2024-05-10 12:37
Информагентства
Սա հաղթական ճանապարհի սկիզբն է. Բագրատ սրբազանը հանդիպեց ԵՊՀ ուսանողներին
Երևանի պետական համալսարանի ուսանողները բողոքի ակցիա են անում` ի աջակցություն «Տավուշը հանուն հայրենիքի» շարժման։
Ավելի վաղ հայտնել էինք, որ շարժման ղեկավարներից մեկը` Տավուշի թեմի առաջնորդ Բագրատ արքեպիսկոպոս Գալստանյանը, հայտարարել էր ողջ հանրապետությունում անհնազանդության ակցիաներ իրականացնելու, դասադուլ սկսելու մասին։
ԵՊՀ ուսանողական խորհրդի նախագահ Խաչիկ Աբաջյանը նշեց, որիրենք ինքնաբուխ ակցիա են սկսել։
«Մենք բարձրացնում ենք մեր ձայնը, որ այս իշխանությունները մեզ դեպի անդունդն են տանում, և այն, ինչ կատարվում է երկրում` անընդունելի է։ Մեր ակցիան մեկնարկել ենք «Երբ չի լինում ելք ու ճար, խենթերն են գտնում հնար» երգով, քանի որ կարծում ենք` պետք է խենթ լինենք, որ այս իրավիճակից դուրս գանք։ Կարծում եմ` ԵՊՀ–ում գրեթե դասապրոցես չի ընթանում, որովհետև ուսանողները կա՛մ հայտարարել են դասադուլ ու չեն եկել, կա՛մ այստեղ են»,– նշեց Աբաջյանը։
Նշենք, որ ուսանողներին միացել են նաև ԵՊՀ–ի մոտ գտնվող «Տավուշը հանուն հայրենիքի» շարժման առաջնորդներն ու մյուս անդամները։
Տավուշի թեմի առաջնորդ Բագրատ արքեպիսկոպոս Գալստանյանը շնորհակալություն հայտնեց ուսանողներին, որ գիտակցում են, թե երկրում ինչ իրավիճակ է ու պայքարում են։
«Մայիսի 9-ին տեղի ունեցած ակցիան շարժման սկիզբն է, որը պետք է հանգեցնի հաղթանակի։ «Տավուշը հանուն հայրենիքի» շարժման և նրա կողմնակիցների պայքարն ուղղված է ոչ միայն երկրի տարածքների պաշտպանությանը, այլև ճշմարտության պաշտպանությանը։ Սա հաղթական ճանապարհի սկիզբն է»,– ասաց սրբազանը։
Ներկա պահին շարժման անդամները Պոլիտեխնիկական ազգային համալսարանի մոտ են։
Sputnik Արմենիա
ПОСЛЕДНИЕ ОТ АВТОРА
-
New2025-06-21 16:55Интервью с доктором юридических наук Артуром Гамбаряном.
-
2025-06-21 15:34Городской совет Алькасера (провинция Валенсия, Испания) единогласно осудил геноцид османской Турцией, политику отрицания нынешних турецких властей и принял предложение о признании Геноцида армян, став 42-м испанским городом Испании, сделавшим это.
-
2025-06-21 15:32Министр иностранных дел Ирана Аббас Арагчи в интервью NBC News заявил, что если Трамп решит, что США нанесут удар по Ирану, его правительство оставляет за собой право нанести ответный удар, как оно это сделало в отношении Израиля.
-
2025-06-21 15:26Главный редактор армянского издания "Калифорнийский курьер" в Лос-Анжелесе Арут Сасунян высказал два взгляда на ситуацию относительно нападок власти на главу Армянской Апостольской Церкви и вставшего на ее защиту видного представителя делового сообщества и мецената из диаспоры.