2024-05-03 09:07
Марина МКРТЧЯН
ՌԱՄԻԼ ՍԱՖԱՐՈՎՆԵՐԻՑ 50 ՄԵՏՐ ՀԵՌԱՎՈՐՈՒԹՅԱՆ ՎՐԱ, կամ՝ ՀՀ ՔՐԵԱԿԱՆ ՕՐԵՆՍԳՐՔԻ 421-ՐԴ ՀՈԴՎԱԾ (1-ԻՆ ՄԱՍ)…
Կիրանցի բնակիչների հետ հանդիպումը (ապրիլի 29-ին) հաստատեց, որ Փաշինյանն ընդամենը Ալիևի հնազանդ կամակատարն է, ուստի չի կարող զիջումներ անել իր հայրենակիցներին և բավարարել նրանց խնդրանքները. իրենից ոչինչ կախված չէ։
Շփման գծի սահմանազատումը (իսկ տեղ-տեղ նաև սահմանագծումը) եվ, այսպես կոչված՝ պետական սահմանը հանցավոր համաձայնության և Սահմանադրության խախտման արդյունք են: Տասնյակ հիմնավորումներ են բերված որպես ապացույց, որ Տավուշի 4 գյուղերի հանձնումն ընդհանուր ոչինչ չունի սահմանազատման հետ, եթե այդ տերմինի տակ նկատի ունենանք միջպետական հարաբերությունների ակտը: Սահմանազատման ցուցանակի տակ ընթանում է տարածքների միակողմանի հանձնում՝ ռազմական ներխուժման սպառնալիքով։ Ակներև են խեղաթյուրումն ու կեղծ գործընթացը, ընդ որում առ այսօր չկան պայմանավորվածություններ, թե շփման գծի վրա հատկապես որտեղ է շարունակվելու սահմանասյուների տեղադրումը, երբ է դրանց թիվն անցնելու 40-ից։
Իր «պիլոտային» ծրագրով Փաշինյանը փաստացի օրինականացրեց ադրբեջանցի զավթիչների գործողությունները Շուռնուխում, որոնք ինքնաձիգների կոթերով վռնդում էին հայերին իրենց տներից՝ որպես իրենց գործողությունների «օրինականության» ապացույց ներկայացնելով «ջի-փի-էս»-ների հիման վրա կազմած «սահմանի գիծը»։ Ներկայիս սահմանասյուներն այդ գործողությունների շարունակությունն են, բայց իշխող վերնախավի ղեկավարի արդեն ոչ թե լուռ թողտվությամբ, ինչպես դա եղավ Շուռնուխում, այլ անմիջական համաձայնությամբ:
2021 թվականին բազմիցս գրել ենք, որ զավթիչների գծած սահմանն անցել է Շուռնուխի բնակիչ Ստյոպա Մովսիսյանի անասնագոմով։ Այժմ հայտնի է, որ հերթական սահմանասյունը կհայտնվի Կիրանց գյուղի բնակիչ Մհեր Սիմոնյանի տան տեղում: Նա դեռ հույս ուներ, թե սահմանը կանցնի իր պարտեզով, իսկ տանը գոնե 1 սենյակ կմնա, հիմա այդ հույսերն էլ փլուզվեցին։
Ոսկեպարի դպրոցի տնօրեն Հարություն Ալավերդյանն օրերս հիշեցրեց, թե ինչպես են իր համագյուղացիներն ապրել ադրբեջանցիների հարևանությամբ, ինչպես են 90-ականներին գնդակահարվել 14 հայեր, որոնք պատահաբար անցել են նրանց տարածք: Այժմ ադրբեջանցիները դպրոցից 100 մետր հեռավորության վրա են լինելու։ Եվ դա այն պատճառով, որ արևմտյան կոալիցիան անասելի ուրախ է 1991թ. Ալմա-Աթայի հռչակագրի վերակենդանացման կապակցությամբ, որը վերահաստատվեց 2022թ. հոկտեմբերի 6-ին Պրահայում, հիմք դառնալով նույն թվականի դեկտեմբերի 12-ից Արցախի շրջափակման համար։ 2023թ. սեպտեմբերի 19-20-ին շրջափակումն ավարտվեց հայերի ցեղասպանությամբ և բռնի տեղահանմամբ:
Հատուկ ուշադրություն պետք է հատկացնել այն հանգամանքին, որ հավաքական Արևմուտքն այդ հռչակագիրը դիտարկում է ոչ միայն որպես Հայաստանի և Ադրբեջանի միջև հակամարտության լուծման հիմք, այլև որպես առանցքային փաստաթուղթ Ռուսաստանի և Ուկրաինայի միջև հակամարտության լուծման համար, թեև Ռուսաստանը, դատելով ամենից, թողել է այդ փաստաթուղթն անցյալ դարում…
