2024-01-11 09:24
Информагентства
Փաշինյանի հանձնարարությամբ ՊՎԾ–ն ուսումնասիրություններ է անցկացնում ՀՀ քաղշին կոմիտեում
ՀՀ վարչապետ Նիկոլի Փաշինյանի հանձնարարությամբ Պետական վերահսկողական ծառայությունն ուսումնասիրություններ է անցկացնում ՀՀ քաղաքաշինության կոմիտեում։ Տեղեկությունը հայտնում է ՀՀ պետական վերահսկողական ծառայության ծառայությունը։
Նշվում է, որ կոմիտեում ուսումնասիրությունները մեկնարկել են պետական բյուջեի միջոցներով կառուցվող մի շարք հանրակրթական ու մարզամշակութային հաստատությունների կառուցման աշխատանքների, ինչպես նաև դրանց նախագծման, հեղինակային և տեխնիկական հսկողության նպատակով հատկացված պետական միջոցների կառավարման օրինականության և արդյունավետության վերահսկողության նպատակով։
Մասնավորապես ուսումնասիրվում են ՀՀ Արարատի մարզի Դեղձուտ բնակավայրի միջնակարգ դպրոցի տիպային (մոդուլային) նոր շենք, Արմավիրի մարզի Ջրառատ բնակավայրի ծանրամարտի նոր մարզադահլիճը, նույն մարզի Ջանֆիդա բնակավայրի Է. Դաշտոյանի անվ. միջնակարգ դպրոցի նոր մարզադահլիճը, Լոռու մարզի Վանաձոր քաղաքի Ծովակալ Իսակովի անվ. թիվ 23 հիմնական դպրոցի նոր մարզադահլիճը, Սյունիքի մարզի Վաղատին բնակավայրի միջնակարգ դպրոցի նոր շենքը։
Հիշեցնենք, որ հունվարի 5–ին Արմավիրի մարզպետ Էդվարդ Հովհաննիսյանը կառավարության որոշմամբ ազատվեց պաշտոնից այն բանից հետո, երբ ՀՀ վարչապետ Նիկոլ Փաշինյանն այցելել էր Արմավիրի մարզ, կանգ առել Արագած բնակավայրում, շրջել Մ. Մեխակյանի անվան միջնակարգ դպրոցում և մի շարք թերություններ ու խնդիրներ արձանագրել։
Իսկ հունվարի 3-ին Փաշինյանը այցելել էր Լոռու մարզի դպրոցներ և կրկին մի շարք խախտումներ էր արձանագրել։ Հաջորդ օրը պաշտոններից ազատվեցին Լոռու մարզպետ Արամ Խաչատրյանը և Քաղաքաշինության կոմիտեի նախագահ Արմեն Ղուլարյանը։
ПОСЛЕДНИЕ ОТ АВТОРА
-
2025-06-03 19:46Накануне, 2 июня, Инспекционный орган продовольственной безопасности Армении сообщил о запрете на ввоз в страну 213 тонн арбузов с повышенным содержанием нитратов.
-
2025-06-03 19:44На 89-м году жизни скончался народный артист СССР, композитор Евгений Дога. Об этом сообщает ТСВ Приднестровье, сообщают «Ведомости».
-
2025-06-03 19:39Фальсификация доказательств, манипулирование расследованиями и препятствование правосудию составляют неотъемлемую часть государственной политики Азербайджана. Об этом говорится в официальном заявлении Центрального офиса Ай Дата Бюро АРФ <Дашнакцутюн>.
-
2025-06-03 19:36Тегеран настаивает на возможности обогащать уран на своей территории, несмотря на требования президента США Дональда Трампа отказаться от этого. Об этом, как передает РИА Новости, заявил министр иностранных дел Ирана Аббас Аракчи.