2024-01-29 09:37
Информагентства
0
Ֆրանսահայերը բողոքի ցույց են անցկացրել՝ ընդդեմ Ռաշիդա Դատիի
Ֆրանսիայում ՀՅԴ «Նոր Սերունդ» կազմակերպությունը ցույց է անցկացրել Փարիզում՝ ի նշան բողոքի Ռաշիդա Դատիի՝ Ֆրանսիայի մշակույթի նախարար նշանակվելու դեմ։
«Հայաստանին նվիրված մշակույթի այս տարում, հատկապես Շառլ Ազնավուրի ծննդյան 100-ամյակի կապակցությամբ, ադրբեջանական քարոզչության գլխավոր դիրիժորի՝ Ֆրանսիայի մշակույթի նախարարի պաշտոնում նշանակվելը հակասում է ողջախոհությանը։
Անցյալ սեպտեմբերին Ադրբեջանը ևս մեկ քայլ կատարեց Լեռնային Ղարաբաղում ցեղասպանության իր ծրագրում՝ եվրոպացի առաջնորդների կողմից լիակատար լռությամբ: 10-ամսյա պաշարումից և նպատակաուղղված հարձակումից հետո 120.000 հայեր ստիպված եղան լքել հազարամյակներ շարունակ հայկական իրենց պապենական հողերը։ Նրանց վտարել է ադրբեջանական բռնապետությունը։
Հունվարի 11-ին զարմանքով ու զայրույթով տեղեկացանք տիկին Ռաշիդա Դատիի՝ մշակույթի նախարար նշանակվելու մասին։ Խայտառակ որոշում, որը կայացել է այն բանից հետո, երբ մեկ ամիս առաջ Ադրբեջանում երկու ֆրանսիացի դիվանագետների պաշտոնանկ արվեցին և պերսոնա նոն գրատա հայտարարվեցին։
Այո, քանի որ հիշենք, որ մադամ Դատին ոչ այլ ոք է, քան Ֆրանսիայում ադրբեջանական բռնապետության առաջին դեմքի կողմնակիցը։ Մինչդեռ այս պետությունը միայն Հայաստանի տարածքի վրա հարձակվելով է հռչակում իր էքսպանսիոնիստական նկրտումները, իսկ Նախիջևանում հայկական ներկայության մասին վկայող բոլոր հուշարձանները հողին են հավասարեցրել, իսկ Արցախի բոլոր եկեղեցիներն ու խաչքարերը քանդվել կամ պղծվել են ադրբեջանական թելադրանքով, ինչպես է դա հնարավոր։ Կարելի՞ է մեկին անվանել այս բռնապետության կողմնակից՝ չմտածելով, որ սա ուղղակի վիրավորանք է Ֆրանսիայի հայ համայնքի հասցեին։
Ալիևների ընտանիքն իր գայլին տեղավորեց Ֆրանսիայի կառավարությունում, ինչը խայտառակություն է մեր պետության համար։ Պարոնայք Աթալ և Մակրոն, մեր երիտասարդությունը զայրացած է և վճռականորեն և հետևողականորեն կհակազդի Մադամ Դատիին։ Արցախի մեր եղբայրների և քույրերի անունից, քանի որ մենք թույլ չենք տա, որ որևէ մեկը թքի նրանց երեսին»,- ասված է կազմակերպության հաղորդագրությունում։
Նշենք, որ Ռաշիդա Դատին Ֆրանսիայի նախկին նախագահ Նիկոլա Սարկոզիի դաշնակիցն է, սակայն նրա նշանակման վերաբերյալ հայերի զայրացած արձագանքը պայմանավորված է Ադրբեջանին ուղղված իրականությունից բաժանված նրա հայտարարություններով։ 2015 թվականի հուլիսին նա ասել էր, որ հայ ժողովրդի դեմ ցեղասպանություն իրականացրած Ադրբեջանը «կարող է օրինակ լինել ողջ աշխարհի համար կրոնական և էթնիկ խմբերի միջև կապերի առումով»։
News.am
ПОСЛЕДНИЕ ОТ АВТОРА
-
2024-11-16 15:33Проведение 29-й сессии Конференции сторон Рамочной конвенции Организации Объединенных Наций об изменении климата (COP29) в Баку – фиаско мировой политики, заявила во время акции с лозунгом «Stop Greenwashing Genocide!» у представительства ООН в Армении глава общественной организации «Возвращение в Дизак» Маргарита Карамян.
-
2024-11-16 15:32«Да хранят старые, новые, забытые боги большие и малые народы, ибо созданные человечеством международные структуры, к сожалению, провалили свою миссию», – сказала во время акции протеста у представительства ООН в Армении правозащитник Нина Карапетянц.
-
2024-11-16 15:27The Guardian опубликовал статью с ранее невиданными кадрами сцен из фильма «Цвет граната» 1969 года армянского режиссера Сергея Параджанова и заявил о приверженности Параджанова сохранению через фильм традиционной культуры Армении и региона в целом. Многие сцены фильма по требованию советских властей не вошли в окончательный монтаж, однако именно они были истинными плодами воображения режиссера, говорится в публикации.
-
2024-11-16 15:25Президент Абхазии Аслан Бжания заявил, что когда оппозиционные силы покинут правительственные здания, он подаст в отставку с поста главы государства и назначит новые выборы, а до этого страной будет управлять вице-президент Бадра Гунба.