2023-12-15 17:48
Информагентства
ՀՀ-ում արտադրված կաթնամթերքը ո՞ր դեպքում հնարավոր կլինի կրկին արտահանել ՌԴ
ՀՀ–ում արտադրված կաթնամթերքը պետք է համապատասխանի ԵԱՏՄ օրենսդրությամբ սահմանված պահանջներին։ Այս մասին ասել է ՀՀ սննդամթերքի անվտանգության տեսչական մարմնի ղեկավար Արմեն Հայրապետյանը Հայաստանի կաթնամթերք արտադրող և արտահանող ընկերությունների ներկայացուցիչների հետ զրույցում։
Ինչպես հայտնում է ՍԱՏՄ մամուլի ծառայությունը, նա տնտեսվարվողներին ներկայացրել է ՌԴ անասնաբուժական և բուսասանիտարական վերահսկողության դաշնային ծառայության (Ռոսսելխոզնադզոր) ղեկավարի Սերգեյ Դանկվերտի վերջին հանդիպման ընթացքում քննարկման արդյունքները։
Նշվում է, որ Դանկվերտի հետ քննարկվել են Հայաստանում կաթնամթերք արտադրող ձեռնարկությունների արտադրանքի մատակարարումները Ռուսաստան վերսկսելու խնդիրը։ Ձեռք է բերվել համատեղ վերահսկողական միջոցառումներ անցկացնելու մասին պայմանավորվածություն։
«Արմեն Հայրապետյանը տնտեսվարողներին հիշեցրել է ռուսական կողմի պահանջը՝ ՌԴ արտահանվող կաթնամթերքի հումքը պետք է լինի բացառապես հայկական, ու հորդորել է հստակ գնահատել իրենց արտադրություններում առկա ռիսկերը, վերացնել դրանք, արտադրական ամբողջ գործընթացը համապատասխանեցնել ԵԱՏՄ օրենսդրությամբ և տեխնիկական կանոնակարգերով սահմանված պահանջներին, ներդնել Վտանգի վերլուծության և հսկման կրիտիկական կետերի համակարգը (HACCP)»,–նշված է հաղորդագրության մեջ։
Հայրապետյանը վստահեցրել է, որ տեսչական մարմնի մասնագետները պատրաստ են համապատասխան մասնագիտական աջակցություն տրամադրել առկա խնդիրները արագ լուծելու համար:
«Միայն արտադրությունների վստահորեն պատրաստ լինելուց հետո ՌԴ համապատասխան գերատեսչության հետ կհստակեցվեն վերահսկողություն իրականացնելու ժամկետները»,- նշել է ՍԱՏՄ ղեկավարը:
Կաթնամթերք արտադրողներն իրենց հերթին արձանագրել են, որ այսպիսի հանդիպումներն արդյունավետ ձևաչափ են առաջացած խնդիրների մասին բարձրաձայնելու և դրանց շուրջ պարզաբանումներ ստանալու համար:
Sputnik Արմենիա
ПОСЛЕДНИЕ ОТ АВТОРА
-
New2025-06-27 15:34Я еду в Первопрестольный Святой Эчмиадзин со своими друзьями. Об этом на своей странице в Facebook написал бывший омбудсмен Республики Армения Арман Татоян.
-
New2025-06-27 15:07В СНБ пояснили, почему был отдан приказ силовикам покинуть Первопрестольный Эчмиадзин.
-
New2025-06-27 15:05Представители армянского духовенства готовы до конца стоять на защите Первопрестольного Эчмиадзина. Об этом заявил в духовной столице Армении директор административного департамента Первопрестольного Святого Эчмиадзина, епископ Мушег Бабаян.
-
New2025-06-27 15:03Союз армян России осудил действия властей и силовиков в отношении ААЦ, заявив, что такого позора в истории армянского народа еще не было.