2024-02-03 11:38
Информагентства
0
Ջերմուկում ընթանում է Հայկական ուռուցքաբանական ամենամյա 4-րդ կոնգրեսը
Ջերմուկում մեկնարկել է Վ․Ա․ Ֆանարջյանի անվան Ուռուցքաբանության ազգային կենտրոնի ամենամյա գիտագործնական միջոցառումը՝ Հայկական ուռուցքաբանական 4-րդ կոնգրեսը: 2024 թվականի կոնգրեսի խորագիրն է՝ «Հայկական ուռուցքաբանություն. ընթացիկ հաջողություններ և նոր մարտահրավերներ»:
Կոնգրեսի նպատակն է Հայաստանում քաղցկեղի դեմ պայքարի քաղաքականության և ռազմավարության քննարկումը, քաղցկեղի կանխարգելման, վաղ ախտորոշման, բուժման նոր մեթոդների և մոտեցումների ներկայացումը հայ և արտերկրյա ճանաչված մասնագետների մասնակցությամբ։
Իր ողջույնի խոսքում Ուռուցքաբանության ազգային կենտրոնի տնօրեն Նարեկ Մանուկյանն ասաց. «Վերջին 4 տարում գումարային վերցրած Հայաստանում ուռուցքային հիվանդություններից մահացությունը նվազել է 6,4 տոկոսով: Նման հաջողության հասել ենք երեք կարևոր օղակների քրտնաջան աշխատանքի արդյունքում: Դրանցից առաջինն ուռուցքաբաններն են, որոնք աշխարհի լավագույն կլինիկաներում վերապատրաստվելով հասել են այս արդյունքներին: Նման ցուցանիշների հասնելու գործում կարևոր դեր է ունեցել ՀՀ կառավարությունը՝ ի դեմս առողջապահության նախարարության, երբ 2019-ից պետպատվերի շրջանակներում սկսեց կատարվել հաստատում ունեցող չարորակ ուռուցքների վիրահատությունը, ճառագայթային բուժումը, իսկ դեղորայքային բուժումը սկսեց կատարվել համավճարի սկզբունքով: Պացիենտներն իմանալով, որ բուժումը գրեթե անվճար է, սկսեցին կարիքի դեպքում ավելի հաճախ դիմել ուռուցքաբաններին: Սա բերեց վիրահատությունների, ճառագայթային բուժման կուրսերի կտրուկ ավելացման:
Հաջորդ օղակը, որ բերել է այս արդյունքներին, դա մեծ բուժհաստատությունների կողմից ուռուցքաբանությանն ավելի շատ ուշադրություն դարձնելն է»:
Նա հավելեց, որ Ջերմուկն ընտրվել է որպես կոնգրեսի անցկացման վայր, քանի որ սրանով ցանկացել են ասել՝ մենք մուր կանգնած ենք մեր հողի վրա, մենք չենք գնում, մենք այստեղ ենք և կլինենք մեր սիրելի Ջերմուկում:
Զեկույցներով հանդես կգան ավելի քան 50 մասնակիցներ՝ Հայաստանից, Ռուսաստանից, ԱՄՆ-ից, Մեքսիկայից, Եվրոպայից, Հնդկաստանից, Արգենտինայից, Վրաստանից և Իրանից:
Ներկա կլինեն ավելի քան 300 պատվիրականեր` ՀՀ առողջապահության նախարարության, Երևանի պետական բժշկական համալսարանի և Առողջապահության ազգային ինստիտուտի ներկայացուցիչներ, հանրապետության ԲԿ-ների ղեկավարներ, տարբեր մասնագիտացման բժիշկ-ուռուցքաբաններ, հարակից մասնագիտացումներով բժիշկներ, հանրային առողջապահության մասնագետներ, ազգային առողջապահական ծրագրեր իրականացնողներ, գիտահետազոտական աշխատանքով զբաղվող մասնագետներ և այլն:
Ավանդույթի համաձայն` 2024 Հայկական ուռուցքաբանական կոնգրեսի լավագույն 3 հայաստանյան զեկուցողները կստանան գիտաթոշակ: Դրա գումարը չի տրվի հաղթողներին առձեռն, այն կամրագրվի և կտրամադրվի բացառապես հետագա գիտական առաջխաղացման նպատակով՝ բարձր վարկանիշով գիտական հանդեսներում տպագրվելու, արտերկրում գիտաժողովներին և թրեյնինգներին մասնակցության վճարը հոգալու և այլնի համար։
News.am
ПОСЛЕДНИЕ ОТ АВТОРА
-
2024-09-14 14:50Встреча вице-премьера России Алексея Оверчука с армянским коллегой Мгером Григоряном продлилась пять часов, в ходе нее детально обсуждалась двусторонняя повестка. Об этом заявил журналистам Оверчук в Ахтале, после осмотра восстановленных после паводков участков армянской желдороги.
-
2024-09-14 14:48Иран вывел на орбиту исследовательский спутник "Чамран-1", основной функцией которого является тестирование технологии орбитального маневрирования, заявил Корпус стражей исламской революции (КСИР, элитные подразделения ВС Ирана). Об этом сообщает РИА Новости со ссылкой на официальный новостной сайт КСИР sepahnews.ir.
-
2024-09-14 14:45Вице-премьер России Алексей Оверчук в ходе визита в пострадавшие от наводнения регионы Армении в беседе с журналистами прокомментировал вопрос о разблокировании транспортных коммуникаций на Южном Кавказе.
-
2024-09-14 12:50У властей Армении и международных игроков с начала блокады было 9 месяцев, чтобы предотвратить азербайджанскую агрессию, но они этого не сделали. Об этом на своей странице в Facebook написал секретарь парламентской фракции «Честь имею» Тигран Абрамян.
