2024-03-22 16:29
Соб.инф.
ՄՈՍԿՎԱՅՈՒՄ ԼՈՒՅՍ ԿՏԵՍՆԻ ԱՌՆՈ ԲԱԲԱՋԱՆՅԱՆԻ ՍՏԵՂԾԱԳՈՐԾՈՒԹՅՈՒՆՆԵՐԻ ԲԱԶՄԱՀԱՏՈՐ ԺՈՂՈՎԱԾՈՒՆ
Մոսկվայում առաջին անգամ լույս կտեսնի Առնո Բաբաջանյանի ստեղծագործությունների բազմահատոր ժողովածուն ԴԻԱԼՈԳ մատենաշարի շրջանակներում։
2024 թ․ մարտի 20-ին ԴԻԱԼՈԳ կազմակերպության նախագահ Յուրի Նավոյանը և Առնո Բաբաջանյանի հիշատակի հիմնադրամի նախագահ Արա Բաբաջանյանը համագործակցության հուշագիր են ստորագրել հռչակավոր հայ կոմպոզիտարի ստեղծագործությունների բազմահատոր ժողովածուի կազմման և հրատարակման նպատակով համատեղ աշխատանքների վերաբերյալ։
Համաձայն պայմանավորվածության, Առնո Բաբաջանյանի ստեղծագործությունների բազմաժանր ժողովածուն կլինի գիտական հրատարակություն և կընդհանրացնի նրա գործիքային, նվագախմբային և վոկալ գործերը։
Տեքստերը պատրաստվելու են տարբեր աղբյուրների (ձեռագրեր, վաղ հրատարակություններ, ինչպես նաև հեղինակային ձայնագրություններ) քննական համադրության մեթոդով և ուղեկցվելու են գիտական ապարատով։
Ստեղծագործությունների ժողովածուն կընդգրկի նաև նախկինում չհրատարակված գործեր, որոնք գտնվում են հեղինակի ձեռագիր հավաքածուում (վաղ դաշնամուրային ստեղծագործություններ, լարային քառյակներ, խոշոր նվագախմբային պարտիտուրաներ), ինչպես նաև գործեր վաղեմի պարբերականներից և նոտային հրատարակություններից, որոնք մինչև այժմ հեղինակային ժողովածուների մաս չեն կազմել։
ԴԻԱԼՈԳ կազմակերպությունը և Առնո Բաբաջանյանի հիշատակի հիմնադրամը պայմանավորվել են, որ մեծանուն կոմպոզիտորի ստեղծագործությունների հավաքման, դրանց համակարգման և հրատարակության պատրաստման նպատակով կստեղծվի համատեղ խմբագրական խորհուրդ՝ հայ և ռուսաստանյան հետազոտողների և արվեստգետների ընդգրկմամաբ։
Իսկ հրատարակության պատրաստվող նյութերի հնարավոր ամբողջականությունը ապահովելու համար կկազմակերպվի հետազոտողների աշխատանքը Հայաստանի և Ռուսաստանի արխիվներում, գրադարաններում և համանման հաստատություններում։
ԴԻԱԼՈԳ կազմակերպության և Առնո Բաբաջանյանի հիշատակի հիմնադրամի միջև ստորագրված հուշագրով սկիզբ առած և տարիների համագործակցություն պահանջող այս աշխատանքը առաջին անգամ կապահովի Առնո Բաբաջանյանի ստեղծագործական ժառանգության համակարգային և ամբողջական ներկայացումը։
ПОСЛЕДНИЕ ОТ АВТОРА
-
2025-04-05 10:46Фонд детского здоровья Армении инициировал проведение концерта «Симфонический рок во имя здоровья детей» при участии Государственного симфонического оркестра Армении, объединившего легендарные рок-мелодии в симфоническом исполнении.
-
2025-04-03 09:481 апреля 2025 года в Доме Российского исторического общества состоялась встреча председателя Правления Российского исторического общества, исполнительного директора Фонда «История Отечества» Руслана Гагкуева и председателя Организации ДИАЛОГ Юрия Навояна.
-
2025-04-02 09:34В Центре Востоковедения Российской Академии Наук открылась выставка «Многоликий Восток: Легенды и Современность», объединяющая работы более 20 авторов, работающих как в жанре академической, цифровой и абстрактной живописи, так и в национальном восточном стиле Суми-э.
-
2025-04-01 10:26В Москве в рамках Книжной серии ДИАЛОГ вышла в свет книга Геворга Минасяна и Анжелы Симонян «Хакан Фидан – штрихи к портрету возможного будущего президента Турции».