2024-04-03 18:55
Информагентства
Զախարովա․ Հայաստանը շարունակում է մնալ ՀԱՊԿ-ի լիիրավ անդամ
Հայաստանը շարունակում է մնալ ՀԱՊԿ-ի լիիրավ անդամ: Այս մասին ապրիլի 3-ին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Պատասխանելով հարցին, թե ՀԱՊԿ անդամներից մեկը հայտարարում է անդամակցության սառեցման մասին, ի՞նչ հետևանքներ կարող է ունենալ կազմակերպության կանոնադրության խախտումը, մասնավորապես՝ ՆԱՏՕ-ի առաքելության տեղակայումը, Զախարովան ասել է. «ՀԱՊԿ երկրներից ես գիտեմ միայն մեկ անդամի, ոը մեկ ասում է՝ ՀԱՊԿ-ն է իր երկրից դուրս գալիս, հետո թե՝ ինքն է դուրս գալիս ՀԱՊԿ-ից, մեկ համարվում է մասնակից, մեկ սառեցնում է, տարբեր բանավոր էկվիլիբրիստիկա: Մենք դա լսում ենք միայն Երևանի իշխանություններից»։
Հենվելով փաստաթղթերի վրա Զախարովան հիշեցրել է, որ Հայաստանը շարունակում է մնալ ՀԱՊԿ-ի լիիրավ անդամ և կապված է նորմատիվային պարտավորությունների շրջանակով, այդ թվում՝ Հավաքական անվտանգության պայմանագրի, կանոնադրության և այլ փաստաթղթերի։
«Ուզում եմ նաև հիշեցնել, որ, ի թիվս այլ բաների, ՀԱՊԿ կանոնադրությունը, ինչպես նաև 2011 թվականին ղեկավարների կողմից ստորագրված համապատասխան արձանագրությունը նախատեսում է, որ ՀԱՊԿ անդամ պետությունը կարող է որոշում կայացնել իր տարածքում երրորդ երկրների զորքեր կամ արտաքին ենթակառուցվածքային օբյեկտներ տեղակայելու մասին միայն հրատապ խորհրդակցություններից կամ համակարգումից հետո, այլ կերպ ասած՝ ՀԱՊԿ անդամ մյուս երկրների հետ։
Ինչ վերաբերում է պարտավորությունների խախտման դեպքում պետության համար հնարավոր հետևանքներին, ապա դրանք ևս հստակ արձանագրված են։ Կարելի է խոսել ՀԱՊԿ-ի որոշմամբ նման պետության մասնակցության կասեցման մասին ՀԱՊԿ մարմինների գործունեությանը, և կարող է լինել նաև հեռացում։ «Ես հիմա խոսում եմ փաստաթղթերում գրվածի մասին»,- բացատրել է Զախարովան։
Հիշեցնենք, որ Հայաստանում տեղակայված չէ ՆԱՏՕ-ի առաքելություն, այլ ԵՄ դիտորդական առաքելություն՝ 2022 թվականի սեպտեմբերյան ագրեսիայից հետո Ադրբեջանի հետ սահմանին տիրող իրավիճակին հետևելու համար։
News.am
ПОСЛЕДНИЕ ОТ АВТОРА
-
New2025-06-28 09:21Судебный процесс против архиепископа Микаэла Аджапахяна носит исключительно политический характер. Об этом заявил бывший омбудсмен Армении Арман Татоян в беседе с журналистами у здания суда.
-
New2025-06-28 09:19Все обвинение против главы Ширакской епархии Армянской Апостольской Церкви, архиепископа Микаэла Аджапахяна, основано исключительно на его интервью. Об этом сообщил адвокат архиепископа Ерем Саркисян в беседе с журналистами у здания суда.
-
New2025-06-28 09:16Компания "Электрические сети Армении" (ЭСА) не несет ответственности за масштабный сбой электроснабжения, произошедший днем 27 июня в столице. Об этом агентству Sputnik Армения сообщила пресс-секретарь компании Наталья Сарджанян. По ее словам, в этом виновата государственная компания "Высоковольтные электросети" (ВЭС).
-
New2025-06-28 09:16В Армении произошло землетрясение магнитудой 2.9. По данным Спасательной службы МВД, толчки зафиксированы в ночь на субботу в 8 км к северу от города Спитак, на глубине 10 км.