2024-03-26 18:08
Информагентства
0
ԵՊՀ-ում վրացագիտության կենտրոն է բացվել
Երևանի պետական համալսարանում այսօր վրացագիտության կենտրոն է բացվել է, արարողությանը ներկա է եղել Վրաստանի կրթության, գիտության և երիտասարդության նախարար Գիորգի Ամիլախվարինը: Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։
ՀՀ կրթության, գիտության, մշակույթի և սպորտի նախարար Ժաննա Անդրեասյանն առանձնահատուկ կարևորել է կենտրոնի բացման փաստը:
«Վրացագիտության կենտրոնի բացումը կնպաստի երկու երկրների միջև բարիդրացիական հարաբերությունների հետագա զարգացմանն ու խորացմանը, ինչպես նաև երկու ժողովուրդների միջև հաղորդակցության արդյունավետության բարձրացմանը։ Կենտրոնի ստեղծումը մեզ համար կարևոր է նաև Հայաստանում բարեկամ Վրաստանի մասին քաջատեղյակ մասնագետներ պատրաստելու տեսանկյունից, ինչն իր հերթին էապես կնպաստի տարածաշրջանի մասին երկկողմ և համատեղ ընկալումների խորացմանն ու ընդլայնմանը և մեր տարածաշրջանում այդքան սպասված խաղաղության հաստատմանը»,- նշել է նախարարը:
Անդրեասյանը հավելել է, որ սեպտեմբերից կմեկնարկի համատեղ մագիստրոսական կրթաթոշակային ծրագիր, որը երկու երկրների ուսանողներին հնարավորություն է տալու ուսանելու Հայաստանի և Վրաստանի բուհերում: Այդ նպատակով հատկացվել է 10 կրթաթոշակային տեղ:
Գիորգի Ամիլախվարինն էլ շեշտել է, որ Վրաստանը մեծ կարևորություն է տալիս երկու երկրների միջև հարաբերությունների բազմակողմանի զարգացմանը:
«Մեզ համար կարևոր է վրացական և հայկական համալսարանների միջև սերտ համագործակցությունը: Ինչպես ՀՀ-ի համար է կարևոր հայագիտության զարգացումը, այնպես էլ Վրաստանի համար՝ վրացագիտության, և կենտրոնի բացմամբ առկա բազմադարյա հարաբերություններն էլ ավելի բարձր մակարդակի ենք բարձրացնելու»,-նշել է նա։
Նախարարն ընդգծել է, որ Թբիլիսիի պետական համալսարանում հաջողությամբ աշխատում է հայագիտության կենտրոնը, որտեղ բազմաթիվ գիտահետազոտական աշխատանքներ են կատարվում:
Ամիլախվարիի խոսքով՝ Վրաստանը շահագրգռված է ընդլայնելու Հայաստանի հետ փոխգործակցությունը հանրակրթության, բարձրագույն կրթության և գիտության, ինչպես նաև երիտասարդական քաղաքականության ոլորտներում. ուսանողների և դասախոսների փորձի փոխանակման, երկկողմ և համատեղ ծրագրերի իրականացումը լինելու են մեր ապագա պլանները:
ԵՊՀ ռեկտոր Հովհաննես Հովհաննիսյանն էլ իր հերթին հույս է հայտնել, որ երկու մայր բուհերի համագործակցությամբ համատեղ նոր գաղափարներ և ծրագրեր կծնվեն, ու ևս մեկ աստիճանով կբարձրանա համագործակցության մակարդակը։
Sputnik Արմենիա
ПОСЛЕДНИЕ ОТ АВТОРА
-
New2024-04-30 16:52По сравнению с аналогичным периодом прошлого года количество туристов, прибывших в Армению, сократилось на 3 процента, сообщил на встрече с журналистами председатель Центрального банка Мартин Галстян.
-
New2024-04-30 16:51Азербайджан выступает за прямые двусторонние мирные переговоры с Арменией, которые зарекомендовали себя как наиболее эффективное и успешное решение. Как сообщают азербайджанские СМИ, об этом заявил министр иностранных дел Азербайджана Джейхун Байрамов.
-
New2024-04-30 16:49Передачу ведущего Владимира Соловьева в общественном мультиплексе Армении заменит культурная или художественная программа, сказал глава Комиссии по телевидению и радио Тигран Акопян в парламенте, представляя отчет о проделанной работе за 2023 г, передает Sputnik Армения.
-
New2024-04-30 16:45Министр внутренних дел Франции Жеральд Дарманен прокомментировал активное вмешательство Азербайджана в вопрос Новой Каледонии.
