Իշխանություններն ընդդիմադիր պատգամավորներին արգելել են ծանոթանալ Ադրբեջանի հետ պայմանագրի տարբերակին
Իշխանություններն ընդդիմադիր պատգամավորներին արգելել են ծանոթանալ Ադրբեջանի հետ պայմանագրի տարբերակին, հայտնել է ՀՀ ԱԺ «Հայաստան» խմբակցության պատգամավոր Գեղամ Մանուկյանը:
Պատգամավորը նշել է, որ փետրվարի 23-ին իրենք դիմել էին ԱԳՆ՝ առաջարկների նոր փաթեթին ծանոթանալու նպատակով։ ԱԳՆ-ից պատասխանել են. «բանակցային գործընթացը չխաթարելու, գործընթացի վրա անուղղակի բացասական ազդեցություններ, ինչպես նաև փաստաթղթի կամայական, սխալ հանրային մեկնաբանություններ բացառելու նկատառումով պայմանավորված՝ այս պահին նպատակահարմար չենք համարում հայցվող տեղեկատվության տրամադրումը»։
Մանուկյանը շեշտել է, որ գրության մեջ բացակայում է գործող օրենսդրության որևէ կետի` իրենց կողմից խախտման վերաբերյալ հղում։
Նա նաև արձանագրել է, որ յուրաքանչյուր տարբերակին ծանոթանալուց հետո իրենց կողմից հնչեցրած հրապարակային մեկնաբանությունները հայտնվել էին նաև ադրբեջանական բարձրաստիճան շրջանակների ուշադրության կենտրոնում, որտեղից իշխող ուժի մակարդակով քննադատություն էր հնչում ընդդիմադիր պատգամավորներին պայմանագրի կետերին ծանոթանալ թույլ տալու առնչությամբ։
«ԱԳՆ-ից ստացված այս գրությունը հաստատում է նախորդիվ մեր հնչեցրած հիմնավոր կասկածն առ այն, որ ընդդիմադիր պատգամավորների՝ բանակցային գործընթացին ծանոթանալու արգելքն ադրբեջանական հերթական պահանջն է, որը բավարարվում է Նիկոլ Փաշինյանի կողմից»,- եզրակացնում է պատգամավորը։
«Գործ ունենք պատգամավորական գործունեությանը դիտավորյալ խոչընդոտելու հերթական կամայական քայլի հետ, որի նպատակը մեր կողմից հայ ժողովրդի համար կարևորագույն օրակարգի վերաբերյալ հանրային իրազեկման աշխատանքների խափանումը և հանրությանը միակողմանի տեղեկատվության տրամադրման միջոցով մոլորեցնելու դիտավորությունն է»,- հավելել է նա։
Փետրվարի 2-ին ընդդիմադիր «Հայաստան» խմբակցության պատգամավորներ Գեղամ Մանուկյանը, Աննա Գրիգորյանը, Քրիստինե Վարդանյանը և Արթուր Խաչատրյանը, ԱԳՆ-ում ծանոթանալով Հայաստանի Հանրապետության անունից Ադրբեջանին 2024թ․ հունվարի 4-ին ուղարկած առաջարկների փաթեթին, հայտարարել էին, որ բանակցային գործընթացում որևէ էական տեղաշարժ չկա:
Հունվարի 4-ին ընդդիմադիր պատգամավորները հայտարարել էին, որ ադրբեջանական առաջարկներն ու մոտեցումները որևէ կերպ չեն արտահայտում իրական, արդար և հարատև խաղաղություն հաստատելու ցանկություն ունեցող երկրի դիրքորոշումը: Չմանրամասնելով փաստաթղթի առանձին դրույթները՝ ընդդիմադիր պատգամավորները վերահաստատել էին, որ շարունակում են ուժի մեջ մնալ նախկինում իրենց կողմից բարձրաձայնված բոլոր մտահոգություններն ու անհանգստությունները, որոնք որևէ կերպ ոչ միայն չեն փարատվում, այլև առավել խորանում են:
2023թ. դեկտեմբերի 8-ին ընդդիմադիր պատգամավորները ծանոթացել էին «Խաղաղության պայմանագրին» և հայտարարել դրա վտանգավորության մասին: «Առաջարկներին ծանոթանալը միայն փաստել է դրա վտանգավորությունը և ամրապնդել բոլոր այն մտավախությունները, որոնք մենք այս հարցի շուրջ արտահայտել էինք ավելի վաղ»,- ասված էր պատգամավորների հայտարարության մեջ:
Armenia Today
ПОСЛЕДНИЕ ОТ АВТОРА
-
2024-05-21 20:58
Утверждения о том, что церковь не платит налоги, мягко говоря, являются ложью, сказал Sputnik Армения глава канцелярии Первопрестольного Эчмиадзина, архиепископ Аршак Хачатрян.
-
2024-05-21 20:57
Армянская сторона уступает в рамках процесса делимитации в Тавушской области 24 позиции. Об этом сообщил политолог Грант Микалеян после встречи представителей экспертного сообщества с лидером движения "Тавуш во имя Родины" Багратом Галстаняном, передает Sputnik Армения.
-
2024-05-21 19:41
Председатели армянского и украинского парламентов Ален Симонян и Руслан Стефанчук обсудили безопасность на Южном Кавказе и Украине, говорится в сообщении Национального Собрания Армении, передает Sputnik Армения.
-
2024-05-21 19:38
Премьер-министр Армении Никол Пашинян назначил Армана Бошяна заместителем главы Службы внешней разведки. Соответствующий приказ опубликован на сайте правительства Армении, передает Sputnik Армения.