2024-03-11 19:56
Информагентства
Չախոյանը հայտարարել է մարտի 12-ին տրանսպորտի թանկացման դեմ բողոքի ցույցի մասին
Ակտիվիստ Արթուր Չախոյանը հայտարարել է մարտի 12-ին՝ ժամը 9։00-ին, Երևանի քաղաքապետարանի մուտքի մոտ տրանսպորտի թանկացման դեմ բողոքի ցույցի մասին:
Նա հիշեցրել է, որ հենց այդ օրը ավագանու նիստի ժամանակ փորձելու են ընդունել տրանսպորտի թանկացման նախագիծը: Չախոյանը կոչ է արել քաղաքացիներին միանալ և իրենց անհամաձայնությունը հայտնել տրանսպորտի թանկացմանը:
«2013թ-ին ներկայիս իշխանությունը պայքարում էր տրասպորտի թանկացման դեմ՝ նշելով, թե 50 դրամը մեկ հացի ուղիղ կեսն է, և որ մենք հացի խնդիր ունեցող երկիր ենք… 2018թ-ից առաջ և իշխանության գալուց հետո էլ հայտարարել էին, որ տրանսպորտի գինը չի թանկանալու, բայց հերթական անգամ ժողովրդին խաբեցին»,- Facebook-ի իր էջում գրել է նա։
Մարտի 7-ին Երևանի քաղաքապետի մամուլի խոսնակ Հայկ Կոստանյանը մանրամասներ էր հաղորդել միասնական տոմսային համակարգի լրամշակված նախագծի մասին, որը կքննարկվի ավագանու առաջիկա նիստում: Նա հայտնել էր, որ նախագծով նախատեսվում է 30 օրվա համար վճարել 8800 դրամ՝ անսահմանափակ երթևեկելու հնարավորությամբ, 90 օրվա համար՝ 23 600 դրամ՝ անսահմանափակ երթևեկելու հնարավորությամբ, 365 օրվա համար՝ 88 000 դրամ՝ անսահմանափակ երթևեկելու հնարավորությամբ։ Փետրվարի 13-ին Երևանի փոխքաղաքապետ Սուրեն Գրիգորյանը հայտարարել էր, որ մտադիր են տրանսպորտային միասնական համակարգի նախագծում ներառել սուբսիդավորման փաթեթներ բնակչության խոցելի խավերի համար, ինչպես նաև վերանայել սակագները։
Armenia Today-ը հարցում էր անցկացրել երևանցիների շրջանում՝ տրանսպորտի ուղեվարձի թանկացման վերաբերյալ, մեծամասնությունը նախագծին դեմ էր արտահայտվել։
ПОСЛЕДНИЕ ОТ АВТОРА
-
2025-06-22 11:45Иран заранее эвакуировал три ядерных объекта, удары по которым нанесли США, сообщает персидская служба Би-би-си со ссылкой на заместителя директора Иранского радио и телевидения Хасана Абедини.
-
2025-06-22 11:35День, когда каждый по-своему должен защитить свою Церковь. Этот день может стать и днём великого примирения, днём совместного действия.
-
2025-06-22 10:04Система наблюдения NASA зафиксировала мощный выброс тепла в районе иранского ядерного объекта у Фордо незадолго до объявления США об авиаударе. Об этом сообщает газета The New York Times.
-
2025-06-22 10:02США готовы в случае необходимости в течение считаных минут уничтожать дополнительные цели в Иране. Об этом заявил американский лидер Дональд Трамп, выступая в Белом доме с телеобращением к согражданам в связи с нанесением ударов по Ирану.