2024-04-13 09:50
Информагентства
Կարեն Միրզոյան․ Արցախահայությանը տեղահանելով հնարավոր չէ փակել Արցախի հարցը (ՏԵՍԱՆՅՈՒԹ)
2018-ին Նիկոլ Փաշինյանը գալով իշխանության, խոստացավ լուծել Արցախի հարցը, արդյունքում ունենք Արցախի բացակայություն, բզկտված Հայաստան, ահագնացող անվտանգային միջավայր: Այս մասին NEWS.am-ի հետ զրույցում նշեց Արցախի ԱԳ նախկին նախարար Կարեն Միրզոյանը:
«Ահա սա է լինում անգրագետ լուծումների արդյունքը»,-ասաց նա:
Հարցին՝ հնարավո՞ր էր արագ լուծել Արցախի հարցը, որ չտևեր այսքան երկար ու չհասներ մինչև Նիկոլ Փաշինյանի իշխանություն, Կարեն Միրզոյանը պատասխանեց. «Արագ լուծումները, իհարկե, լավ բան են և արժե դրանց ձգտել, բայց արագ լուծումները, շատ հաճախ բերում են նաև երկարատև բացասական հետևանքների: Աշխարհում կան շատ երկարատև հակամարտություններ, որոնք չեն խանգարում նրանցում ընդգրկված երկրներին ունենալ իրենց ուրույն զարգացման ուղին, ունենալ իրենց ուրույն ապագան:
Այսօր Արցախի հայաթափումը, ՀՀ սահմաններին կախված օրհասական վտանգը, եթե ոմանց թվում է, որ դա հարցի վերջնական լուծում է, չարաչար սխալվում է: Հակառակը, դա նոր, ավելի խորը, ավելի ծանր հետևանքներով հակամարտության արգասիք է: Եթե ոմանց թվում է, որ արցախահայությանը տեղահանելով և զրկելով իրենց պատմական հայրենիքից հնարավոր է փակել Արցախի հարցը, չարաչար սխալվում են: Հակառակը, ստեղծվում են նախադրյալներ ավելի խորը, ավելի սարսափելի մի հակամարտության համար, որի հետևանքները քաղելու են սերունդները»:
Դիտարկմանը, թե միջազգային հանրության տեսանկյունից Արցախի հարցը ևս փակված չէ՞, նա արձագանքեց. «Ես չեմ կարծում, որ միջազգային հանրությունը այդքան անհեռատես ու հիմար է, որ չի հասկանում, որ խաղաղության դարաշրջանի մասին սոսկ դեկլարատիվ հայտարարություններով հնարավոր է լուծում գտնել ինչ-ինչ հակամարտության:
Ես չեմ կարծում, որ միջազգային հանրությունն ընդհանրապես աչք է փակել Արցախի ժողովրդի տառապանքների վրա: Այլ բան է, որ այսօր տեսնելով ՀՀ իշխանությունների կրավորական կեցվածքը, պարզ է, որ միջազգային հանրությունը նախընտրում է գնալ ավելի թեթև ճանապարհով, ավելի փոքր դիմադրողականության ճանապարհով»:
ПОСЛЕДНИЕ ОТ АВТОРА
-
New2025-06-28 09:31Россельхознадзор заявил о введении с 27 июня 2025 года нового порядка ввоза срезанных цветов и бутонов из Армении в Россию. С указанной даты доступ в страну цветочной продукции происхождением и отправлением из Республики будет осуществляться только из мест производства, обеспечивающих процедуру прослеживаемости.
-
New2025-06-28 09:29Нам только что сообщили, что Канада, с которой очень сложно ТОРГОВАТЬ, включая тот факт, что они взимали с наших фермеров до 400% пошлин на молочные продукты в течение многих лет, только что объявила о введении налога на цифровые услуги для наших американских технологических компаний, что является вопиющей атакой на нашу страну. Об этом в соцсетях написал президент США Дональд Трамп.
-
New2025-06-28 09:27Глава Ширакской епархии Армянской Апостольской Церкви, архиепископ Микаэл Аджапахян арестован решением судьи первой инстанции Еревана Масиса Мелконяна.
-
New2025-06-28 09:25Почти 80% граждан Армении негативно оценивают действия властей в отношении главы группы компаний "Ташир" Самвела Карапетяна. Об этом свидетельствуют данные опроса, проведенного армянским представительством GALLUP International Association.