2024-01-30 19:31
Информагентства
Բորել․ ԵՄ պաշտպանական արդյունաբերությունը պատրաստ չէր Ուկրաինայի հակամարտությանը
Եվրամիության երկրների պաշտպանական արդյունաբերությունը պատրաստ չէր Ուկրաինայի կարիքներին, որոնք առաջացել են Ռուսաստանի ծավալած ռազմական գործողությունների պատճառով։ «Արմենպրես»-ի փոխանցմամբ՝ այս մասին ֆրանսիական L’Obs հանդեսում հրապարակված հոդվածում գրել է ԵՄ դիվանագիտության ղեկավար Ժոզեպ Բորելը։
«Ուկրաինայում պատերազմը ցույց տվեց, թե որքան հեռու էր այդ արդյունաբերությունը՝ դիմագրավելու մեր առջև ծառացած մարտահրավերներին», - գրել է նա:
Դիվանագետը նշել է, որ Ուկրաինային ԵՄ ռազմական օգնության մեծ մասը ստացվել է զենքի առկա պաշարներից, իսկ դրանց համալրումը լուրջ մարտահրավեր է ԵՄ անդամ պետությունների ռազմական արդյունաբերության համար, որի կարողությունը «կրճատվել է մինչև խաղաղ ժամանակի ցուցանիշները»։ Բորելն ընդգծել է, որ Ուկրաինային աջակցությունը պետք է ընթանա եվրոպական երկրների «ռազմական արդյունաբերության վերականգնմանը» զուգահեռ։
Բորելի խոսքով՝ եվրոպական երկրների ռազմարդյունաբերական համալիրի կարողությունները վերականգնվում են ոչ բավականաչափ արագ՝ չնայած 2014 թվականից ԵՄ պաշտպանական ծախսերի 40 տոկոս աճին։ ԵՄ-ն, Բորելի կարծիքով, պետք է ակտիվացնի ջանքերը, որպեսզի «շահի» Ռուսաստանի հետ «սպառազինությունների մրցավազքը»։
Ինչպես նշել է Ժոզեպ Բորելը, ԵՄ պետությունները ՌԴ ռազմական գործողությունների սկզբից ի վեր աննախադեպ օգնություն են ցուցաբերել Ուկրաինային։ Եվրամիությունը, նրա տվյալներով, Կիևին մատակարարել է մոտ 30 միլիարդ եվրո գումարի զենք ու զինամթերք և վերապատրաստել է գրեթե 40 000 ուկրաինացի զինվորների:
Բորելը հավելել է, որ Ուկրաինային հարկավոր է տրամադրել «անհրաժեշտ բոլոր միջոցները, այդ թվում՝ հեռահար հրթիռներ և այլ առաջադեմ զենքերի համակարգեր՝ իր տարածքն ազատագրելու համար»։
«Ուկրաինայի հաղթանակը Ռուսաստանի ագրեսիայի դեմ Եվրոպայի անվտանգության լավագույն երաշխիքն է», - գրել է Բորելը։
ПОСЛЕДНИЕ ОТ АВТОРА
-
New2025-06-30 05:56На фоне громкого уголовного дела межэтнической банды в Свердловской области, обвиняемой в заказных убийствах, азербайджанский корреспондент Афган Мюхтарлы призвал сжечь посольство России. Об этом он написал на странице в Facebook, пишет Лента.ру.
-
New2025-06-30 05:52В Первопрестольном Святом Эчмиадзине и епархиальных церквях Армении 29 июня при благословении Католикоса Всех армян Гарегина Второго прозвучал призыв к верующим вознести молитву за мир, всех незаконно лишенных свободы, в частности, архиепископа Микаэла Аджапаяна, архиепископа Баграта Галстаняна и национального мецената Самвела Карапетяна.
-
New2025-06-30 05:48В Воронежской области начались масштабные рейды и задержания азербайджанцев, пишут «Новые известия».
-
New2025-06-30 05:44Проживающие в Брюсселе армяне провели акцию протеста у посольства Армении в Бельгии.