Ակնհայտ է, որ Ադրբեջանը դուրս չի բերի զորքը Վայոց Ձորի, Գեղարքունիքի, Սյունիքի օկուպացված հայկական տարածքներից։ Ապրիլի 27-ին հայկական կողմը ստացել է խաղաղության համաձայնագրի նախագծի վերաբերյալ Բաքվի առաջարկությունների 9-րդ փաթեթը: Հիշեցնեմ, որ ՀՀ առաջին դեմքերը խոսում էին այն մասին, որ 2023 թվականի վերջին շաբաթներին, մեծ հավանականությամբ, խաղաղության համաձայնագիրը կստորագրվի։ Եթե Ալիևն ու Փաշինյանը չհասցնեն, ապա կստորագրեն փաստաթուղթը 2024թ.հունվարին: Անցած շաբաթ թիմակիցների հետ փակ հանդիպման ժամանակ Փաշինյանը չի բացառել, որ համաձայնագրի վերաբերյալ պայմանավորվածություններ տեսանելի հեռանկարում այդպես էլ ձեռք չեն բերվի:
Միջազգային իրավունքի մասնագետները հոգնել են կրկնել, որ Ալիևը որոշել է սկսել գործընթացը Տավուշից, քանի որ այդ մարզի վերաբերյալ պահպանված փաստաթղթեր չկան:
«Պատիվ ունեմ» խմբակցության քարտուղար Տիգրան Աբրահամյանը ընթացիկ քառօրյայի ամբիոնից հայտարարեց, որ Տավուշի վերաբերյալ 1988թ.թվագրված փաստաթղթերը՝ կողմերի ստորագրությամբ (հայկական կողմից դրանք ստորագրել է Վլադիմիր Մովսիսյանը), անհետացել են 2 տարի առաջ: Վայոց Ձորի, Գեղարքունիքի և Սյունիքի վերաբերյալ պահպանվել են կողմերի ստորագրությամբ 1975թ. փաստաթղթեր, որոնք բովանդակում են սահմանագծի ճշգրիտ նկարագրությունը:
Այդ փաստաթղթերի առկայությունը, ավաղ, չի երաշխավորում, թե Փաշինյանը կդադարի խոնարհաբար հանձնել հայկական տարածքները, իսկ Ալիևը Հայաստանից դուրս կբերի օկուպացիոն զորքերը, և թող ոչ ոք չխաբվի ադրբեջանցի պատգամավորի խոսքերով՝ Արծվաշենը հայերին վերադարձնելու մասին։ Ակնհայտ է, որ «սատմանազատման» հիմքում ոչ թե նախկին սոցիալիստական հանրապետությունների սահմաններն են, այլ Փաշինյանին պարտադրված ալիևյան կամքը…
Սահմանադրության համաձայն՝ մեր երկրում իշխանությունը պատկանում է ժողովրդին։ Ակնհայտ է, որ Տավուշի 4 գյուղերի հանձնումն իրականացվում է ժողովրդի կամքին հակառակ։ Ակնհայտ է նաև, որ վստահության 8% վարկանիշ ունեցող կառավարության ղեկավարն իրավունք չունի միանձնյա լուծել տարածքների օտարման հարցերը։ Փաշինյանի նշյալ գործողությունները կատարվում են սեփական ժողովրդի նկատմամբ բռնության և ճնշման պայմաններում՝ ճիշտ համապատասխան ՀՀ քրեական օրենսգրքի 421-րդ հոդվածում (1-ին մաս) նկարագրված հանցակազմին: Այն նախատեսում է 10-15 տարվա ազատազրկում։ Խոսքը վերաբերում է «տարածքային ամբողջականությունը խախտելուն», «բռնության կամ բռնություն գործադրելու սպառնալիքի միջոցով Հայաստանի Հանրապետության տարածքի մասն առանձնացնելուն», ինչպես նաև «Հայաստանի Հանրապետության տարածքը կամ դրա մասն այլ պետությանը հանձնելուն ուղղված գործողություններին»։
