст в отставку с поста главы государства и назначит новые выборы, а до этого страной будет управлять вице-президент Бадра Гунба.