2024-02-26 12:34
Информагентства
Ավինյան․ Կոնդ թաղամասն ամբողջությամբ օտարվելու է
Հետագայում Կոնդ թաղամասն ամբողջ ծավալով գնալու է իրացման և օտարման՝ նոր քաղաքաշինական ծրագիր իրականացնելու համար: Այսօր Երևանի քաղաքապետարանի գործակարգավարական խորհրդակցության ժամանակ այս մասին ասաց Երևանի քաղաքապետ Տիգրան Ավինյանը։
Քաղաքապետը հետաքրքրվեց, թե այս ընթացքում ինչ քայլեր են ձեռնարկվել կոնդեցիների իրավունքների պաշտպանության, տասնամյակներով նրանց տնօրինած տարածքների նկատմամբ սեփականության իրավունքի գրանցման համար։
«Այս ամբողջ նախաձեռնության տրամաբանությունը նրանում էր, որ կոնդեցիներն իրենց իրավունքները կարողանան առավելագույնս պաշտպանել՝ հաշվի առնելով, որ տասնամյակներով իրենց փաստացի սեփականության հատվածներն իրենց սեփականությունը չեն հանդիսացել»,- ասաց Ավինյանը։
Քաղաքապետին զեկուցվեց, որ Կոնդ թաղամասի շենք-շինությունների օրինականացման հետ կապված այս պահին կա 254 դիմում, որոնցից 54-ի մասով կա քաղաքապետի որոշման նախագիծ, իսկ 25-ի վերաբերյալ՝ քաղաքապետի որոշում։
«Ովքեր ունեն քաղաքապետի որոշում, ծանուցվել են ավագանու որոշման մասին սեփականաշնորհման վճարների հետ կապված։ Դեռևս կատարված վճարումներ չկան։ Ըստ գոտիականության՝ մեկ քառակուսի մետրի արժեքը 214 կամ 139 հազար դրամ է»,- հայտնեցին քաղաքապետին։
Այս պահին 25 որոշումների մասով 100 հազարից մինչև 650 հազար դրամ վճարի ենթակա գումարներ կան։
«Հաշվի առնելով, որ քաղաքաշինական ծրագիր է իրականացվելու, հասկանանք, թե ինչպես կարող ենք կապել հետագա իրացման ծրագրի հետ և լուծումներ գտնել»,- հանձնարարեց քաղաքապետը։
Հիշեցնենք, որ Կոնդի վերակառուցման համար մրցույթ է հայտարարվել դեռ 2021-ին։
2023-ին Ավինյանն ասել էր, որ Կոնդի վերակառուցման` «Երևաննախագիծ» ընկերության և Լիոնի քաղաքապետարանի ծրագիրն արդեն գործնական փուլ է մտել։
Sputnik Արմենիա
ПОСЛЕДНИЕ ОТ АВТОРА
-
New2025-06-06 05:31Правительство Армении не приняло основные предложения карабахцев по жилищной программе, сообщает Совет по защите прав арцахцев.
-
New2025-06-06 05:27Верховный лидер Ирана Аятолла Сейед Али Хаменеи заявил, что мусульманские страны должны прекратить всякую помощь Израилю и помешать ему «совершать дальнейшие жестокие действия против палестинцев в секторе Газа», сообщает Mehr.
-
New2025-06-06 05:23Президент США Дональд Трамп и богатейший человек в мире, предприниматель Илон Маск начали критиковать друг друга из-за неоднозначного налогового проекта американского лидера.
-
New2025-06-06 05:20Мои полномочия на посту исполнительного директора Всеармянского фонда «Айастан» завершились в связи с переходом на дипломатическую службу. Об этом написал на своей странице в Facebook Айкак Аршамян.