2024-02-17 09:32
Информагентства
0
Թաթոյան․ Ադրբեջանի ԶՈՒ-ը զորավարժություններ է իրականացնում Ներքին Հանդի օկուպացված տարածքում
Ներքին Հանդի օկուպացված տարածքում ադրբեջանական զինծառայողներն իրականացնում են ականների պայթյուններ, լսվում են կրակոցներ, հայտնում է ՀՀ մարդու իրավունքների նախկին պաշտպան Արման Թաթոյանը:
Փաստահավաք առաքելության շրջանակներում գյուղ այցելած ՀՀ նախկին ՄԻՊ-ն արձանագրում է, որ ադրբեջանական իշխանություններն իրականացնում են նաև զորավարժություններ գյուղից այնպիսի հեռավորության վրա, որ գյուղի ներսում պարզ լսելի են կրակոցներ ու պայթյուններ թե՛ ցերեկվա, թե՛ գիշերվա ընթացքում:
«Ներքին Հանդի բնակիչներին մտադրված փորձում են պահել վախի մեջ, մարդիկ չեն կարողանում գյուղում հանգիստ տեղաշարժվել, դպրոցի դիմաց ադրբեջանական դիրքերն են, խաթարված է բնակիչների անվտանգ կյանքը»,- նշում է Թաթոյանը:
Նա հայտնել է, որ միայն Ներքին Հանդ գյուղում ադրբեջանական օկուպացիայի ներքո է հայտնվել 2700 հեկտար տարածք, իսկ 1000 հեկտարից ավելի հողատարածք հայտնվել է վտանգավոր գոտում, որտեղ կա´մ հնարավոր չէ իրականացնել գյուղատնտեսական և այլ տեսակի որևէ աշխատանք, կա´մ այդ աշխատանքներն էականորեն դժվարացել են` կյանքի համար իրական վտանգների պատճառով:
Հայ-ադրբեջանական սահմանին լարվածության նոր ալիք էր սկսվել փետրվարի 12-ին, երբ ադրբեջանական կողմը հայտնել էր հայկական դիրքապահի կողմից արձակած կրակի հետևանքով իր մեկ վիրավորի մասին: Հայկական կողմը հայտարարել էր, որ Հայաստան-Ադրբեջան պետական սահմանի Կապան-Զանգելան հատվածում հայ դիրքապահների կողմից կրակ բացելու տեղեկատվությունը հետաքննվում է, նախնական տեղեկատվությամբ՝ փետրվարի 12-ին տվյալ տեղամասում նման իրադրություն առկա չի եղել: ՀՀ ՊՆ-ն հերքել էր, թե փետրվարի 12-ին՝ ժամը 20:50-ից մինչև 23:40-ն ընկած ժամանակահատվածում հայկական կողմը կրակ է բացել սահմանագոտու հյուսիսարևելյան հատվածում տեղակայված ադրբեջանական դիրքերի ուղղությամբ:
ՀՀ ՊՆ-ն փետրվարի 13-ին հայտնել էր, որ սահմանին ադրբեջանական կողմի կրակի հետևանքով հայկական կողմն ունի 4 զոհ և 1 վիրավոր։ Գերատեսչությունը հրապարակել էր զոհված զինվորականների անունները։
2023թ. նոյեմբերի 3-ին ՀՀ ԱԳՆ Արարատ Միրզոյանը հայտարարել էր, որ շուրջ 200 քառ կմ ՀՀ տարածք գտնվում է ադրբեջանական ուժերի վերահսկողության ներքո:
Armenia Today
ПОСЛЕДНИЕ ОТ АВТОРА
-
2024-11-16 15:33Проведение 29-й сессии Конференции сторон Рамочной конвенции Организации Объединенных Наций об изменении климата (COP29) в Баку – фиаско мировой политики, заявила во время акции с лозунгом «Stop Greenwashing Genocide!» у представительства ООН в Армении глава общественной организации «Возвращение в Дизак» Маргарита Карамян.
-
2024-11-16 15:32«Да хранят старые, новые, забытые боги большие и малые народы, ибо созданные человечеством международные структуры, к сожалению, провалили свою миссию», – сказала во время акции протеста у представительства ООН в Армении правозащитник Нина Карапетянц.
-
2024-11-16 15:27The Guardian опубликовал статью с ранее невиданными кадрами сцен из фильма «Цвет граната» 1969 года армянского режиссера Сергея Параджанова и заявил о приверженности Параджанова сохранению через фильм традиционной культуры Армении и региона в целом. Многие сцены фильма по требованию советских властей не вошли в окончательный монтаж, однако именно они были истинными плодами воображения режиссера, говорится в публикации.
-
2024-11-16 15:25Президент Абхазии Аслан Бжания заявил, что когда оппозиционные силы покинут правительственные здания, он подаст в отставку с поста главы государства и назначит новые выборы, а до этого страной будет управлять вице-президент Бадра Гунба.