2024-03-28 17:57
Информагентства
Էդուարդ ՇԱՐՄԱԶԱՆՈՎ․ ՀԱՅԱՍՏԱՆԻՑ ՄԻԱՅՆ ՏՐԱՖԱՐԵՏՆ Է ՄՆԱՑԵԼ, ԲՈՎԱՆԴԱԿՈՒԹՅՈՒՆ ՉԿԱ (ՏԵՍԱՆՅՈՒԹ)
Դժբախտաբար, Հայաստանում չկա կառավարություն, եթե լիներ, Հայաստանն այս օրին չէր լինի: Այս մասին այսօր՝ մարտի 28-ին Եռաբլուրում լրագրողներին ասաց ՀՀԿ անդամ Էդուարդ Շարմազանովը, որը կուսակցության մյուս անդամների հետ Աշոտ Նավասարդյանի ծննդյան օրվա առթիվ Եռաբլուր էր գնացել:
«Հայաստանից միայն տրաֆարետն է մնացել, բովանդակություն չկա: Կառավարության շենքի գրած տրաֆարետի տակ աշխատում է թուրքական 5-րդ շարասյան շահերը սպասարկողը: Ես չեմ կարող որևէ կերպ բացատրել նրանց գործունեությունը:
Այսօր մենք հանգել ենք ավելի վատ գծի, քան եղել է Աշոտ Նավասարդյանի և նրա ընկերների, 60-ականների շարժման ժամանակ: Այդ ժամանակ կար Խորհրդային Հայաստան, բայց այդ Խորհրդային Հայաստանը Նիկոլի ստեղծած թուրքական վիլայեթացումից հազար անգամ ավելի հայկական էր: Այդ Խորհրդային Հայաստանում Ազգային ակադեմիա կար, Սարդարապատի հուշահամալիր կար, Ծիծեռնակաբերդ կար: Ի վերջո, դրա հիմքի վրա Արցախն ազատագրվեց: Անշուշտ, Աշոտ Նավասարդյանը մեզ մի բան է պատգամել՝ ազատության, գաղափարի համար պայքարում, եթե նույնիսկ միայնակ մնաս, չպետք է նահանջես։
Այսօր հակապետական, հակահայկական ռեժիմը դեմ է դուրս եկել այն բոլոր արժեքներին, որոնց համար պայքարել է Աշոտ Նավասարդյանը»,-ասաց Էդուարդ Շարմազանովը՝ շեշտելով, որ ներկայիս իշխանությունները ոչինչ չեն անում անկախության պահպանման համար:
Նրա խոսքով, ՀՀԿ հիմնադիր Աշոտ Նավասարդյանը 12 տարուց ավելի բանտում է անցկացրել, բայց երբեք չի հրաժարվել անկախության համար պայքարից, քանի որ պայքարից հրաժարվելը նման է ծնողներից կամ Աստծուց հրաժարվելուն:
«Սրանք արդեն ուրացել են, կանգնում ասում են այս հողերը ադրբեջանական հողեր են: Սրանք Ալիևի հետ միասին են գործում: Եռաբլուրի տղերքը խաղաղություն չէի՞ն ուզում, որ գնացին նահատակվեցին: Նրանք արժանապատվության համար են զոհվել: Խաղաղությունը չի կարող նպատակ լինել, նպատակը անկախությունն է: Եթե Նիկոլը խաղաղության ճանապարհ է ուզում, թող հանձնվի թուրքին, խաղաղ ապրի: Սա է ՔՊ-ի ասած խաղաղությունը:
Զենքի պրոբլեմ աշխարհում չկա, մտքի և ոգու պրոբլեմ կա: Էսօր Նիկոլն ուզում է մեր ոգին հանից, գցի թուրքերի ոտքի տակ: Իրենք, որ քաղաքական առումով պառկել են և պոլի շորի կարգավիճակ ունեն, ու սպառնալիք են համարում Արցախի մասին խոսացողներին, Նոյեմբերյանի գյուղերը հայկական համարողներին, ի՞նչ եք ուզում»,-ասաց Էդուարդ Շարմազանովը:
ПОСЛЕДНИЕ ОТ АВТОРА
-
2025-05-16 19:48Только что прослушал последнюю беседу Никола Пашиняна с азербайджанским журналистом относительно мирного соглашения между Арменией и Азербайджаном. Пашинян также встретился с президентом Азербайджана в Тиране (Албания). Не сомневаюсь, что и эта встреча прошла в том же духе, с позиции покорного просителя, лишенного достоинства, национальной гордости и даже самой элементарной дипломатической решимости. Об этом написал на своей странице в Facebook экс-министр иностранных дел Армении Вардан Осканян.
-
2025-05-16 19:46По предварительным данным, в результате аварии с участием автобуса маршрута №23 пострадали 8 граждан. Министерство здравоохранения сообщает, что 6 взрослых были доставлены в медицинский центр и в настоящее время проходят обследование.
-
2025-05-16 19:39Католикос Арам I провел встречу с делегацией высокопоставленных священнослужителей, представляющих Патриарха Московского и всея Руси Кирилла. Об этом сообщает католикосат Великого Дома Киликийского
-
2025-05-16 19:38Мировой порядок сегодня превратился в глобальный беспорядок, а история, которую считали закончившейся, «снова возобновилась». Такое мнение высказала глава Еврокомиссии Урсула фон дер Ляйен, выступая с речью на шестом саммите Европейского политического сообщества в Тиране.