2024-03-20 10:11
Информагентства
Կոնստանտին ԶԱՏՈՒԼԻՆ․ ՓԱՇԻՆՅԱՆԸ ԴԱՎԱՃԱՆՈՒԹՅԱՆ ՈՒՂԻՆ Է ԲՌՆԵԼ
Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը «Խոսում է Մոսկվան» ռադիոկայանի եթերում մեկնաբանել է Հայաստանի իշխանությունների գործողությունները սահմանամերձ այն գյուղերի հարցում, որոնք պահանջում է Ադրբեջանը։
«Ի՞նչ նշանակություն ունեն այն գյուղերը, որոնց հավակնում է Ադրբեջանը։ Այն առումով, որ Հայաստանին ապահովում են ելք դեպի Իրան, տարանցում են ապահովում դեպի Վրաստան։ Սրանք տարանցիկ գյուղեր են, և եթե Հայաստանը կառավարության որդեգրած դիրքորոշման արդյունքում կորցնում է դրանք, ապա հաղորդակցությունն ընդհատվում է և ճանապարհ է բացվում հետագա զիջումների համար։ Ամենակարևորը Ադրբեջանի և Թուրքիայի պահանջն է՝ բացել Զանգեզուրի միջանցքը Ադրբեջանի և Նախիջևանի միջև՝ այդպիսով Թուրքիայից ուղիղ տարանցում կատարելով դեպի Ադրբեջան»,- ասել է Զատուլինը։
Նա ստեղծված իրավիճակում ՀՀ վարչապետ Նիկոլ Փաշինյանի գործողություններն անվանել է «դավաճանություն իր հայրենակիցների նկատմամբ»։ «Փաշինյանն ինքն իրեն հավատարիմ է. նա շարունակում է Ադրբեջանի շահերի բավարարմանն ուղղված իր նախկին գիծը, բայց միևնույն ժամանակ նմանվելով դրան ստիպողաբար դիմելու մարդու: Ի լրումն ամեն ինչի, նման դիրքորոշում ընդունելով, մեղադրում է ՀԱՊԿ-ին ու Ռուսաստանի Դաշնությանն նրա համար, որ իր վրա չի վերցնում Հայաստանի պաշտպանությունը: Նա բռնել է իր հայրենակիցներից հրաժարվելու ուղին՝ դավաճանություն, և նա ստիպված է գնալ այս ճանապարհով»,- պատգամավորի խոսքերն է մեջբերում աղբյուրը։
Մարտի 9-ին Ադրբեջանի փոխվարչապետ Շահին Մուստաֆաևի գրասենյակն անվանել էր այն սահմանամերձ գյուղերը, որոնք Բաքուն պահանջում է Երևանից։ Բաքուն 8 գյուղի թվում նշել էր Տավուշի մարզի 7 բնակավայր, այդ թվում՝ Ներքին Ոսկեպարը և Վերին Ոսկեպարը։ Մարտի 8-ին լրատվամիջոցները հայտնել էին, որ Փաշինյանը «Քաղաքացիական պայմանագիր» խմբակցության պատգամավորներին պատմել է Տավուշի չորս գյուղի մասին, որոնք Ադրբեջանն առաջին հերթին է պահանջում:
Մարտի 12-ին կայացած ասուլիսի ժամանակ Փաշինյանը չէր բացառել, որ հայ-ադրբեջանական սահմանի սահմանազատման գործընթացը կարող է սկսվել Տավուշի մարզից։
Մարտի 18-ին Տավուշի սահմանամերձ գյուղերի բնակիչների հետ հանդիպմանը Փաշինյանը, ըստ «Հայաստան» խմբակցության պատգամավոր Գառնիկ Դանիելյանի, հայտնել էր, որ «եթե Ադրբեջանին մարզի չորս գյուղ չհանձնեն, պատերազմ կլինի»։ Նույն օրը՝ ավելի ուշ, Փաշինյանը հայտարարել էր Բաքվի կողմից սահմանազատման նախապայմանների մասին։ Վարչապետի մամուլի ծառայությունը հայտնել էր, որ պայմանավորվածություն է ձեռք բերվել, ըստ որի՝ Ոսկեպար և Կիրանց բնակավայրերի ներկայացուցիչները պարբերաբար հանդիպում կունենան Սահմանազատման ու սահմանային անվտանգության հարցերով հանձնաժողովի անդամների հետ:
ПОСЛЕДНИЕ ОТ АВТОРА
-
New2025-05-17 11:40Армянская община оскорблена заявлением комментатора конкурса "Евровидения" на израильском общественном телеканале Kan 11. Об этом сообщает движение SavetheArQ ("Спасите Армянский квартал").
-
New2025-05-17 11:3823% населения Армении сталкиваются с проблемой продовольственной необеспеченности, именно по этой причине Всемирная продовольственная программа ООН работает в Армении и призывает к инновационным партнерствам. Об этом в ходе панельных обсуждений на конференции по устойчивому развитию: Мост между COP 30 в Бразилии и COP 17 в Армении заявила региональный директор Всемирной продовольственной программы ООН (WFP) Нанна Скау.
-
New2025-05-17 11:03Издание GB News затронуло тему незаконного ареста Рубена Варданяна и других армян, опубликовав статью под названием «Христианин бьет тревогу: в условиях «незаконного» ареста отца и «этнической чистки» никто из нас не находится в безопасности».
-
New2025-05-17 10:39На фоне грандиозных политических процессов, разворачивающихся по линии Запад-Россия и Запад-Иран, на южных рубежах России складывается необычная ситуация. Если быть точнее, то Азербайджан — единственная страна ГУАМ, с которой у России нет разногласий территориального характера, откровенно демонстрирует неприязнь по отношению к России.