ՄԱՐՍԻ ՎՐԱ ԿՅԱՆՔ ԿԱ՞. ԳԻՏՆԱԿԱՆՆԵՐՆ ԱՆՍՊԱՍԵԼԻ ՊԱՏԱՍԽԱՆ ՈՒՆԵՆ
Բակտերիաները Մարսի վրա կարող են ոչ միայն գոյատևել, այլև բազմանալ: Նման ենթադրություն են գիտնականներն արել հետազոտությունից հետո։ Նոր հետազոտության արդյունքները հրապարակվել են Astrobiology գիտական ամսագրի վերջին համարում։ Տեղեկությունը հայտնում է Science News-ը:
Նիդեռլանդների Նիմվեգենի համալսարանի և Քյոլնի գերմանական օդատիեզերական կենտրոնի գիտնականները չորս տեսակի բակտերիաներով շտամներ են տեղադրել Մարսի վրա եղած հանքատեսակներով և նմանատիպ պայմաններով տարաների մեջ (ջրի գրեթե լիակատար բացակայություն, թույլ մթնոլորտային ճնշում, ուժեղ ուլտրամանուշակագույն ճառագայթում, թունավոր աղեր, որոնք կան Մարսի հողում):
Ավելի վաղ նման փորձերի համար գիտնականներն ընտրում էին բակտերիաներ, որոնք երկրի վրա ապրում են ծայրահեղ պայմաններում՝ ուժեղ ճառագայթմամբ, շատ աղի ջրով, ջերմաստիճանի տատանումներով, ջրի պակասով։ Բայց 2020 թվականին մի խումբ գիտնականներ հայտնաբերեցին, որ մարդու մարմնում (այսինքն՝ ոչ ծայրահեղ պայմաններում) ապրող որոշ բակտերիաներ կարող են բազմանալ այնպիսի պայմաններում, որոնք նման են երկնաքարերի մակերեսին:
Նոր փորձի ժամանակ բակտերիաների պոպուլյացիաներից մի քանիսը ոչ միայն գոյատևեցին, այլև բազմացան մինչև 21 օր: Այժմ գիտնականներն ուզում են հասկանալ, թե ինչպես է դա ստացվել: Հնարավոր է՝ դրանք պատսպարվել են պայմանական մարսյան հողի ծակոտիներում, որտեղ ուլտրամանուշակագույն ճառագայթումը չի հասնում։
Բացի այդ, գիտնականներն ուզում են պարզել, թե ինչպես կարող են նման բակտերիաները, եթե դրանք հայտնվեն տիեզերքում, ազդել տիեզերագնացների առողջության վրա, որոնց իմունիտետը թուլանում է թռիչքի ժամանակ եղած ծանրաբեռնվածությունից:
Հնարավոր է, որ տիեզերագնացները, որոնք Մարս կմեկնեն, պետք է հակաբիոտիկների մեծ հավաքածու ունենան այն բակտերիաների դեմ, որոնք նրանք կբերեն իրենց հետ և որոնք այնտեղ մուտացիայի կենթարկվեն: Բացի այդ, ապագայում Մարսի վրա բակտերիաներ գտնելով՝ դժվար կլինի հասկանալ՝ դրանք «բերված» են, թե «տեղական»։
ПОСЛЕДНИЕ ОТ АВТОРА
-
2024-05-02 20:00
Группа ученых из Китая провела масштабное исследование и выявила шесть способов проведения свободного времени, которые замедляют ухудшение памяти и уменьшают риск деменции.
-
2024-05-02 19:50
Грузия отказалась от переговоров по стратегическому партнерству с США, заявила американский посол Робин Данниган.
-
2024-05-02 19:48
Сразу несколько статей Конституции Армении были нарушены при блокировке сотрудниками полиции дороги, ведущей к селу Киранц Тавушской области. Об этом координатор инициативы "Айакве" Аветик Чалабян заявил на акции оповещения перед зданием МВД Армении, передает Sputnik Армения.
-
2024-05-02 19:45
Канцлер Германии Олаф Шольц встретится с президентом Франции Эммануэлем Макроном в четверг вечером в Париже на ужине, чтобы обсудить политику Европейского союза и Китая, пишет Politico, передает NEWS.am.