2024-04-26 13:52
Информагентства
Վարչապետը հաստատել է ՄԻԵԴ-ում առաջադրվող ՀՀ դատավորների ցանկը
ՀՀ վարչապետ Նիկոլ Փաշինյանի որոշմամբ՝ հաստատվել է Մարդու իրավունքների եվրոպական դատարանում Հայաստանի կողմից առաջադրվող դատավորների ցանկը։ Համապատասխան որոշումը հրապարակված է կառավարության պաշտոնական կայքէջում։ Ըստ այդմ՝ Հայաստանի Հանրապետությունը 3 թեկնածու է առաջադրել։
«Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16.1-ին մասը` հաստատել Մարդու իրավունքների եվրոպական դատարանի դատավորի պաշտոնում Հայաստանի Հանրապետության կողմից առաջադրվող թեկնածուների ցուցակը՝ հետևյալ կազմով. 1) Գրիգորյան Վահե. 2) Կարապետյան Նորա. 3) Քոչարյան Վիգեն»,- նշված է որոշման մեջ։
Հիշեցնենք՝ դեռ նախորդ տարի հայտնել էինք, որ Հայաստանում ստեղծվել է հանձնաժողով, որն ընտրելու է Մարդու իրավունքների եվրոպական դատարանում մեր երկիրը ներկայացնող դատավորին։ Հանձնաժողովի կազմում ընդգրկված են ԲԴԽ նախագահը, Վճռաբեկ դատարանի նախագահը, գլխավոր դատախազը, մարդու իրավունքների պաշտպանը, արդարադատության նախարարը, իրավական հարցերով միջազգային ներկայացուցիչը և մի շարք այլ անձինք:
Հայաստանի առաջին դատավորը Մարդու իրավունքների եվրոպական դատարանում աշխատել է 2003-2014 թվականներին: 2015 թվականից մինչ օրս աշխատող դատավորի` Արմեն Հարությունյանի պաշտոնավարման ժամկետը մոտենում է ավարտին:
ПОСЛЕДНИЕ ОТ АВТОРА
-
New2025-06-16 04:49В Иране число погибших в результате израильских атак достигло 224, сообщает Press TV со ссылкой на Минздрав ИРИ.
-
New2025-06-16 04:45Армия обороны Израиля (ЦАХАЛ) заявила, что завершила «масштабную» серию авиаударов по Ирану, направленных на уничтожение производственных мощностей по производству оружия.
-
New2025-06-16 04:41Корпус стражей исламской революции Ирана (КСИР) сообщил о нанесении ударов по разведывательным центрам Израиля, передает РИА Новости.
-
New2025-06-16 04:38Иран подтвердил гибель главы разведки КСИР бригадного генерала Мохаммада Каземи.