2024-03-26 08:06
Информагентства
Կատարողին գիտենք, ուզում ենք պատվիրատուին իմանալ․ Պուտինը՝ «Կրոկուսի» ահաբեկչության մասին
Ահաբեկչությունն իրականացնողը հայտնի է, սակայն Մոսկվային հետաքրքիր է՝ ով է եղել պատվիրատուն։ ՌԻԱ Նովոստիի փոխանցմամբ՝ հայտարարել է ՌԴ նախագահ Վլադիմիր Պուտինը՝ խոսելով «Կրոկուս Սիթի Հոլում» տեղի ունեցած ահաբեկչության մասին։
«Ահաբեկչությունն իրականացվել է արմատական իսլամիստների ձեռքով։ Սա օղակ է նրանց փորձերի մի ամբողջ շարքի մեջ, ովքեր 2014 թվականից նեոնացիստական Կիևի ռեժիմի ձեռքով կռվում են Ռուսաստանի դեմ»,- ասել է ՌԴ նախագահը։
Նրա կարծիքով՝ ահաբեկչությունը միանգամայն տրամաբանորեն տեղավորվում է ահաբեկման այն ակցիաների մեջ, որոնք իրականացնում է Կիևը։
«Պետք է պատասխանել այն հարցին, թե ինչու էին ահաբեկիչները «Կրոկուսում» հանցագործություն կատարելուց հետո փորձել մեկնել Ուկրաինա, ով էր նրանց այնտեղ սպասում»,- ասել է ՌԴ նախագահը։
Ռուսաստանի առաջնորդը նաև նշել է, որ ԱՄՆ-ն տարբեր խողովակներով փորձում է բոլորին համոզել, թե «Կրոկուսում» տեղի ունեցած արյունալի ահաբեկչության մեջ Կիևի հետքն իբր չկա, հետևում կանգնած է արգելված Իսլամական պետությունը։ Պուտինի խոսքով՝ պետք է ստանալ մի շարք հարցերի պատասխաններ, այդ թվում՝ արդյոք արմատական իսլամիստները որոշել էին հարված հասցնել Ռուսաստանին։
«Ռուսաստանի հասարակությունը ցույց տվեց իսկական համերաշխության և փոխադարձ աջակցության օրինակ։ Նրանք, ովքեր ծրագրել էին այս ահաբեկչությունը, հույս ունեին խուճապ և տարաձայնություններ սերմանել հասարակության մեջ, բայց նրանք հանդիպեցին միասնության և դիմակայելու վճռականության»,- ասել է Պուտինը։
ՌԴ նախագահը նաև շեշտել է՝ չնայած «Կրոկուսում» ահաբեկչության մեղավորներին պատժելու ցանկությանը, հետաքննությունը պետք է ընթանա օբյեկտիվ և առանց կողմնակալության։
Sputnik Արմենիա
ПОСЛЕДНИЕ ОТ АВТОРА
-
2025-04-05 15:34Число погибших в результате разрушительного землетрясения в Мьянме возросло до 3354 человек, 4850 получили ранения и 220 пропали без вести, сообщает Reuters.
-
2025-04-05 15:32Арман Овакимян, ранее возглавлявший медцентр "Сурб Григор Лусаворич", и Нарек Манукян, экс-директор Национального центра онкологии им. В.А. Фанарджяна, являются высококвалифицированными специалистами и достойно справлялись с поставленными перед ними задачами. Об этом в беседе с Sputnik Армения заявил директор медцентра "Измирлян" Армен Чарчян.
-
2025-04-05 15:30Для освобождения наших заложников, удерживаемых в Баку, должна была вестись энергичная работа в сфере парламентской дипломатии. С таким заявлением выступила инициатива «Айакве».
-
2025-04-05 15:28Министерство обороны Армении предупреждает о распространении подозрительных Telegram-каналов.