2024-04-12 17:54
Информагентства
Վելայաթի․ ԱՄՆ-ն հակամարտությունները պատրվակ է դարձնում Կովկասի գործերին միջամտելու համար
ԱՄՆ-ն և ՆԱՏՕ-ն ցանկանում են հակամարտությունների կարգավորման պատրվակով միջամտել տարածաշրջանի գործերին։ Ինչպես տեղեկացնում է «Mehr»–ը, այս հայտարարությունն արել է Իրանի գերագույն առաջնորդի միջազգային հարցերով խորհրդական Ալի Աքբար Վելայաթին։
Վելայաթիի խոսքով` կովկասյան տարածաշրջանի գործերին անօրինական միջամտության որոշումը համաձայնեցվել է Բրյուսելում ՆԱՏՕ-ի գագաթնաժողովի շրջանակում, ընդ որում` որպես նպատակ հայտարարվում է «խաղաղության հաստատումը»:
«Նման վարքագիծը վկայում է, որ երկրների այս խումբն ուզում է լարվածություն առաջանել աշխարհի տարբեր մասերում և պատրվակ է ստեղծում ռազմական ներկայության համար` տարածաշրջանի երկրների անվտանգության և անկախության հաշվին»,- կարծում է Իրանի գերագույն առաջնորդի խորհրդականը:
Նա նշել է, որ ՆԱՏՕ-ի նոր ծրագիրը հիմնված է ԱՄՆ-ի նախաձեռնության վրա, դրա իրականացման համար անհրաժեշտ կլինի տարածաշրջանում միջնորդների օգնությունը:
«Նման ռազմավարության իրականացումը տարածաշրջանի երկրների համար ոչ միայն կործանարար հետևանքների կհանգեցնի, այլև կբերի դրանց պատմական սահմանների լղոզման, ներքին հակամարտությունների առաջացման։ Արևմտյան տերությունները` ԱՄՆ–ի գլխավորությամբ, այդ իրադարձությունները որպես պատրվակ կօգտագործեն տարածաշրջանի գործերին միջամտելու համար»,- վստահ է Վելայաթին։
Նրա կարծիքով` դա կխորացնի տարածաշրջանի երկրների միջև լարվածությունը, պատերազմ կբորբոքի Հարավային Կովկասում:
Վելայաթիի խոսքով` Թեհրանը թույլ չի տա Արևմուտքի կողմից որևէ դավադրություն, որն ուղղված կլինի տարածաշրջանային անվտանգության խաթարմանը:
Իրանի գերագույն առաջնորդի խորհրդականը նշել է, որ ԱՄՆ-ն փորձում էր դաշինքի ուժեր տեղակայել Ռուսաստանի հարավում կամ Իրանի հյուսիսում` Կասպից ծովի և Կենտրոնական Ասիայի էներգառեսուրսները ստանալու համար: Սակայն, նրա խոսքով, ծրագիրը խափանվեց Թեհրանի զգոնության շնորհիվ։
Հիշեցնենք` Իրանը բազմիցս հայտարարել է, որ անթույլատրելի է համարում Հարավային Կովկասում ոչ տարածաշրջանային խաղացողների միջամտությունը։
Sputnik Արմենիա
ПОСЛЕДНИЕ ОТ АВТОРА
-
New2025-04-17 18:29Действующее руководство Армении, потерпевшее поражение в 44-дневной войне 2020 года, последовательно выполняет все требования азербайджанской стороны, стремясь в обмен получить документ, в котором фигурировало бы слово «мир», – как своего рода пропуск на парламентские выборы 2026 года. Однако бесконечные уступки уже поставили Армению перед серьезнейшими вызовами безопасности. Свои наблюдения относительно стоящих перед армянским народом вызовов в студии «Panorama-интервью» представила эксперт по вопросам Азербайджана Анжела Элибегова.
-
New2025-04-17 18:26Ереванская презентация книги "Где Коля Степанян" о Второй карабахской войне (18+) состоялась накануне в Ереване.
-
New2025-04-17 18:17Правительство Армении на заседании 17 апреля утвердило результаты выборов ректора Фонда «Национальный аграрный университет Армении».
-
New2025-04-17 18:16Правительство Армении одобрило на заседании в четверг законопроект, предусматривающий перенос крайнего срока подачи налоговых деклараций – с 1 мая на 1 ноября.