Արևմտյան հետախուզությունը կանխատեսում է, որ ՌԴ հարձակումներն Ուկրաինայի վրա կավելանան

Արևմտյան հետախուզությունը կարծում է, որ Ռուսաստանը շուտով կուժեղացնի օդային և ցամաքային հարձակումներն Ուկրաինայի վրա՝ օգտվելու այն ժամանակից, որը կպահանջվի, որպեսզի Կիևը ստանա բավականաչափ զենք և զինամթերք՝ վերջերս ընդունված ԱՄՆ ռազմական օգնության փաթեթից: Այս մասին CNN-ին հայտնել են հետախուզությանը ծանոթ երեք պաշտոնյաներ:

CNN-ի զրուցակիցների կարծիքով՝ որոշակի ժամանակ կանցնի Ուկրաինային օգնության ֆինանսավորման հաստատման և դրա մեծ մասի ստացման միջև, ինչը էապես կփոխի իրավիճակը ճակատում, ինչը Ռուսաստանը կփորձի օգտագործել իր օգտին։

Նրանք ընդունում են, որ ամիսներ շարունակ ԱՄՆ-ի ուշացած օգնությունը ռազմի դաշտում իրական վնաս է հասցրել ուկրաինական ուժերին՝ թե՛ տարածքային, թե՛ կյանքերի առումով:

Ըստ CNN-ի՝ արևմտյան և ուկրաինական պաշտոնյաները կարծում են, որ հարձակումների ավելացման անմիջական սպառնալիքը կապված է «ամռան սկզբին» լայնածավալ հարձակում սկսելու՝ Ռուսաստանի պլանների հետ։

Ամերիկացի զինվորականներից մեկը, գնահատելով Ուկրաինայի հեռանկարներն առաջիկա շաբաթների ընթացքում՝ նույնիսկ ռազմական աջակցության դեպքում, CNN-ին ասել է. «Լավագույն սցենարն առաջնագծում պահելն է»:

Վերջին շաբաթների ընթացքում Ռուսաստանը հսկայական ռեսուրսներ է լցրել Ուկրաինայի պաշտպանության համար ամբողջ արևելյան ճակատի երկայնքով՝ առաջ շարժվելով դեպի երեք կարևոր կետեր. Պոկրովսկի ռազմական հանգույց՝ Ավդեևկայից արևմուտք; Բախմուտի մոտ գտնվող Չասով Յար քաղաքի ռազմավարական բարձունքները, իսկ հարավ-արևելքում՝ Կուրախովոն։

News.am