Հոդվածը կատարելապես համապատասխանում է իշխող վերնաշերտի պարագլխի արարքներին, միայն թե այդ հոդվածով քրեական հետապնդում հարուցող չկա։ Գլխավոր դատախազ Աննա Վարդապետյանը, ՔԿ պետ Արգիշտի Քյարամյանը, ԱԱԾ ղեկավար Արմեն Աբազյանը գործում են բացառապես ի նպաստ Փաշինյանի անձնական շահերի, այսինքն մեղսակից են Հայաստանի Հանրապետության դեմ նրա բոլոր հանցագործություններին: Տավուշից անմիջապես հետո հերթը Գեղարքունիքինն է։ Երբ հայտնենք այն մարդու անուն-ազգանունը, որի տան կամ այգու միջով կանցնի սահմանը Վարդենիսի շրջակայքում, Տավուշում երեխաները կքնեն ռամիլ սաֆարովներից 50 մետր հեռավորության վրա, որոնք ցանկացած պահի կարող են կացնով գալ իրենց տներ... Ինչո՞ւ արևմտյան կոալիցիային այս պարագայում չի հուզում սահմանամերձ քրիստոնյա բնակչության իրավունքների պաշտպանության խնդիրը։
ПОСЛЕДНИЕ ОТ АВТОРА
-
2025-07-19 10:09Во времена начальника управления МВД по уголовным наказаниям Мушега Сагателяна (по прозвищу "Костолом") было известно, что в полиции задержанных и арестованных по политическим мотивам избивают, а в СНБ не бьют. Традиции, как ни странно, сохраняются, если не считать, что в СК при Аргишти Кярамяне на допросах "политических" арестованных подвергали пыткам и истязаниям, о чем указано в докладе Хельсинской инициативы за 1 полугодие 2024 г.
-
2025-07-17 09:55Капитуляция-2, о которой независимые политологи, СМИ и политические силы национальной ориентации предупреждали сразу после сдачи 21 км дороги Горис-Капан, вступила в стадию ускоренной реализации. После капитуляции по итогам 44-дневной войны 2020 г. последовало признание Пашиняном Арцаха в составе Азербайджана (6 октября 2022 г. в Праге под патронатом Макрона и Шарля Мишеля). Крестные отцы капитуляции-2 те же, что и при капитуляции-1. После Праги 12 декабря 2022 г. Алиев начал блокаду Республики Арцах, которая завершилась в сентябре 2023 г. геноцидом и насильственной депортацией армян. К тому времени территории 3-х марзов суверенной Армении уже были частично оккупированы азербайджанцами.
-
2025-07-14 09:39Ровно 7 лет назад, в июле 2018 г., на пике популярности Пашинян совершил первый визит в Брюссель. Вернувшись, не пытался скрыть разочарование и даже прибегнул к скандальному заявлению о том, что нам не нужны мелкие деньги, так как, достаточно потрясти наших олигархов, чтобы из их карманов выпало столько, сколько обещали дать из Европы.
-
2025-07-14 09:17"Положили на стол 2 пустые гильзы, несколько охотничьих ружей с их лицензиями и объявили, дескать, предотвратили теракт", – констатировал тюрколог Тиран Локмагезян за сутки до ареста депутата от фракции "Айастан" Артура Саркисяна. Ему предъявили обвинение в пособничестве терроризму на основании найденной при обыске карты Еревана. 10 июля к уже имеющимся вещественным "доказательствам" добавились майка с надписью "Смерть или свобода", игрушечная граната и детали командной игры, участники которой стреляют друг в друга краской. О прослушанных беседах архиепископа Баграта Галстаняна и высказываниях архиепископа Микаэла Ачапахяна уже говорилось неоднократно, а потому особо вдаваться в детали не будем.