2024-04-09 09:58
Информагентства
Լեմկինի ինստիտուտը դատապարտել է Երուսաղեմի «Կովերի պարտեզում» տեղի ունեցածը
Լեմկինի Ցեղասպանության կանխարգելման ինստիտուտը դատապարտել է Երուսաղեմի «Կովերի պարտեզում» տեղի ունեցած վերջին իրադարձությունները։
Ավելի վաղ հայտնել էինք, որ իսրայելցիները ապրիլի 3-ին ոստիկանության աջակցությամբ մուտք են գործել «Կովերի պարտեզ» և, առանց դատարանի որոշման ու նախազգուշացման, հեռացրել տեղադրված արգելապատնեշները։
«Հարավային Կովկասում Հայաստանի դեմ Ադրբեջանի շարունակական սադրանքների ֆոնին այս ներխուժումը Հայաստանի անկախությունն ու ինքնիշխանությունը վտանգելու հերթական փորձն է: Ադրբեջանից մինչև Իսրայել ցեղասպան ռեժիմներում առկա հայատյացության մակարդակը տագնապ է առաջացնում և հայերին մշտական վտանգի մեջ է դնում»,– ասված է Լեմկինի ինստիտուտի հայտարարությունում։
Կազմակերպությունը կոչ է անում պաշտպանել Երուսաղեմի հայկական հողերն ու քրիստոնեական սրբավայրերը, իսկ իսրայելական դատարաններին հորդորում է անհապաղ անվավեր ճանաչել Հայոց պատրիարքարանի և «Xana Gardens»-ի միջև ցանկացած գործարք:
«Բացի այդ, մենք պահանջում ենք, որ Իսրայելի իշխանությունները հարգեն բոլոր փոքրամասնությունների, այդ թվում` հայերի իրավունքները։ Իսրայելը պետք է դադարեցնի ոչ հրեաների հաշվին հրեական բնակավայրերի ընդլայնմանն ուղղված բոլոր ջանքերը և բոլորին պաշտպանելու պարտավորություն ստանձնի»,– նշված է հայտարարությունում։
Հիշեցնենք` Արևմտյան Երուսաղեմում հայկական պատրիարքությունը հասութաբեր կալվածքներ ունի, որտեղ մոտ 160 բիզնես կա, և վանքն այդ բիզնեսների եկամտով է ապրում։
2021թ․ հուլիսին Երուսաղեմի պատրիարք Նուրհան Մանուկյանը, պատրիարքարանի լուսարարապետ Սևան Ղարիբյանը և անշարժ գույքի վերակացու հայր պարետ Երիցյանը փաստաթուղթ էին ստորագրել պատրիարքարանին պատկանող հողատարածքը` «Կովերի պարտեզ» կալվածքը, 99 տարի ժամկետով ավստրալացի հրեա Դանի Ռուբինշտեյնին վարձակալության տալու մասին։ Գործարարը նախատեսում էր հյուրանոց կառուցել այդ տարածքում։ Հայ համայնքը Երուսաղեմում պարբերաբար բողոքի ակցիաներ է իրականացնում այս գործարքի դեմ։
Sputnik Արմենիա
ПОСЛЕДНИЕ ОТ АВТОРА
-
2025-06-22 11:45Иран заранее эвакуировал три ядерных объекта, удары по которым нанесли США, сообщает персидская служба Би-би-си со ссылкой на заместителя директора Иранского радио и телевидения Хасана Абедини.
-
2025-06-22 11:35День, когда каждый по-своему должен защитить свою Церковь. Этот день может стать и днём великого примирения, днём совместного действия.
-
2025-06-22 10:04Система наблюдения NASA зафиксировала мощный выброс тепла в районе иранского ядерного объекта у Фордо незадолго до объявления США об авиаударе. Об этом сообщает газета The New York Times.
-
2025-06-22 10:02США готовы в случае необходимости в течение считаных минут уничтожать дополнительные цели в Иране. Об этом заявил американский лидер Дональд Трамп, выступая в Белом доме с телеобращением к согражданам в связи с нанесением ударов по Ирану.