ՀՀ-ն ի վիճակի չէ սեփական ուժերով ապահովել սահմանի պահպանությունը․ հայտարարություն
ՀՀ-ն այսօր ի վիճակի չէ սեփական ուժերով ապահովել պետական սահմանի պահպանությունը։ Այս մասին ասված է ԱԱԾ պահեստազորի սպաների միության տարածած հայտարարության մեջ։
Հայտարարության մեջ մասնավորապես նշվում է, որ հակառուսական տրամադրությունների ալիքի ներքո ՀՀ իշխանությունները որոշում են կայացրել 2024 թ. օգոստոսի 1-ին դադարեցնել ՀՀ ԱԱԾ և ՌԴ սահմանապահ զորքերի համատեղ ծառայությունը «Զվարթնոց» օդանավակայանում:
«Այս որոշումը մտահոգություն չէր առաջացնի, եթե ամեն ինչ այդքանով ավարտվեր։ ՌԴ սահմանապահ զորքերի դերը «Զվարթնոց» օդանավակայանում այնքան էլ մեծ չէ, և դա հաշվի առնելով, ինչպես նաև իրավական գործիքների բացակայությունը՝ ՀՀ ԱԱԾ սահմանապահ ջոկատի հրամանատարությանը հնարավորություն ունի ինքնուրույն կայացնել բոլոր որոշումները: Այս առումով, մեր կարծիքով, «Զվարթնոցի» վերաբերյալ որոշումը քաղաքական ենթատեքստ ունի»,- ասված է հայտարարության մեջ։
Ըստ հայտարարության հեղինակների՝ Ռուսաստանի հետ ՀՀ-ի ռազմաքաղաքական պայմանագրերը մեկը մյուսի հետևից խզվելու են․ սկզբում դուրս է բերվելու102-րդ բազան, ապա ՀՀ-ում տեղակայված ռուսական սահմանապահ բոլոր չորս զորամասերը։
ԱԱԾ պահեստազորի սպաների միությունը համոզմունք է հայտնել, որ Հայաստանն այսօր առանց Ռուսաստանի աջակցության ի վիճակի չէ պաշտպանել հայ-թուրքական պետական սահմանը:
Որպես հիմնավորում՝ միությունը նշել է 4 պատճառ․
1. ՀՀ-ն չունի մասնագիտացված և օժանդակող անձնակազմ, որի պատրաստման համար ժամանակ և միջոցներ են պետք։
2. Հայ-թուրքական սահմանին դեռևս ԽՍՀՄ տարիներից կան ինժեներական կառույցներ, որոնց սպասարկումը պահանջում է ոչ միայն մեծ ֆինանսական ծախսեր, այլև նեղ մասնագիտական անձնակազմի առկայություն։
3. Ռուս սահմանապահների դուրսբերման դեպքում միջադեպերն ու սադրանքներն անխուսափելի կդառնան։
4. Պետք է հաշվի առնել, որ այսօր Հայաստանը պետք է ինքնուրույն ապահովի հազարավոր կիլոմետրեր ձգված հայ-ադրբեջանական սահմանի անվտանգությունը։
Վերջում ԱԱԾ պահեստազորի սպաների միությունը զգուշացնում է՝ այս բոլոր հանգամանքները պետք է հաշվի առնել, հակառակ դեպքում ամեն ինչ կարող է հանգեցնել անկանխատեսելի հետևանքների՝ ընդհուպ պետականության կորստի։
Sputnik Արմենիա
ПОСЛЕДНИЕ ОТ АВТОРА
-
2024-04-27 14:59
Глава Тавушской епархии Армянской апостольской церкви, архиепископ Баграт Галстанян, говоря о акциях неповиновения, проходящих в последние дни близ села Киранц, а также о процессе делимитации госграницы между Арменией и Азербайджаном в Тавуше, призвал граждан Армении законными способами выразить свой протест.
-
2024-04-27 14:54
Вчера ночью неизвестные на автомобиле с тонированными стеклами, без номеров, вероятно, позже в сопровождении губернатора области и других чиновников, тайно приехали, проникли на «подлежащие сдаче территории» и совершили какие-то неизвестные действия. Об этом в беседе с журналистами заявил предстоятель Тавушской епархии, архиепископ Баграт Галстанян.
-
2024-04-27 14:49
Власть, которая в 2018 году прославляла, восхваляла и поощряла выход на улицы и присоединение к политическому шествию некоторых солдат миротворческой бригады, сегодня говорит о недопустимости этого. Об этом на своей странице в Facebook написал депутат Национального собрания Армении Тигран Абрамян.
-
2024-04-27 14:15
Россия выступает за продолжение контактов между Баку и Ереваном, они необходимы для полной разрядки и урегулирования спорных вопросов, сообщил пресс-секретарь президента России Дмитрий Песков, передает РИА Новости.