Գեղամ Մանուկյան․ Նախարարը հայտնեց, որ Փաշինյանը հերթական անգամ ստել է (ՏԵՍԱՆՅՈՒԹ)

Օրերս գրություն ստացա ԿԳՄՍ նախարարությունից, որում գրավոր նախարար Ժաննա Անդրեասյանը հայտնեց, որ Նիկոլ Փաշինյանը հերթական անգամ ստել է հայրենակիցների և անգամ իր կուսակիցների առաջ: Այս մասին իր ֆեյսբուքյան էջում հրապարակված տեսանյութում հայտնել է ՀՀ ԱԺ «Հայաստան» խմբակցության պատգամավոր Գեղամ Մանուկյանը:

«Շաբաթներ պահանջվեց ինձանից, որպեսզի պարզեմ, թե ճիշտ է արդյոք Նիկոլ Փաշինյանը այս տարվա հունվարի 14-ին հայտարարել, թե մի խումբ մանկավարժներ, գիտնականներ դիմել են կրթության նախարարություն՝ առաջարկելով Հայոց պատմություն առարկան վերանվանել Հայաստանի պատմություն: Նախ նախարարությունը իր մի պատասխանով հրաժարվեց ինձ տեղեկացնել, թե արդյոք գրավոր նման առաջարկ եղել է և տրամադրել պատճենը, պատճառաբանելով, որ նամակագրությունը գաղտնի է, կարող են չհրապարակել: Ազգային ժողովում պնդեցի, որ օրենքով պարտավոր են, ես չէի պահանջել որևէ սիրային նամակ, որ կրթության նախարարությունը մերժել է»,- ասել է նա:

Պատգամավորի խոսքով՝ երկրորդ գրավոր հարցման ընթացքում ստացել է պատասխան, որով հայտնել են, որ գրավոր դիմում կրթության նախարարություն չի մուտքագրվել:

«Հերթական անգամ պարզվեց, որ Նիկոլ Փաշինյանը հանրության առաջ հանդես է եկել հայտարարութամբ, որ իրականությանը չի համապատասխանում: Պարզապես մի մարդու մտքով անցել է, որ Հայոց պատմությունը պետք է վերանվանել Հայյաստանի պատմության»,- ասել է նա:

Հիշեցնենք, որ իր ելույթներից մեկում Փաշինյանը հայտարարել էր, որ մի խումբ մանկավարժներ, գիտնականներ դիմել են ԿԳՄՍ նախարարությանը՝ խնդրելով Հայոց պատմություն առարկան վերանվանել Հայաստանի պատմություն:

News.am