2024-02-27 11:47
Информагентства
ՌԴ-ն պլանավորում է մարտի 1-ից կես տարով արգելել բենզինի արտահանումը
Ռուսաստանի կառավարությունը նախատեսում է 2024 թվականի մարտի 1-ից վեց ամսով բենզինի արտահանման ժամանակավոր արգելք սահմանել՝ գարնանը և ամռանը պահանջարկի աճը փոխհատուցելու համար։ «Արմենպրես»-ի փոխանցմամբ՝ այս մասին ՏԱՍՍ-ին հայտնել է ՌԴ փոխվարչապետ Ալեքսանդր Նովակի ներկայացուցիչը։
«Մենք հաստատում ենք (խմբ․՝ այդ տեղեկատվությունը)», - ասել է գործակալության զրուցակիցը՝ մեկնաբանելով ավելի վաղ տարբեր ԶԼՄ-ների աղբյուրների հաղորդած նման տեղեկությունները։
Բենզինի արտահանման ժամանակավոր արգելք մտցնելու պլանների մասին ՏԱՍՍ-ին հայտնել են նաև ՌԴ նախարարների կաբինետի մամուլի ծառայությունից։
Արտահանումն արգելելու մասին որոշումն անհրաժեշտ է՝ փոխհատուցելու պահանջարկի աճը ամառային արձակուրդների և դաշտային աշխատանքների, ինչպես նաև նավթավերամշակման գործարաններում պլանային վերանորոգման ժամանակ։ Սահմանափակումը չի տարածվի ԵԱՏՄ երկրների, ինչպես նաև Հարավային Օսիայի, Աբխազիայի, Մոնղոլիայի և Ուզբեկստանի վրա։
Բենզինի արտահանման արգելքը գործում էր 2023 թվականին սեպտեմբերի 21-ից նոյեմբերի 17-ը՝ ավտովառելիքի ներքին շուկայում գնային իրավիճակը կայունացնելու նպատակով։ Արգելքը հանելու որոշումը կայացվել էր այն բանից հետո, երբ ներքին շուկան հագեցվել էր վառելիքով և ստեղծվել էր առաջարկի ավելցուկ։
Այն ժամանակ Ռուսաստանի էներգետիկայի նախարարությունը չէր բացառել անհրաժեշտության դեպքում ավտոմոբիլային բենզինի արտահանման արգելքի վերականգնումը։
2023 թվականի սեպտեմբերի 21-ից Ռուսաստանում արգելք էր դրվել նաև ամառային դիզվառելիքի արտահանման վրա՝ պայմանավորված ներքին շուկան հագեցնելու անհրաժեշտությամբ։ Արգելքը վերացվել է նոյեմբերի 22-ին։
ПОСЛЕДНИЕ ОТ АВТОРА
-
New2025-06-12 19:45Иранские СМИ опубликовали первую серию документов, полученных от израильского режима.
-
New2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
New2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
New2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.