2024-05-09 09:34
Информагентства
Արմեն ԱՇՈՏՅԱՆ․ ԱՅՍ ՇԱՐԺՈՒՄԸ ԲԱՑԱՌԻԿ ԱՌԻԹ Է ԴՈՒՐՍ ԳԱԼՈՒ ԳՈՐԾԱԾ ՍԽԱԼՆԵՐԻ ՄՈԼՈՐՈՒԹՅՈՒՆՆԵՐԻ ՃԻՐԱՆՆԵՐԻՑ
ՀՀԿ փոխնախագահ Արմեն Աշոտյանը հայտարարություն է տարածել Նուբարաշենի ՔՀ-ից, որում մասնավորապես ասվում է.
«Այս պայքարը կրոնական չէ` հոգևոր է:
Քաղաքական չէ`ազգային է:
Եկեղեցական չէ`ժողովրդական է:
Համազգային մաքրման հնարավորություն է:
Երկիրը նիկոլիզմից մաքրելու համար պետք է նախ ինքնամաքրվենք ստից, կեղծիքից, մեղքերից:
Մենք՝ որպես ժողովուրդ, շատ ավելի լավն ենք, քան մեզ թվում է: Քան իշխանությունները մեզ պատկերացնում են, կամ ընդդիմությունը, այդ թվում` ես, մեզանով էր բացատրում իր անհաջողությունները: Մենք ժեխ չենք, մենք խեժ ենք` հույսի, սիրո, հավատի և պատվի թանձրուք:
Իրար շատ ենք խաբել, մոլորեցրել, չարացել և չարիք գործել:
Եկել է մաքրվելու ժամանակը: Դեռևս պատերազմից անմիջապես հետո քանիցս ասել եմ, որ իրավիճակը բեկելու համար համազգային խոստովանության և կարգախոսի կարիք ունենք:
Միայն այդպես է հնարավոր կրկին ոտքի կանգնել, չորքոտանուց նորից դառնալ երկոտանի, հորիզոնականից` ուղղահայաց ազգ:
Մենք, որպես ժողովուրդ, բազում մեղքեր ենք գործել ոչ միայն Աստծո և երկնքի առաջ, այլև մեր Հայրենիքի և իրար հանդեպ:
Հայերը չպետք է նմանվեն այն ազգերին, որոնք իրենց մեղքերով իջան պատմության գերեզման:
Բոլոր բաժանարար գծերը ջնջելու ժամանակն է: Ընդամենը մեկ գիծ կա, որ բաժանում է չարը`բարուց, մարդուն`օրգանիզմից, սերը`ատելությունից, և այդ գծի հանդեպ յուրաքանչյուրիս դիրքավորվելու ժամանակն է:
Եկեք քրիստոնեական բարոյականությամբ բոլորս միասին ասենք. հրաժարվում ենք Նիկոլից և նրա ամբողջ խաբեությունից, նրա պատրանքներից, նրա խորհուրդներից, նրա ընթացքից, նրա չար կամքից, նրա չար կամքը կատարողներից, նրա չար սպասավորներից և նրա ամբողջ չար իշխանությունից:
Հրաժարվելով` հրաժարվում ենք:
Այս շարժումը բացառիկ առիթ է դուրս գալու գործած մեղքերի, կեղծիքի, սխալների մոլորությունների և անպատվության ճիրաններից»:
Մաքրվենք, որ մաքրենք:
Իսկ ես, թեպետ մարմնով բանտարկված եմ, բայց հոգով, մտքով, խղճով և աղոթքներով ձեզ հետ եմ, իմ պատվախնդիր և վերածնվող հայրենակիցներ:
Բագրատ սրբազանի բարձրացրած Սուրբ Խաչի զորությունը բոլորիս պահապան և ուղենիշ լինի:
Արմեն Աշոտյան, ՀՀԿ փոխնախագահ
«Նուբարաշեն» ՔԿՀ
08.05.2024»:
ПОСЛЕДНИЕ ОТ АВТОРА
-
New2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
New2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
New2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
New2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.