2024-03-20 10:18
Информагентства
ԵՐԵՎԱՆՈՒՄ ԿԱՅԱՑԱՎ «ՎԿԱՆ» ՖԻԼՄԻ ՊՐԵՄԻԵՐԱՆ
Ռուսական «Վկան» ֆիլմի պրեմիերան կայացել է Երևանում Մոսկվայի տանը: Այնտեղ բացվել է նաև «Եվրամայդան. էությունը և հետևանքները» լուսանկարների ցուցահանդեսը։
Երկու միջոցառումներին էլ ներկա են եղել ՀՀ պաշտպանության նախկին նախարար Սեյրան Օհանյանը, ԱԺ նախկին փոխնախագահ Էդուարդ Շարմազանովը, Արցախի նախագահ Սամվել Շահրամանյանը, Հայրենական մեծ պատերազմի վետերաններ:
Հայաստանում Ռուսաստանի դեսպան Սերգեյ Կոպիրկինը շնորհակալություն հայտնեց ներկաներին՝ նշելով, որ այստեղ նստած են մարդիկ, որոնց առանց որևէ արարողակարգային դիվանագիտական պայմանականության` կարելի է բարեկամներ անվանել:
«Դա մեզ համար շատ կարևոր է, կարևոր է Ռուսաստանի Դաշնության համար, և ես բացարձակապես համոզված եմ, որ դա շատ կարևոր է հայ-ռուսական հարաբերությունների և դրանց ապագայի համար», - ասաց դեսպանը:
Նրա խոսքով ՝ «Վկան» գեղարվեստական ֆիլմն իմաստավորման փորձ է այն իրադարձությունների, որոնք այժմ տեղի են ունենում հատուկ ռազմական գործողության գոտում, փորձ է իմաստավորելու այդ իրադարձությունների ակունքները, այսօրվա իրողությունները՝ մեկ մարդու` բելգիացի ջութակահարի ճակատագրի օրինակով, որը հեռու է քաղաքական և ռազմական բախումներից։
Ըստ սյուժեի՝ նա ականատես է լինում այս բոլոր իրադարձություններին և պետք է կատարի իր անձնական ընտրությունը։
Դեսպանը հույս հայտնեց, որ ֆիլմը շատ նյութ կտա՝ մտորելու, իմաստավորելու այն, ինչ տեղի է ունենում, և միայն դա արդեն մեծ նշանակություն ունի, գուցե նույնիսկ ավելին, քան բառերը, հայտարարություններն ու փաստարկները:
Ինչ վերաբերում է ցուցահանդեսին, ապա այն, ինչպես նշեց Կոպիրկինը, ցույց է տալիս այն իրադարձությունների ակունքները, էությունը, որոնք, ի վերջո, անխուսափելի են դարձրել հատուկ ռազմական գործողությունը:
«Այն ցույց է տալիս ճշմարտացիությունն այն խոսքերի, որոնք ասել է մեր նախագահը (Վլադիմիր Պուտինը,–խմբ.), երբ հայտարարություն է արել հատուկ ռազմական գործողության մեկնարկի մասին, որ Ռուսաստանին այլընտրանք չեն թողել», - ասաց դեսպանը:
Երևանում Մոսկվայի տան տնօրեն Հայկ Մելիքյանը լրագրողների հետ զրույցում նշեց, որ Հայաստանի և Ռուսաստանի հարաբերությունների պատմությունը շատ խորն է, և ոչ ոք չի կարող դրանք խեղաթյուրել կամ այլ լույսի ներքո ներկայացնել։ Այդ փորձերն անհաջող են:
«Մենք շատ հայեր ունենք Ռուսաստանում, շատ ռուսներ ապրում են մեզ մոտ։ Մենք ընդհանուր լեզու ենք գտնում, ընդհանուր լեզու ունենք, նույն կերպ ենք մտածում։ Ես վստահ եմ, որ ամեն ինչ նորմալ է լինելու և անհանգստանալու առիթ չեմ տեսնում», - ասաց նա։
Մելիքյանը վստահ է, որ նման միջոցառումները կոչված են նպաստելու երկու երկրների և ժողովուրդների միջև երկխոսության զարգացմանը:
Նա հիշեցրեց, որ ի սկզբանե Մոսկվայի տունը ստեղծվել է երկու մայրաքաղաքների, երկու երկրների ներկայացուցիչների շփման համար, և այն արժանապատվորեն կատարում է իր գործառույթը։
Մարտին «Մոսկվայի տանը» նախատեսված են մի շարք միջոցառումներ։ Ապրիլին այստեղ տեղի կունենա «Գագարինը տիեզերքում» ֆիլմի ցուցադրությունը, նախատեսվում է նաև ցուցահանդես:
ПОСЛЕДНИЕ ОТ АВТОРА
-
2025-07-05 17:07Разрыв с Россией может изменить судьбу армяно-российских отношений На фоне резкого обострения отношений Москвы и Баку премьер Армении Никол Пашинян продолжает войну с оппозицией и церковью. После визита силовиков в Эчмиадзин и ареста двух архиепископов он вновь призвал переизбрать главу Армянской апостольской церкви. За поддержку ААЦ арестован российский бизнесмен Самвел Карапетян. В стране прошла новая серия арестов после того, как Следственный комитет Армении объявил о раскрытии заговора с целью захвата власти. О ситуации в Армении мы поговорили с первым заместителем председателя Комитета Госдумы по делам СНГ, евразийской интеграции и связям с соотечественниками Константином ЗАТУЛИНЫМ.
-
2025-07-05 15:05Президент Турции Реджеп Тайип Эрдоган в беседе с журналистами по возвращении из оккупированного Арцаха рассказал о «возможностях», которые откроются благодаря так называемому «Зангезурскому коридору» «не только для Азербайджана, но и для всего региона».
-
2025-07-05 15:03Молодежный союз АРФ «Дашнакцутюн» проводит акцию протеста у здания Конституционного суда Армении.
-
2025-07-05 15:02Отец мэра Еревана Тиграна Авиняна – Армен Авинян — проиграл в суде по резонансному делу, связанному с его высказываниями в адрес водителей машин марки Opel. Об этом сообщил член фракции "Мать Армения" Григор Искандарян в прямом эфире в соцсетях.